https://sputnik.kg/20231203/zhaparovdun-birikken-arab-emirligine-bolgon-ish-sapary-ayaktady-1080958954.html
Президент Жапаровдун Бириккен Араб Эмирлигине болгон иш сапары аяктады. Видео
Президент Жапаровдун Бириккен Араб Эмирлигине болгон иш сапары аяктады. Видео
Sputnik Кыргызстан
Кыргызстандын президенти эл аралык коомчулукту тоолуу өлкөлөрдүн климаттык жана тоо экосистемасынын экологиялык көйгөйлөрүн чечүүгө багытталган аракеттерин... 03.12.2023, Sputnik Кыргызстан
2023-12-03T23:29+0600
2023-12-03T23:29+0600
2023-12-03T23:29+0600
кыргызстан
бириккен араб эмирлиги
садыр жапаров
дубай
кызматташуу
экология
саммит
видео
https://sputnik.kg/img/07e7/0c/01/1080920320_0:0:3639:2047_1920x0_80_0_0_c806352e73f4e4fb89c21da83c761b53.jpg
БИШКЕК, 3-дек. — Sputnik. Президент Садыр Жапаровдун 30-ноябрдан 3-декабрга чейин Бириккен Араб Эмирлигине (БАЭ) болгон иш сапары аяктаганын маалымат кызматынан билдиришти.Сапардын биринчи күнүндө мамлекет башчы Дубайда БАЭнин энергетика жана инфраструктура министри Сухейль аль-Мазруи менен сүйлөшүүлөрдү өткөрдү.Тараптар соода-экономикалык, инвестициялык жана энергетикалык тармактарда кызматташууну активдештирүү маселелерин талкуулашты.1-декабрда Садыр Жапаров климат боюнча иш-аракеттердин дүйнөлүк саммитинин ачылыш аземине катышты.Климат боюнча иш-аракеттердин дүйнөлүк саммитине катышуу үчүн Expo City Dubai көргөзмө борборуна келген делегация башчыларын БАЭ президенти шейх Мухаммед бин Заед аль-Нахайян жана БУУнун башкы катчысы Антониу Гутерриш тосуп алышты.Ушул эле Климат боюнча иш-аракеттердин дүйнөлүк саммитинин аянтчасында Жапаров Монголиянын президенти Ухнаагийн Хурэлсух менен жолукту.Өлкөлөрдүн лидерлери эки тараптуу кыргыз-моңгол кызматташтыгын ар кыл тармактарда кеңейтүүнүн актуалдуу маселелерин талкуулап, келечектеги биргелешкен өз ара кызматташуунун артыкчылыктарын белгилешти.Андан кийин президент БУУнун Климаттын өзгөрүшү жөнүндө алкактык конвенциясынын тараптарынын 28-конференциясынын жогорку деңгээлдеги сегментинде сөз сүйлөп, анда келечек муундардын жашоосуна жакшы таасир тийгизиш үчүн бардык зарыл чараларды көрүүнүн маанилүүлүгүн айтты.Ал белгилегендей, эксперттердин баамында, абанын температурасы планетанын орточо көрсөткүчүнөн кескин жогорулашы бүтүндөй Борбор Азиядагыдай эле Кыргызстанда да байкалууда. Кыргызстандын жана Борбор Азиянын тоолуу экосистемаларында жайгашкан мөңгүлөр суу-энергетикалык жана азык-түлүк коопсуздугу, экологиялык туруктуулук үчүн өтө маанилүү.Ошондой эле Жапаров Климат боюнча иш-аракеттердин дүйнөлүк саммитинин аянтчасында бир катар өлкөлөрдүн жетекчилиги менен, атап айтканда Түркмөнстандын президенти Сердар Бердымухамедов, Словениянын президенти Наташа Пирц-Мусар жана Пакистандын премьер-министринин милдетин аткаруучу Анвар-уль-Хак Какар менен эки тараптуу жолугушууларды өткөрдү.Андан соң мамлекет башчысы Адаптация боюнча глобалдык жыйынтык чыгаруу боюнча жогорку деңгээлдеги комитеттин биринчи отурумунда “Тоолуу өлкө катары Кыргыз Республикасынын климаттын өзгөрүшүнө карай ыңгайлашуусу” деген темада сөз сүйлөдү.Жапаров өз сөзүндө эл аралык коомчулукту тоолуу өлкөлөрдүн климаттык жана тоо экосистемасынын экологиялык көйгөйлөрүн чечүүгө багытталган аракеттерин колдоого чакырды.2-декабрда Президент БАЭге болгон иш сапарынын алкагында Абу-Даби өнүктүрүү фондунун башкы директору Мохаммад Саиф аль-Сувейди менен жолукту.Сүйлөшүүлөр башталар алдында мамлекет башчысынын катышуусунда “Абу-Даби Кыргыз Инвестмент” кыргыз-эмират биргелешкен холдингдик компаниясынын уставдык жана уюштуруу документтерине кол коюу аземи болду.Сүйлөшүүнүн жүрүшүндө потенциалдуу экономикалык кызматташтык жана стратегиялык инвестициялык мүмкүнчүлүктөр боюнча пикир алмашуу болду. Андан соң Жапаровдун катышуусунда Кыргызстандын Энергетика министрлиги менен Abu Dhabi Future energy company PJSC- Masdar жана Électricité de France компанияларынын ортосунда үч тараптуу өз ара түшүнүшүү жөнүндө меморандумга кол коюлду. Бул аземден кийин эки компаниянын өкүлдөрү менен сүйлөшүүлөр жүрдү.Жапаров кол коюлган документти канааттануу менен белгилеп, аны ишке ашыруу жакын арада башталарына ишеним билдирди.Президент Жапаровдун иш сапары аяктап, 3-декабрда Бишкекке кайтып келди.
https://sputnik.kg/20231203/chet-eldik-kompaniyalar-ges-kuruu-1080947154.html
бириккен араб эмирлиги
дубай
Sputnik Кыргызстан
media@sputniknews.com
+74956456601
MIA „Rossiya Segodnya“
2023
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
кыргызстан, бириккен араб эмирлиги, садыр жапаров, дубай, кызматташуу, экология, саммит, видео
кыргызстан, бириккен араб эмирлиги, садыр жапаров, дубай, кызматташуу, экология, саммит, видео
Президент Жапаровдун Бириккен Араб Эмирлигине болгон иш сапары аяктады. Видео
Кыргызстандын президенти эл аралык коомчулукту тоолуу өлкөлөрдүн климаттык жана тоо экосистемасынын экологиялык көйгөйлөрүн чечүүгө багытталган аракеттерин колдоого чакырды.
БИШКЕК, 3-дек. — Sputnik. Президент Садыр Жапаровдун 30-ноябрдан 3-декабрга чейин Бириккен Араб Эмирлигине (БАЭ) болгон иш сапары аяктаганын маалымат кызматынан билдиришти.
Сапардын биринчи күнүндө мамлекет башчы Дубайда БАЭнин энергетика жана инфраструктура министри Сухейль аль-Мазруи менен сүйлөшүүлөрдү өткөрдү.
Тараптар соода-экономикалык, инвестициялык жана энергетикалык тармактарда кызматташууну активдештирүү маселелерин талкуулашты.
1-декабрда Садыр Жапаров климат боюнча иш-аракеттердин дүйнөлүк саммитинин ачылыш аземине катышты.
Климат боюнча иш-аракеттердин дүйнөлүк саммитине катышуу үчүн Expo City Dubai көргөзмө борборуна келген делегация башчыларын БАЭ президенти шейх Мухаммед бин Заед аль-Нахайян жана БУУнун башкы катчысы Антониу Гутерриш тосуп алышты.
Ушул эле Климат боюнча иш-аракеттердин дүйнөлүк саммитинин аянтчасында Жапаров Монголиянын президенти Ухнаагийн Хурэлсух менен жолукту.
Өлкөлөрдүн лидерлери эки тараптуу кыргыз-моңгол кызматташтыгын ар кыл тармактарда кеңейтүүнүн актуалдуу маселелерин талкуулап, келечектеги биргелешкен өз ара кызматташуунун артыкчылыктарын белгилешти.
Андан кийин президент БУУнун Климаттын өзгөрүшү жөнүндө алкактык конвенциясынын тараптарынын 28-конференциясынын жогорку деңгээлдеги сегментинде
сөз сүйлөп, анда келечек муундардын жашоосуна жакшы таасир тийгизиш үчүн бардык зарыл чараларды көрүүнүн маанилүүлүгүн айтты.
Ал белгилегендей, эксперттердин баамында, абанын температурасы планетанын орточо көрсөткүчүнөн кескин жогорулашы бүтүндөй Борбор Азиядагыдай эле Кыргызстанда да байкалууда. Кыргызстандын жана Борбор Азиянын тоолуу экосистемаларында жайгашкан мөңгүлөр суу-энергетикалык жана азык-түлүк коопсуздугу, экологиялык туруктуулук үчүн өтө маанилүү.
Ошондой эле Жапаров Климат боюнча иш-аракеттердин дүйнөлүк саммитинин аянтчасында бир катар өлкөлөрдүн жетекчилиги менен, атап айтканда Түркмөнстандын президенти Сердар Бердымухамедов, Словениянын президенти Наташа Пирц-Мусар жана Пакистандын премьер-министринин милдетин аткаруучу Анвар-уль-Хак Какар менен эки тараптуу жолугушууларды өткөрдү.
Андан соң мамлекет башчысы Адаптация боюнча глобалдык жыйынтык чыгаруу боюнча жогорку деңгээлдеги комитеттин биринчи отурумунда “Тоолуу өлкө катары Кыргыз Республикасынын климаттын өзгөрүшүнө карай ыңгайлашуусу” деген темада сөз сүйлөдү.
Жапаров өз сөзүндө эл аралык коомчулукту тоолуу өлкөлөрдүн климаттык жана тоо экосистемасынын экологиялык көйгөйлөрүн чечүүгө багытталган аракеттерин колдоого чакырды.
2-декабрда Президент БАЭге болгон иш сапарынын алкагында Абу-Даби өнүктүрүү фондунун башкы директору Мохаммад Саиф аль-Сувейди менен жолукту.
Сүйлөшүүлөр башталар алдында мамлекет башчысынын катышуусунда “Абу-Даби Кыргыз Инвестмент” кыргыз-эмират биргелешкен холдингдик компаниясынын уставдык жана уюштуруу документтерине кол коюу аземи болду.
Сүйлөшүүнүн жүрүшүндө потенциалдуу экономикалык кызматташтык жана стратегиялык инвестициялык мүмкүнчүлүктөр боюнча пикир алмашуу болду. Андан соң Жапаровдун катышуусунда Кыргызстандын Энергетика министрлиги менен Abu Dhabi Future energy company PJSC- Masdar жана Électricité de France компанияларынын ортосунда үч тараптуу өз ара түшүнүшүү жөнүндө
меморандумга кол коюлду. Бул аземден кийин эки компаниянын өкүлдөрү менен сүйлөшүүлөр жүрдү.
Жапаров кол коюлган документти канааттануу менен белгилеп, аны ишке ашыруу жакын арада башталарына ишеним билдирди.
Президент Жапаровдун иш сапары аяктап, 3-декабрда Бишкекке кайтып келди.
