https://sputnik.kg/20240314/alymkadyr-beyshenaliyev-akmatbayev-menen-baylanysh-tuuraluu-1083413153.html
Алымкадыр Бейшеналиев Рысбек Акматбаев менен байланышта беле? Министрдин жообу
Алымкадыр Бейшеналиев Рысбек Акматбаев менен байланышта беле? Министрдин жообу
Sputnik Кыргызстан
Бейшеналиев дарыгер болуп жүргөндө депутат, министр, уюшкан кылмыштуу топтун мүчөлөрүнө да операция жасаганын айткан. 14.03.2024, Sputnik Кыргызстан
2024-03-14T16:47+0600
2024-03-14T16:47+0600
2024-03-19T19:25+0600
жусупбек коргонбай уулу
алымкадыр бейшеналиев
уюшкан кылмыштуу топ
медицина
саясат
https://sputnik.kg/img/07e6/03/11/1062911575_0:294:3072:2022_1920x0_80_0_0_289e216bbb8a814fd02054a66a78e0ab.jpg
БИШКЕК, 14-мар. — Sputnik. Саламаттык сактоо министри Алымкадыр Бейшеналиев депутат Жусупбек Коргонбай уулунун уюшкан кылмыштуу топко тиешеси бар деген айыптоолоруна жооп берди.Эл өкүлү Жогорку Кеңештин жыйынында министр "мыйзамдагы ууру" Рысбек Акматбаевге операция жасаганын, мындан улам УКМК Бейшеналиевди жоопкерчиликке тартыш керектигин айткан.Бейшеналиев Ахунбаев атындагы клиникада иштеп жүргөндө чындыгында абактагыларга да операция жасаганын айтып, бул дарыгердин милдети экенин белгиледи."Хирург болуп иштеп жүргөндө депутатына да, министрине да, түрмөдөгүлөрүнө да операция жасагам. Алардын арасында уюшкан кылмыштуу топтун мүчөлөрү болушу ыктымал. 47-колония Ахунбаев атындагы клиниканын камкордугунда экени эч кимге жашыруун эмес. Анда анестезиолог, хирург, кардиолог, уролог, невропатологдордун баары уюшкан кылмыштуу топтун мүчөлөрү менен байланышта болуп калабы? Рысбек Акматбаевди билчү эмесмин, ага операция да жасаган эмесмин", — деген Бейшеналиев.Ал министр болуп турганда Жусупбек Коргонбай уулу өз адамдарын түштүк аймактарда үй-бүлөлүк медициналык борборлорго жана ооруканаларга директордун ордуна сунуштаганын айткан.
https://sputnik.kg/20240222/sadyr-zhaparov-kylmysh-miyzam-moonot-1082914358.html
Sputnik Кыргызстан
media@sputniknews.com
+74956456601
MIA „Rossiya Segodnya“
2024
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
жусупбек коргонбай уулу, алымкадыр бейшеналиев, уюшкан кылмыштуу топ, медицина, саясат
жусупбек коргонбай уулу, алымкадыр бейшеналиев, уюшкан кылмыштуу топ, медицина, саясат
Алымкадыр Бейшеналиев Рысбек Акматбаев менен байланышта беле? Министрдин жообу
16:47 14.03.2024 (Жаңыртылды: 19:25 19.03.2024) Бейшеналиев дарыгер болуп жүргөндө депутат, министр, уюшкан кылмыштуу топтун мүчөлөрүнө да операция жасаганын айткан.
БИШКЕК, 14-мар. — Sputnik. Саламаттык сактоо министри Алымкадыр Бейшеналиев депутат Жусупбек Коргонбай уулунун уюшкан кылмыштуу топко тиешеси бар деген айыптоолоруна жооп берди.
Эл өкүлү Жогорку Кеңештин жыйынында министр "мыйзамдагы ууру" Рысбек Акматбаевге операция жасаганын, мындан улам УКМК Бейшеналиевди жоопкерчиликке тартыш керектигин айткан.
"Черный хирург" деген каймана аты бар экен. Кримтөбөл Рысбек Акматбаевди жана башка кылмыштуу топтун мүчөлөрүн жашыруун түрдө операция кылып жүргөн. Бул министр болуп келгенден бери эле ооруканаларда эне-балдар өлүп жатат. Кадрдык башаламандык болууда. Президентке аконит жасап берсе эле кыйынмын деп ойлобосун. Парламентке чакыралы, өлүмдөр көбөйүп жатканына жооп берсин", — деген эл өкүлү.
Бейшеналиев Ахунбаев атындагы клиникада иштеп жүргөндө чындыгында абактагыларга да операция жасаганын айтып, бул дарыгердин милдети экенин белгиледи.
"Хирург болуп иштеп жүргөндө депутатына да, министрине да, түрмөдөгүлөрүнө да операция жасагам. Алардын арасында уюшкан кылмыштуу топтун мүчөлөрү болушу ыктымал. 47-колония Ахунбаев атындагы клиниканын камкордугунда экени эч кимге жашыруун эмес. Анда анестезиолог, хирург, кардиолог, уролог, невропатологдордун баары уюшкан кылмыштуу топтун мүчөлөрү менен байланышта болуп калабы? Рысбек Акматбаевди билчү эмесмин, ага операция да жасаган эмесмин", — деген Бейшеналиев.
Ал министр болуп турганда Жусупбек Коргонбай уулу өз адамдарын түштүк аймактарда үй-бүлөлүк медициналык борборлорго жана ооруканаларга директордун ордуна сунуштаганын айткан.
"Депутат сунуштаган кадрлар бул кызматка туура келбегендиктен баш тарткам. Анын адамдары депутат айткан мекемелерде ага чейин иштеген эмес. Анын үстүнө алар менен иштешип көргөм, деңгээлдерин билем", — деди министр.
22 Бирдин айы 2024, 23:11
