https://sputnik.kg/20231202/akylbek-zhaparov-soodager-miting-zhyjyn-1080930586.html
Акылбек Жапаров: белгилүү бир күчтөр соодагерлерди тукуруу аракетин көрүүдө
Акылбек Жапаров: белгилүү бир күчтөр соодагерлерди тукуруу аракетин көрүүдө
Sputnik Кыргызстан
Өкмөт башчы чакан азык-түлүк дүкөндөрүн иштеткен, базарларда майда соода менен алектенген үй-бүлөлөр ар кандай салык төлөөдөн толугу менен бошотулганын айткан. 02.12.2023, Sputnik Кыргызстан
2023-12-02T15:17+0600
2023-12-02T15:17+0600
2023-12-02T15:16+0600
кыргызстан
акылбек жапаров
базар
соодагер
митинг
салык
https://sputnik.kg/img/07e7/0c/02/1080928844_0:236:1600:1136_1920x0_80_0_0_baefa7c9ed7248ff4b7d3d90acfd7b71.jpg
БИШКЕК, 2-дек.— Sputnik. Министрлер кабинетинин төрагасы Акылбек Жапаров өлкөдө болуп жаткан соодагерлердин митингдеринен улам жыйын өткөргөнүн өкмөттүн маалымат кызматы кабарлады.Билдирмеге караганда, жыйынга ири базарда иштегендер, менчик ээлери, соода кызматкерлеринин кесиптик бирлик уюмдарынын өкүлдөрү жана жооптуу мамлекеттик органда иштегендер катышкан.Жапаров маалыматтын жетишсиздигинен салык режиминдеги өзгөртүүлөр боюнча коомдо бурмаланган түшүнүк калыптанганын белгилеген.Министрлер кабинетинин төрагасы белгилүү бир күчтөр маалыматтын жетишсиздигинен пайдаланып, соодагерлерди тукуруу аракетин көрүп жатканын айтып, элдин көбү мамлекетти чыңдоо жана тартипти орнотуу саясатын колдой турганын кошумчалады."Мамлекет азыр эл үчүн иштейт, колунда барлардын жана коомду паракорлоштуруп, жазасыз калган "тар топтун" кызыкчылыгына кызмат кылбайт. Өкмөттүн бардык кирешеси кимдир-бирөөнүн жеке чөнтөгүнө эмес, жаңы инфраструктура курууга, элдин жашоосун жакшыртууга жумшалат. Бардык адамдарды жакырчылыктан чыгарабыз. Байлар дагы да байып, кедейлер кедей болуп кете берүүсү мүмкүн эмес. Үй-бүлөсүн багуу үчүн иштеген чынчыл адамдарды коргойбуз жана жардам беребиз. Биз ошолор тараптабыз", — деген Жапаров.Өкмөт башчы эки жуманын ичинде электрондук эсеп-фактураларды жана жол баракчасын иштетүүнү жөнөкөйлөтүү боюнча тапшырмаларды берген.Эске салсак, базардагы соодагерлердин митинги 29-ноябрда башталган. Алгач Оштогу "Кара-Суу" базарында иштегендер райондук администрациянын алдына чогулуп ККМ колдонууга каршы экендигин айтышкан. Эртеси, 30-ноябрда, "Дордой", "Мадина", "Орто-Сай" базарындагылар чогулуп патентти калтырууну талап кылышкан. Мындай митингдер 1-декабрда да уланган.Теги:
https://sputnik.kg/20231202/bazardagy-miting-sadyr-zhaparov-1080925202.html
Sputnik Кыргызстан
media@sputniknews.com
+74956456601
MIA „Rossiya Segodnya“
2023
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
кыргызстан, акылбек жапаров, базар, соодагер, митинг, салык
кыргызстан, акылбек жапаров, базар, соодагер, митинг, салык
Акылбек Жапаров: белгилүү бир күчтөр соодагерлерди тукуруу аракетин көрүүдө
Өкмөт башчы чакан азык-түлүк дүкөндөрүн иштеткен, базарларда майда соода менен алектенген үй-бүлөлөр ар кандай салык төлөөдөн толугу менен бошотулганын айткан.
БИШКЕК, 2-дек.— Sputnik. Министрлер кабинетинин төрагасы Акылбек Жапаров өлкөдө болуп жаткан соодагерлердин митингдеринен улам жыйын өткөргөнүн өкмөттүн маалымат кызматы кабарлады.
Билдирмеге караганда, жыйынга ири базарда иштегендер, менчик ээлери, соода кызматкерлеринин кесиптик бирлик уюмдарынын өкүлдөрү жана жооптуу мамлекеттик органда иштегендер катышкан.
Жапаров маалыматтын жетишсиздигинен салык режиминдеги өзгөртүүлөр боюнча коомдо бурмаланган түшүнүк калыптанганын белгилеген.
"Биздин чакан ишкерлик менен алектенген соодагерлердин көпчүлүгү үчүн патент гана жокко чыгарылбастан, башка бир катар жеңилдиктер каралган. Чакан азык-түлүк дүкөндөрүн иштеткен, базарларда майда соода менен алектенген үй-бүлөлөр ар кандай салык төлөөдөн толугу менен бошотулган, анткени алардын товар жүгүртүүсү 8 миллион сомго жетпейт", — деген өкмөт башчы.
Министрлер кабинетинин төрагасы белгилүү бир күчтөр маалыматтын жетишсиздигинен пайдаланып, соодагерлерди тукуруу аракетин көрүп жатканын айтып, элдин көбү мамлекетти чыңдоо жана тартипти орнотуу саясатын колдой турганын кошумчалады.
"Мамлекет азыр эл үчүн иштейт, колунда барлардын жана коомду паракорлоштуруп, жазасыз калган "тар топтун" кызыкчылыгына кызмат кылбайт. Өкмөттүн бардык кирешеси кимдир-бирөөнүн жеке чөнтөгүнө эмес, жаңы инфраструктура курууга, элдин жашоосун жакшыртууга жумшалат. Бардык адамдарды жакырчылыктан чыгарабыз. Байлар дагы да байып, кедейлер кедей болуп кете берүүсү мүмкүн эмес. Үй-бүлөсүн багуу үчүн иштеген чынчыл адамдарды коргойбуз жана жардам беребиз. Биз ошолор тараптабыз", — деген Жапаров.
Өкмөт башчы эки жуманын ичинде электрондук эсеп-фактураларды жана жол баракчасын иштетүүнү жөнөкөйлөтүү боюнча тапшырмаларды берген.
Эске салсак, базардагы соодагерлердин митинги 29-ноябрда башталган. Алгач Оштогу "Кара-Суу" базарында иштегендер райондук администрациянын алдына чогулуп ККМ колдонууга каршы экендигин айтышкан. Эртеси, 30-ноябрда, "Дордой", "Мадина", "Орто-Сай" базарындагылар чогулуп патентти калтырууну
талап кылышкан. Мындай митингдер 1-декабрда да уланган.
