https://sputnik.kg/20231113/aksh-izrail-gaza-operaciya-1080409282.html
Чалгындоо кызматы: АКШ Израилди Газадагы операцияны тездетүүгө үндөп жатат
Чалгындоо кызматы: АКШ Израилди Газадагы операцияны тездетүүгө үндөп жатат
Sputnik Кыргызстан
Чалгындоо кызматы "жабык эшик" артында кандай сүйлөшүүлөр болуп жатканын билдирди. 13.11.2023, Sputnik Кыргызстан
2023-11-13T23:43+0600
2023-11-13T23:43+0600
2023-11-13T23:51+0600
дүйнөдө
израиль
палестина
акш
саясат
россия
https://sputnik.kg/img/07e7/0b/0d/1080408961_0:160:3072:1888_1920x0_80_0_0_fcdaf037240967207f55d25ea3e7d677.jpg
БИШКЕК, 13-ноя. — Sputnik. АКШ Израилди Газа секторундагы операциясын тездетүүгө үндөп жатканын Россиянын Тышкы чалгындоо кызматы билдирди.Ведомство АКШнын администрациясы дагы бир ирет эки жүздүүлүккө барганын айткан. Ошондой эле АКШ ЖМКлары менен саясий ишмерлери 10 миңден ашуун палестиналыктын, негизинен аялдардын жана балдардын өлүмүнө байланыштуу тынчсыздануусун билдирип жатканын белгилеген.Вашингтон ооруканалар менен лагерлер жардыруу алдында калганына “тынчсызданганын” айтып келет. АКШнын Мамлекеттик департаменти менен Коргоо министрлигинен келген өкүлдөр тынчтыкты каалаарын, ал тургай Палестинанын калкына тилектештигин билдирип, гуманитардык тыныгууларды жана артиллериялык аткылоо аймактарын чектөөнү талап кылышууда.Байдендин командасы эки жүздүү позициясын алдыга жылдыруу үчүн Англия менен Германиянын башчыларынан колдоо тапканы айтылган. Алар биргелешип Газадагы атышууну токтотууга чакырган демилгелерге тоскоолдук кылууну көздөшүүдө."Албетте, бул — Вашингтон дүйнөнүн калган өлкөлөрүнө сунуш кылган америкалык эрежелерге негизделген тартип", — деген ведомство.Жакынкы Чыгыштагы жаңжалИзраиль менен Палестинанын кырды бычак мамилеси 2023-жылдын 7-октябрында Израиль Газа сектору тараптан ракеталык чабуулга туш болгондон тарта курчуп кетти. Сокку ургандан кийин ХАМАС жоокерлери еврей мамлекетинин түштүк аймактарына кирип барып, кыймылдын аскердик канаты "Аль-Акса топон суусу" операциясын жарыялаган. Жооп иретинде ЦАХАЛ ХАМАСка каршы "Темир кылыч" операциясын баштаган. Израиль чабуул жасалгандан бир нече күн өткөн соң Газа менен чектешкен калктуу конуштарды кайра өз көзөмөлүнө алып, сектордун аймагындагы объектилерге сокку ура баштаган. Мындан тышкары, аймакты толугу менен блокадалап, суу, азык-түлүк, электр кубаты, дары-дармек, отун ташуу токтотулган.Газа тилкесиндеги каза тапкандардын саны 10,8 миң кишиге жетип, 26 миңден көбүрөөк адам жаракат алганы айтылды. Ал эми жергиликтүү бийликтин маалыматында Израилден 1,4 миң киши көз жумган, жабыр тарткандардын саны 5 миңге жакын. Ар кыл эсептер боюнча 200гө чукул израилдиктин ХАМАСта кармалып турганы айтылып келет.Тараптардын аймактык кызыкчылыгы менен байланышкан палестиндер менен израилдиктердин жаңжалы ондогон жылдардан бери аймактагы кагылышуунун себепкери болуп келет. СССРдин кийлигишүүсү менен 1947-жылы БУУ Израиль жана Палестина мамлекеттерин түзүү чечимин кабыл алган. Бирок натыйжада Израиль гана түзүлгөн. Тель-Авив эки өлкө принцибине макул болгону менен палестиналык аймактарды бошотпой келет.
https://sputnik.kg/20231113/izrail-timi-gazadagy-operatsiyanyn-ulanaary-tuuraluu-1080387145.html
израиль
палестина
акш
Sputnik Кыргызстан
media@sputniknews.com
+74956456601
MIA „Rossiya Segodnya“
2023
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
дүйнөдө, израиль, палестина, акш, саясат, россия
дүйнөдө, израиль, палестина, акш, саясат, россия
Чалгындоо кызматы: АКШ Израилди Газадагы операцияны тездетүүгө үндөп жатат
23:43 13.11.2023 (Жаңыртылды: 23:51 13.11.2023) Чалгындоо кызматы "жабык эшик" артында кандай сүйлөшүүлөр болуп жатканын билдирди.
БИШКЕК, 13-ноя. — Sputnik. АКШ Израилди Газа секторундагы операциясын тездетүүгө үндөп жатканын Россиянын Тышкы чалгындоо кызматы билдирди.
Ведомство АКШнын администрациясы дагы бир ирет эки жүздүүлүккө барганын айткан. Ошондой эле АКШ ЖМКлары менен саясий ишмерлери 10 миңден ашуун палестиналыктын, негизинен аялдардын жана балдардын өлүмүнө байланыштуу тынчсыздануусун билдирип жатканын белгилеген.
Вашингтон ооруканалар менен лагерлер жардыруу алдында калганына “тынчсызданганын” айтып келет. АКШнын Мамлекеттик департаменти менен Коргоо министрлигинен келген өкүлдөр тынчтыкты каалаарын, ал тургай Палестинанын калкына тилектештигин билдирип, гуманитардык тыныгууларды жана артиллериялык аткылоо аймактарын чектөөнү талап кылышууда.
"Бирок чындыгында жабык эшик артында америкалыктар Израилдин жетекчилиги менен такыр башка сүйлөшүүлөрдү жүргүзүп жатат. Жо Байдендин шайлоо алдындагы талапкерлигине залакасы тийбеши үчүн израилдиктерди операцияны тездетүүгө үндөшүүдө. Вашингтон ХАМАСты жок кылуу маселесин чечүү “олуттуу сандагы” жай тургундардын өлүмүнө алып келишин түшүнүп турат. Бирок Ак үй бул нормалдуу көрүнүш жана Тель-Авивди Вашингтондун колдоосунан ажыратууга алып келбейт деген ойдо. Эң негизгиси — аскердик операцияларды мүмкүн болушунча тезирээк бүтүрүү”, — деп айтылат маалыматта.
Байдендин командасы эки жүздүү позициясын алдыга жылдыруу үчүн Англия менен Германиянын башчыларынан колдоо тапканы айтылган. Алар биргелешип Газадагы атышууну токтотууга чакырган демилгелерге тоскоолдук кылууну көздөшүүдө.
"Албетте, бул — Вашингтон дүйнөнүн калган өлкөлөрүнө сунуш кылган америкалык эрежелерге негизделген тартип", — деген ведомство.
Израиль менен Палестинанын кырды бычак мамилеси 2023-жылдын 7-октябрында Израиль Газа сектору тараптан ракеталык чабуулга туш болгондон тарта курчуп кетти. Сокку ургандан кийин ХАМАС жоокерлери еврей мамлекетинин түштүк аймактарына кирип барып, кыймылдын аскердик канаты "Аль-Акса топон суусу" операциясын жарыялаган. Жооп иретинде ЦАХАЛ ХАМАСка каршы "Темир кылыч" операциясын баштаган. Израиль чабуул жасалгандан бир нече күн өткөн соң Газа менен чектешкен калктуу конуштарды кайра өз көзөмөлүнө алып, сектордун аймагындагы объектилерге сокку ура баштаган. Мындан тышкары, аймакты толугу менен блокадалап, суу, азык-түлүк, электр кубаты, дары-дармек, отун ташуу токтотулган.
Газа тилкесиндеги каза тапкандардын саны 10,8 миң кишиге жетип, 26 миңден көбүрөөк адам жаракат алганы айтылды. Ал эми жергиликтүү бийликтин маалыматында Израилден 1,4 миң киши көз жумган, жабыр тарткандардын саны 5 миңге жакын. Ар кыл эсептер боюнча 200гө чукул израилдиктин ХАМАСта кармалып турганы айтылып келет.
Тараптардын аймактык кызыкчылыгы менен байланышкан палестиндер менен израилдиктердин жаңжалы ондогон жылдардан бери аймактагы кагылышуунун себепкери болуп келет. СССРдин кийлигишүүсү менен 1947-жылы БУУ Израиль жана Палестина мамлекеттерин түзүү чечимин кабыл алган. Бирок натыйжада Израиль гана түзүлгөн. Тель-Авив эки өлкө принцибине макул болгону менен палестиналык аймактарды бошотпой келет.
13 Жетинин айы 2023, 09:53
