https://sputnik.kg/20240121/izrail-palestina-hamas-tutkun-miting-sogush-1082071844.html
Израилдиктер Нетаньяхудан ХАМАС менен келишим түзүүнү талап кылышууда. Видео
Израилдиктер Нетаньяхудан ХАМАС менен келишим түзүүнү талап кылышууда. Видео
Sputnik Кыргызстан
Өкмөткө каршы акциялар Тель-Авив, Иерусалим жана Кейсария шаарларында өткөн. 21.01.2024, Sputnik Кыргызстан
2024-01-21T12:47+0600
2024-01-21T12:47+0600
2024-01-22T10:06+0600
дүйнөдө
израиль
палестина
хамас
туткун
митинг
согуш
https://sputnik.kg/img/07e8/01/15/1082067699_0:0:3073:1728_1920x0_80_0_0_556ff13c97074b26eeaa5940145697af.jpg
БИШКЕК, 21-янв. — Sputnik. Тель-Авив шаарында ХАМАС кыймылы тарабынан туткунга алынгандарды колдоп миңдеген адам митингге чыкты. Бул тууралуу РИА Новости маалымат агенттиги жазды. Акцияга чогулгандар Израиль өкмөтүнөн барымтадагыларды бошотуу боюнча ХАМАС менен тез аранын ичинде эпке келүүнү талап кылышкан. Өкмөткө каршы массалык акциялар ишембиде Кейсария шаарында Нетаньяхунун резиденциясынын алдында жана Иерусалимде Израиль президенти Ицхак Герцогдун резиденцияна жакын жерде да өткөн. Активисттер өлкөдө кайрадан шайлоо өткөрүүнү да талап кылышты.Тель-Авивдеги митингдин башталышында топтолгон элдин алдында теги еврей, америкалык белгилүү рэгги, рэп-аткаруучу Мэтью Пол Миллер (Матисьяху) чыгып, туткунга алынган израилдиктердин жакындарына колдоо сөздөрүн айткан.Митинг шаардык искусство музейинин жанындагы аянтта өткөн, анын тушунда Коргоо министрлигинин штабы да жайгашкан. Ага жакын көчөлөр унаалар үчүн жабылып, полиция менен дарыгерлер нөөмөттө болушту. Акцияга чыккандар туткундардын сүрөттөрүн көтөрүп алышкан.ХАМАСка аскердик басым көрсөтүү Палестина анклавында калган туткундарды бошотууга жардам бере албайт деген митингчилер тез арада кыймыл менен келишим түзүүнү талап кылган ураандарды жаңыртышты. Уюштуруучулар Кейсария, Иерусалимде өтүп жаткан акцияларды чоң экрандан түз эфирде көрсөтүштү, анда да демонстранттар бийликтен туткундарды бошотууну талап кылышкан.Активисттер өкмөткө адамдын өмүрү, жашоосу бардык аскердик, саясий максаттардан бийик турат деген ойду жеткирүүнүн аракетин көрүшкөн. Митингге чыккандардын арасында ХАМАСтын туткунунда тургандардын жакындары жана ноябрь айында гуманитардык элдешүүнүн алкагында андан бошонуп чыккан адамдар да болгон.Митинг, акциялар өтүп жаткан учурда Нетаньяху X социалдык тармагы аркылуу катуу билдирүү жасады. Ал Палестина мамлекеттүүлүгү идеясын четке кагып, өлкө Израилдин Иорданиянын батыш тарабындагы бардык аймактарды көзөмөлдөөсү боюнча эч кандай компромисске барбайт деп белгилеген.ХАМАС Израилге кол салган 7-октябрь күнү өлкөнүн түштүк аймактарындагы 240тан ашык адамды уурдап кеткен. Гуманитардык аракеттердин натыйжасында алардын 110ун бошотту. Израилдин расмий маалыматы боюнча, анклавда ошондон бери 136 туткун кармалууда.Израилде туткундардын үй-бүлөсүн колдогон митингдер байма-бай өтүп келет. Алар өкмөттөн кандай айла менен болсо да Газа секторунда кармалып турган адамдарды чыгарып алуу талаптарын коюшууда.
https://sputnik.kg/20231226/izrail-gaza-tilkesi-shart-premer-1081541052.html
израиль
палестина
Sputnik Кыргызстан
media@sputniknews.com
+74956456601
MIA „Rosiya Segodnya“
2024
Sputnik Кыргызстан
media@sputniknews.com
+74956456601
MIA „Rosiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rosiya Segodnya“
Sputnik Кыргызстан
media@sputniknews.com
+74956456601
MIA „Rosiya Segodnya“
дүйнөдө, израиль, палестина, хамас, туткун, митинг, согуш
дүйнөдө, израиль, палестина, хамас, туткун, митинг, согуш
Израилдиктер Нетаньяхудан ХАМАС менен келишим түзүүнү талап кылышууда. Видео
12:47 21.01.2024 (Жаңыртылды: 10:06 22.01.2024) Өкмөткө каршы акциялар Тель-Авив, Иерусалим жана Кейсария шаарларында өткөн.
БИШКЕК, 21-янв. — Sputnik. Тель-Авив шаарында ХАМАС кыймылы тарабынан туткунга алынгандарды колдоп миңдеген адам митингге чыкты. Бул тууралуу
РИА Новости маалымат агенттиги жазды.
Акцияга чогулгандар Израиль өкмөтүнөн барымтадагыларды бошотуу боюнча ХАМАС менен тез аранын ичинде эпке келүүнү талап кылышкан. Өкмөткө каршы массалык акциялар ишембиде Кейсария шаарында Нетаньяхунун резиденциясынын алдында жана Иерусалимде Израиль президенти Ицхак Герцогдун резиденцияна жакын жерде да өткөн. Активисттер өлкөдө кайрадан шайлоо өткөрүүнү да талап кылышты.
Тель-Авивдеги митингдин башталышында топтолгон элдин алдында теги еврей, америкалык белгилүү рэгги, рэп-аткаруучу Мэтью Пол Миллер (Матисьяху) чыгып, туткунга алынган израилдиктердин жакындарына колдоо сөздөрүн айткан.
Митинг шаардык искусство музейинин жанындагы аянтта өткөн, анын тушунда Коргоо министрлигинин штабы да жайгашкан. Ага жакын көчөлөр унаалар үчүн жабылып, полиция менен дарыгерлер нөөмөттө болушту. Акцияга чыккандар туткундардын сүрөттөрүн көтөрүп алышкан.
ХАМАСка аскердик басым көрсөтүү Палестина анклавында калган туткундарды бошотууга жардам бере албайт деген митингчилер тез арада кыймыл менен келишим түзүүнү талап кылган ураандарды жаңыртышты. Уюштуруучулар Кейсария, Иерусалимде өтүп жаткан акцияларды чоң экрандан түз эфирде көрсөтүштү, анда да демонстранттар бийликтен туткундарды бошотууну талап кылышкан.
Активисттер өкмөткө адамдын өмүрү, жашоосу бардык аскердик, саясий максаттардан бийик турат деген ойду жеткирүүнүн аракетин көрүшкөн. Митингге чыккандардын арасында ХАМАСтын туткунунда тургандардын жакындары жана ноябрь айында гуманитардык элдешүүнүн алкагында андан бошонуп чыккан адамдар да болгон.
Митинг, акциялар өтүп жаткан учурда Нетаньяху X социалдык тармагы аркылуу катуу билдирүү жасады. Ал Палестина мамлекеттүүлүгү идеясын четке кагып, өлкө Израилдин Иорданиянын батыш тарабындагы бардык аймактарды көзөмөлдөөсү боюнча эч кандай компромисске барбайт деп белгилеген.
ХАМАС Израилге кол салган 7-октябрь күнү өлкөнүн түштүк аймактарындагы 240тан ашык адамды уурдап кеткен. Гуманитардык аракеттердин натыйжасында алардын 110ун бошотту. Израилдин расмий маалыматы боюнча, анклавда ошондон бери 136 туткун кармалууда.
Израилде туткундардын үй-бүлөсүн колдогон митингдер байма-бай өтүп келет. Алар өкмөттөн кандай айла менен болсо да Газа секторунда кармалып турган адамдарды чыгарып алуу талаптарын коюшууда.
26 Бештин айы 2023, 11:55
