https://sputnik.kg/20240301/mart-ayyna-karata-aba-yrayy-1083060745.html

Күн жылыйбы? Март айына карата аба ырайы

Күн жылыйбы? Март айына карата аба ырайы

Sputnik Кыргызстан

Жаздын алгачкы айында жаан-чачындын айлык көлөмү нормага жакын болгону менен Ош, Жалал-Абад, Баткен облустарында климаттык нормадан арбын болору болжомолдонду. 01.03.2024, Sputnik Кыргызстан

2024-03-01T09:41+0600

2024-03-01T09:41+0600

2024-03-01T09:41+0600

кыргызстан

март

аба ырайы

жаз

https://sputnik.kg/img/104359/36/1043593629_0:155:3067:1880_1920x0_80_0_0_8d32e04dcd67dace5363e068e5b8110a.jpg

БИШКЕК, 1-мар. — Sputnik. Жаздын алгачкы айында, тагыраагы, мартта өлкөдө абанын айлык орточо температурасы нормага жакын болушу күтүлөт. Бул тууралуу Кыргызгидромет агенттиги билдирди.Бул айда жаан-чачындын айлык көлөмү нормага жакын болгону менен Ош, Жалал-Абад, Баткен облустарында климаттык нормадан арбын болору болжомолдонду.Чүй облусуАбанын айлык орточо температурасы климаттык нормага жакын болуп түнкүсүн 0…-5 градустан 3…8 градуска чейин суук, күндүз 7…12 градустан 16…21 градуска чейин жылуу болот. Кээ бир түндөрү абанын температурасы -13 градуска чейин төмөндөй турганы айтылды. Кемин өрөөнүндө жана тоо этектериндеги райондордо абанын температурасы түнкүсүн -3… -8 градустан -2…3 градуска чейин суук болсо, күндүз 15 градуска чейин жогорулайт.Талас облусуАбанын орточо температурасы 2…4 градусту көрсөтөт. Түнкүсүн -2…-7 градустан 1…6 градуска чейин, күндүз 5…10 градустан 14…19 градуска чейин жетери айтылды.Ош облусуАбанын орточо температурасы 6…8, тоолуу райондордо 3…5 градус жылуу болушу күтүлөт. Ай ичинде абанын температурасы түнкүсүн 0…5 градустан 6…11 градуска чейин жылуу болсо, күндүз 8…13 градустан 17…22 градуска чейин жетери божомолдонууда. Кээ бир күндөрү сууктун күчү түнкүсүн -1…-6 градус, күндүз 2…7 градуска чейин жетет. Тоо этектериндеги райондордо ай ичинде абанын температурасы түнкүсүн -3...2 градустун тегереги, күндүз 6…11 градустан 14…19 градуска чейин жогорулайт.Жалал-Абад облусуАбанын орточо температурасы 6…8 градус, тоо этектериндеги райондордо 3…5 градус жылуу болушу мүмкүн. Ай ичинде түнкүсүн 0…5 градустан 6…11 градуска чейин, күндүз 8…13 градустан 17…22 градуска чейин ысыйт. Токтогул районунда абанын температурасы түнкүсүн 2…7 градус, күндүз 12…17 градусту көрсөтүп, жылуу болору божомолдонду.Баткен облусуАбанын орточо температурасы 6…8 градус, тоо этектериндеги райондордо 3…5 градус жылуу болушу ыктымал. Ай ичинде түнкүсүн 0…5 градустан 6…11 градуска чейин жылыса, күндүз 8…13 градустан 17…22 градуска чейин өзгөрүп турушу мүмкүн. Тоо этектериндеги райондордо абанын температурасы түнкүсүн -3...8 болсо, күндүз 6…11 градустан 14…19 градуска чейин жылыйт.Ысык-Көл облусуАбанын орточо температурасы 1…3 градус жылуу болушу күтүлүүдө. Түнкүсүн -4…-9 градустан 0…5 градуска чейин жылыса, күндүз 9…14 градуска чейин жетет.Нарын облусуАбанын орточо температурасы 0…-2 градус суук, Кочкор районунда 0…2 градус жылуу болушу күтүлөт. Ай ичинде түнкүсүн -3…-8 градустан 0…5 градуска чейин өзгөрүлүп турса, кээ бир түндөрү сууктун күчү -9…-14тү көрсөтүшү ыктымал. Күндүз абанын температурасы -2… +3төн 9…14 градуска чейин жылыса, Кочкор районунда 1…16 градуска чейин жылуу болору божомолдонду.

https://sputnik.kg/20240229/bishkek-batirlerdin-izhara-akysy-1083029138.html

2024

Жаңылыктар

kg_KG

кыргызстан, март, аба ырайы, жаз