https://sputnik.kg/20240301/rossiya-ukraina-batysh-nato-sogush-asker-1083098094.html
Лавров: Украинада Батыштын кадрдык офицерлери да бар
Лавров: Украинада Батыштын кадрдык офицерлери да бар
Sputnik Кыргызстан
Россия министринин айтымында, мамлекеттик төңкөрүшкө (Украинадагы – ред.) чейин эле азыркыдай “жалданган адамдарбыз” демиш болуп жүрүшкөн. 01.03.2024, Sputnik Кыргызстан
2024-03-01T23:07+0600
2024-03-01T23:07+0600
2024-03-02T10:41+0600
россиянын донбассты коргоо боюнча атайын операциясы
дүйнөдө
россия
украина
батыш
нато
согуш
аскер
https://sputnik.kg/img/07e8/03/01/1083097895_0:0:3070:1728_1920x0_80_0_0_7d06a638ff58bed5e8a4c245bc64ed99.jpg
БИШКЕК, 1-мар. — Sputnik. Украинада чет элдин жалданган аскерлери гана эмес, кадрдык офицерлери да жүрүшөт, анын арасында британиялыктар, франциялыктар бар. Бул тууралуу РФ ТИМ башчысы Сергей Лавров Антальяда өткөн дипломатиялык форумда сүйлөп жатып айтканын РИА Новости жазды. Ошондой эле ал "ошол жакта туруп эле аралыктан ракеталарды башкарып коюуга болобу деген суроо болгонуна токтолгон."Эми бул түз алып караганда, "ал жакта Кошмо Штаттардын жарандык формадагы балдары бар го" дегендей эле угулат. Түз эле ушинтип айтылды. Ошондуктан бул жерде мен аларды кандай аташты да билбейм, биздин НАТОдогу кесиптештердин бетинин баарын түк басып кеткендей. Муну алар өздөрүнүн элине эмне деп түшүндүрүшөт, билбейм", – деген ал.Буга чейин Франциянын президенти Эммануэль Макрон Батыш өлкөлөрү Украинага аскерлерди жөнөтүү маселесин сүйлөшкөнүн, бирок бир консенсуска келишпегенин билдирген. Макрондун билдирүүсүнөн кийин Франциянын премьер-министри Габриэль Атталь Украинага аскерлер жөнөтүлүшү мүмкүн экендигин четке какпай, Париж Россиянын жеңишин кабыл ала албай турганын айткан. Financial Times европалык көз карандысыз аткаминердин айтканына таянып, Украинада Батыштын атайын багыттагы аскерлери бар экенин билдирген.РФ Коргоо министрлиги НАТО өлкөлөрүнүн жалданма аскерлерин жок кылгандыгы боюнча бир нече жолу билдирген жана алардын атайын аскердик операциялар жүргүзүлгөн аймакта жүрүшкөнүн катташкан. Тактап айтканда, өткөн жылдын аягында РФ Коргоо министрлигинин кеңейтилген жыйынында министр Сергей Шойгу атайын операция башталгандан бери 5,8 миңден ашык чет өлкөлүк согушкер жок кылынганын, анын арасында НАТОнун аскерлери да болгонун айткан. Анын ичинен 1427си Польшадан, 466сы АКШ жана 344ү Улуу Британиядан келгендер.Буга чейин Россиянын ТИМ башчысы Сергей Лавров Украинаны куралдандыруу максатында жөнөтүлгөн жүктүн кандай гана түрү болбосун, Москва үчүн мыйзамдуу бута болорун эскерткен. Мындай кадамдарды жасап, НАТО от менен ойноп жаткандыгын кошумчалаган.Лавровдун айтымында, АКШ менен НАТО согушка түздөн-түз катышкандан тышкары, Улуу Британия, Германия, Италия жана башка өлкөлөрдө кадрларды даярдоо менен да алектенип жатышат. Кремль Украинаны Батыш тарабынан куралдандыруу эки өлкөнүн кепке келүүсүн шарттабай, тескери жыйынтыкка алып келерин эскертип келет.Мурдараак РИА Новости агенттигине аскердик коопсуздук жана куралдарды көзөмөлдөө маселелери боюнча Венада өткөн сүйлөшүүлөрдүн жүрүшүндө РФ делегациясынын башчысы Константин Гаврилов Батыш өлкөлөрүнүн Украинага аскер жөнөтүүсү НАТО менен Россиянын түз кагылышууларына алып келүү коркунучун жаратарын айткан.РФ президенти Владимир Путин атайын аскердик операция тууралуу сүйлөп жатып: "Жеңиш биз тарапта болот, ал эми тынчтык Россия атайын операциялар боюнча максатына жеткенде орнойт", — деген. Россия лидеринин маалымат катчысы Дмитрий Песков Украина Россия менен куралдуу кагылышта жеңишке жете албай турганын АКШ билип эле турат деп билдирген.
https://sputnik.kg/20240228/kievge-zhardamdashkan-britaniyanyn-korgoo-shtabynyn-ozundo-muktazhdyk-zharaldy-1083014561.html
украина
батыш
Sputnik Кыргызстан
media@sputniknews.com
+74956456601
MIA „Rossiya Segodnya“
2024
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
дүйнөдө, россия, украина, батыш, нато, согуш, аскер
дүйнөдө, россия, украина, батыш, нато, согуш, аскер
Лавров: Украинада Батыштын кадрдык офицерлери да бар
23:07 01.03.2024 (Жаңыртылды: 10:41 02.03.2024) Россия министринин айтымында, мамлекеттик төңкөрүшкө (Украинадагы – ред.) чейин эле азыркыдай “жалданган адамдарбыз” демиш болуп жүрүшкөн.
БИШКЕК, 1-мар. — Sputnik. Украинада чет элдин жалданган аскерлери гана эмес, кадрдык офицерлери да жүрүшөт, анын арасында британиялыктар, франциялыктар бар. Бул тууралуу РФ ТИМ башчысы Сергей Лавров Антальяда өткөн дипломатиялык форумда сүйлөп жатып айтканын
РИА Новости жазды.
"Америкалыктар министрликтерде мамлекеттик төңкөрүшкө (Украинадагы – ред.) чейин эле азыркыдай “жалданган адамдарбыз” демиш болуп жүздөп жүрүшчү. Ал эми чынында ал жакта кадрдык офицерлер бар, алар — англиялыктар, франциялыктар. Бул бизге белгилүү", – деген Лавров.
Ошондой эле ал "ошол жакта туруп эле аралыктан ракеталарды башкарып коюуга болобу деген суроо болгонуна токтолгон.
"Эми бул түз алып караганда, "ал жакта Кошмо Штаттардын жарандык формадагы балдары бар го" дегендей эле угулат. Түз эле ушинтип айтылды. Ошондуктан бул жерде мен аларды кандай аташты да билбейм, биздин НАТОдогу кесиптештердин бетинин баарын түк басып кеткендей. Муну алар өздөрүнүн элине эмне деп түшүндүрүшөт, билбейм", – деген ал.
Буга чейин Франциянын президенти Эммануэль Макрон Батыш өлкөлөрү Украинага аскерлерди жөнөтүү маселесин сүйлөшкөнүн, бирок бир консенсуска келишпегенин билдирген. Макрондун билдирүүсүнөн кийин Франциянын премьер-министри Габриэль Атталь Украинага аскерлер жөнөтүлүшү мүмкүн экендигин четке какпай, Париж Россиянын жеңишин кабыл ала албай турганын айткан. Financial Times европалык көз карандысыз аткаминердин айтканына таянып, Украинада Батыштын атайын багыттагы аскерлери бар экенин билдирген.
РФ Коргоо министрлиги НАТО өлкөлөрүнүн жалданма аскерлерин жок кылгандыгы боюнча бир нече жолу билдирген жана алардын атайын аскердик операциялар жүргүзүлгөн аймакта жүрүшкөнүн катташкан. Тактап айтканда, өткөн жылдын аягында РФ Коргоо министрлигинин кеңейтилген жыйынында министр Сергей Шойгу атайын операция башталгандан бери 5,8 миңден ашык чет өлкөлүк согушкер жок кылынганын, анын арасында НАТОнун аскерлери да болгонун айткан. Анын ичинен 1427си Польшадан, 466сы АКШ жана 344ү Улуу Британиядан келгендер.
Буга чейин Россиянын ТИМ башчысы Сергей Лавров Украинаны куралдандыруу максатында жөнөтүлгөн жүктүн кандай гана түрү болбосун, Москва үчүн мыйзамдуу бута болорун эскерткен. Мындай кадамдарды жасап, НАТО от менен ойноп жаткандыгын кошумчалаган.
Лавровдун айтымында, АКШ менен НАТО согушка түздөн-түз катышкандан тышкары, Улуу Британия, Германия, Италия жана башка өлкөлөрдө кадрларды даярдоо менен да алектенип жатышат. Кремль Украинаны Батыш тарабынан куралдандыруу эки өлкөнүн кепке келүүсүн шарттабай, тескери жыйынтыкка алып келерин эскертип келет.
Мурдараак РИА Новости агенттигине аскердик коопсуздук жана куралдарды көзөмөлдөө маселелери боюнча Венада өткөн сүйлөшүүлөрдүн жүрүшүндө РФ делегациясынын башчысы Константин Гаврилов Батыш өлкөлөрүнүн Украинага аскер жөнөтүүсү НАТО менен Россиянын түз кагылышууларына алып келүү коркунучун жаратарын айткан.
РФ президенти Владимир Путин атайын аскердик операция тууралуу сүйлөп жатып: "Жеңиш биз тарапта болот, ал эми тынчтык Россия атайын операциялар боюнча максатына жеткенде орнойт", — деген. Россия лидеринин маалымат катчысы Дмитрий Песков Украина Россия менен куралдуу кагылышта жеңишке жете албай турганын АКШ билип эле турат деп билдирген.
