https://sputnik.kg/20240320/sokuluk-ospurum-zorduktoo-1083586832.html
Акыйкатчы: Сокулукта секелек кызды 9 эркек зордуктап жүргөн
Акыйкатчы: Сокулукта секелек кызды 9 эркек зордуктап жүргөн
Sputnik Кыргызстан
Акыйкатчы институтунун маалыматы боюнча, өспүрүмдү мектептин жана үйүнүн жанында күтүп, коркутуп, унаага салып кетип зордукташкан. 20.03.2024, Sputnik Кыргызстан
2024-03-20T14:47+0600
2024-03-20T14:47+0600
2024-03-20T14:48+0600
кыргызстан
сокулук району
кыз
зордуктоо
акыйкатчы институту
https://sputnik.kg/img/103520/41/1035204163_0:0:6016:3385_1920x0_80_0_0_007aa9f0cd14483d1dc971fa541f6783.jpg
БИШКЕК, 20-мар. — Sputnik. Сокулук районунда 13 жаштагы кызды тогуз бала зордуктап жүргөн. Бул тууралуу Акыйкатчы институту билдирди.Маалыматка караганда, бүгүн жабырлануучунун апасы укук коргоочуга кайрылып, бир жыл бою жашы жете элек кызын зордуктап жүргөн балдардын жакындары коркутуп, кысым көрсөтүп жатканын айткан.Укук коргоочулар Сокулук РИИБи тарабынан кылмышкерлерди жоопко тартуу боюнча азырынча эч кандай чара көрүлбөй жатканын кабарлады."2023-жылдын апрель айында 20 жаштагы бала кызды автоунаага салып, шаардын сыртына алып чыгып зордуктаган. Ал "эгер бул боюнча бирөөгө айтсаң 40 эркек зордуктап кетет" деп коркуткан. Кызды Сокулукка алып келгенден кийин досуна өткөрүп берип үйүнө жеткирттирген. Мындан кийин башка эркектер өспүрүмдү мектептин жана үйүнүн жанында күтүп, унаага отургузууга мажбурлашкан. Алар "ата-энеңе баарын айтабыз" деп коркутуп келишкен. Кызды тогуз эркек зордуктап жүргөн", — деп билдирди Акыйкатчы институту.Омбудсмен Жамиля Жаманбаева башкы прокурордон жана ИИМ жетекчилигинен бул боюнча тез арада чара көрүүнү талап кылганы айтылды.
https://sputnik.kg/20240226/zhalal-abad-ayal-zorduktoo-kylmysh-1082964157.html
сокулук району
Sputnik Кыргызстан
media@sputniknews.com
+74956456601
MIA „Rosiya Segodnya“
2024
Sputnik Кыргызстан
media@sputniknews.com
+74956456601
MIA „Rosiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rosiya Segodnya“
Sputnik Кыргызстан
media@sputniknews.com
+74956456601
MIA „Rosiya Segodnya“
кыргызстан, сокулук району, кыз, зордуктоо, акыйкатчы институту
кыргызстан, сокулук району, кыз, зордуктоо, акыйкатчы институту
Акыйкатчы: Сокулукта секелек кызды 9 эркек зордуктап жүргөн
14:47 20.03.2024 (Жаңыртылды: 14:48 20.03.2024) Акыйкатчы институтунун маалыматы боюнча, өспүрүмдү мектептин жана үйүнүн жанында күтүп, коркутуп, унаага салып кетип зордукташкан.
БИШКЕК, 20-мар. — Sputnik. Сокулук районунда 13 жаштагы кызды тогуз бала зордуктап жүргөн. Бул тууралуу Акыйкатчы институту билдирди.
Маалыматка караганда, бүгүн жабырлануучунун апасы укук коргоочуга кайрылып, бир жыл бою жашы жете элек кызын зордуктап жүргөн балдардын жакындары коркутуп, кысым көрсөтүп жатканын айткан.
"Аялдын айтымында, анын 13 жаштагы кызын 2023-жылдын апрель айынан бери 19-22 жаштагы тогуз бала зордуктап келген. Алар кызды коркутуп, эч кимге айтпоого мажбурлашкан. Жабырлануучу ата-энесине баарын ачыктоодон чочулап, үч ирет өз жанын кыюуга аракет кылган. 2024-жылдын январь айында кыз жоголуп кетип, 20 күндөн кийин табылган. Кыз кийин Өспүрүмдөрдүн иши боюнча инспекциянын кызматкерине баарын айтып берген. Бул тууралуу билген ата-энеси милицияга арыз жазган", — деп айтылат маалыматта.
Укук коргоочулар Сокулук РИИБи тарабынан кылмышкерлерди жоопко тартуу боюнча азырынча эч кандай чара көрүлбөй жатканын кабарлады.
"2023-жылдын апрель айында 20 жаштагы бала кызды автоунаага салып, шаардын сыртына алып чыгып зордуктаган. Ал "эгер бул боюнча бирөөгө айтсаң 40 эркек зордуктап кетет" деп коркуткан. Кызды Сокулукка алып келгенден кийин досуна өткөрүп берип үйүнө жеткирттирген. Мындан кийин башка эркектер өспүрүмдү мектептин жана үйүнүн жанында күтүп, унаага отургузууга мажбурлашкан. Алар "ата-энеңе баарын айтабыз" деп коркутуп келишкен. Кызды тогуз эркек зордуктап жүргөн", — деп билдирди Акыйкатчы институту.
Омбудсмен Жамиля Жаманбаева башкы прокурордон жана ИИМ жетекчилигинен бул боюнча тез арада чара көрүүнү талап кылганы айтылды.
