https://sputnik.kg/20230923/uulun-zhogotkon-ayal-tuuraluu-1078860360.html
Уулунан ажырап, аракка берилген эжебизге жардам бере албай жатабыз. Жээндин каты
Уулунан ажырап, аракка берилген эжебизге жардам бере албай жатабыз. Жээндин каты
Sputnik Кыргызстан
Sputnik Кыргызстан купуялуулук шарты менен окурмандардын жеке турмушуна байланышкан көйгөйлөрдү жарыялап келет. 23.09.2023, Sputnik Кыргызстан
2023-09-23T19:44+0600
2023-09-23T19:44+0600
2023-09-23T20:06+0600
кыргызстан
психолог
аял
бала
бала бакча
кеңеш
ичкилик
жалгыз бой эне
уул
психолог менен баарлашуу
https://sputnik.kg/img/07e7/09/17/1078860510_0:1407:1920:2487_1920x0_80_0_0_c965e194675d274140844e68fe9fe37f.jpg
“Психолог менен баарлашуу” рубрикасына жалгыз баласын жоготкон аялдын жакындары кат жазган.Саламатсыздарбы! Менин сиздерге кат жазуумдун себеби таежеме психологиялык көмөк керек болууда. Анткени таежем эки жыл мурун 20 жаштагы жалгыз уулун жоготуп, ошондон бери өзүнө келе албай жатат. Акыркы күндөрү көп ичип да калганын байкадым. Мурун зыңкыйган жакшы таежем бар эле. Убакыттын өтүшү менен өзүн таштап, үйүн карабай калды. Булар үч эле бир тууган. Менин апам жалгыз эжеси болгондуктан сиңдисинин тагдырына убайым тартып жатат. Таежемдин баласы студент болчу. Абдан боорукер, апасын аяп турган жаркылдаган бала эле. Бөөдө кырсыктан улам көз жумуп кете берди. Таежемдин ошондон бери жашоого деген үмүтү өчкөндөй. Өзү тирүү болгону менен ички дүйнөсү талкаланып, упуранып калгандай сезилет. Аны көргөн сайын биз да кыйналабыз. Жолдошу менен эки айрылыш жолго түшкөндөн бери уулун өзү жалгыз тарбиялап өстүргөн. Айылда жашачу. Жездебиздин башка айылда өз үй-бүлөсү бар. Таежем азыр шаарда ар кайсы жумушта иштемиш болуп жүрөт. Айылдагы үйүн да бирөөгө болбогон акчага сатып жибериптир. Же кичине ичкилик ичирип алдап алып коюшканбы, билбейбиз. Наркологияга жаткырып дарылоону өзүбүзчө сүйлөшүп жатабыз. Бирок андан чыккандан кийин деле жашоонун маңызы жок, уулун эстеп кайра эле ичип алабы деп коркобуз. Психологдорго кайрылсак жардам бере алабы? Таежебизди мурунку калыбында гана көргүбүз келет. Апам мектепте мугалим, сиңдисин айылга жанына алгысы келип жатат. Бирок ичип алып уят кылабы деп чочулайбыз. Азыр апама да жолукпай жүрөт, уялат окшойт. Же башка себеби барбы, билбейбиз. Учурда тигүү цехинин батиринде жашап, иштеп жатыптыр. Ал жерге да канча байыр алары белгисиз. Жолуксак деле сүйлөшүп отуруп, сөздөн-сөз чыгып уулуна байланыштуу окуяларды эстейт да ыйлайт. “Ушинтип эле жүрсө болбойт беле, майып болуп калса деле бакмакмын” деп айта берет. Сооротуучу деле сөз таппай калдык. Чынында апам экөөбүздөн башкасы жолугуудан деле качып калды. Аларды да түшүнсө болот.Сажира Абдыкаимова, психолог: Саламатсызбы! Ар бир адамга жараткан өзү көтөрө ала турган гана тагдыр берет. Демек, ал адам өз жазмышы менен жашоосу керек. Ал адамдын көтөрүп жүрө турган жүгү же болбосо күчтүү кылып өстүрө турган учуру ушул десек болот. Эжекеңизге сиз же сиз тандап берген психолог жардам бере албайт. Эжекеңиз туура жолду өзү көрүүсү гана сунушталат. Ал өзү гана “өзгөрөм” деп чечим чыгаруусу керек.Бирөөнүн көйгөйү ушул деп ойлойсуң, жакын адамыңдын жакшы жашоосун каалайсың. Өз турмушун эптей албагандарга жардамдашуу да биздин коомдогу кадимки көрүнүш. Башына түшкөн кайгыны адам жалгыз жеңүүсү абзел. Башка бирөөлөр ага зыян гана алып келет. Жүрөк жараландыбы? Айыга турган дарты да бар. Бирок туура эмес адаттар менен эмес, сооп иштер менен айыгуусуна багыттоо керек.Мүмкүнчүлүк болсо жүрөк эс ала турган кайрымдуулук иштерди баштап, ал адамдын жаркын элесине арналган фонд түзүү менен алаксыса көңүлү башка жакка бурулат.
https://sputnik.kg/20230826/tokoldon-korkkon-kelin-1078109435.html
Sputnik Кыргызстан
media@sputniknews.com
+74956456601
MIA „Rossiya Segodnya“
2023
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
кыргызстан, психолог, аял, бала, бала бакча, кеңеш, ичкилик, жалгыз бой эне, уул, психолог менен баарлашуу
кыргызстан, психолог, аял, бала, бала бакча, кеңеш, ичкилик, жалгыз бой эне, уул, психолог менен баарлашуу
Уулунан ажырап, аракка берилген эжебизге жардам бере албай жатабыз. Жээндин каты
19:44 23.09.2023 (Жаңыртылды: 20:06 23.09.2023) Sputnik Кыргызстан купуялуулук шарты менен окурмандардын жеке турмушуна байланышкан көйгөйлөрдү жарыялап келет.
“Психолог менен баарлашуу” рубрикасына жалгыз баласын жоготкон аялдын жакындары кат жазган.
Саламатсыздарбы! Менин сиздерге кат жазуумдун себеби таежеме психологиялык көмөк керек болууда. Анткени таежем эки жыл мурун 20 жаштагы жалгыз уулун жоготуп, ошондон бери өзүнө келе албай жатат. Акыркы күндөрү көп ичип да калганын байкадым. Мурун зыңкыйган жакшы таежем бар эле. Убакыттын өтүшү менен өзүн таштап, үйүн карабай калды. Булар үч эле бир тууган. Менин апам жалгыз эжеси болгондуктан сиңдисинин тагдырына убайым тартып жатат. Таежемдин баласы студент болчу. Абдан боорукер, апасын аяп турган жаркылдаган бала эле. Бөөдө кырсыктан улам көз жумуп кете берди. Таежемдин ошондон бери жашоого деген үмүтү өчкөндөй. Өзү тирүү болгону менен ички дүйнөсү талкаланып, упуранып калгандай сезилет. Аны көргөн сайын биз да кыйналабыз. Жолдошу менен эки айрылыш жолго түшкөндөн бери уулун өзү жалгыз тарбиялап өстүргөн. Айылда жашачу. Жездебиздин башка айылда өз үй-бүлөсү бар. Таежем азыр шаарда ар кайсы жумушта иштемиш болуп жүрөт. Айылдагы үйүн да бирөөгө болбогон акчага сатып жибериптир. Же кичине ичкилик ичирип алдап алып коюшканбы, билбейбиз. Наркологияга жаткырып дарылоону өзүбүзчө сүйлөшүп жатабыз. Бирок андан чыккандан кийин деле жашоонун маңызы жок, уулун эстеп кайра эле ичип алабы деп коркобуз. Психологдорго кайрылсак жардам бере алабы? Таежебизди мурунку калыбында гана көргүбүз келет. Апам мектепте мугалим, сиңдисин айылга жанына алгысы келип жатат. Бирок ичип алып уят кылабы деп чочулайбыз. Азыр апама да жолукпай жүрөт, уялат окшойт. Же башка себеби барбы, билбейбиз. Учурда тигүү цехинин батиринде жашап, иштеп жатыптыр. Ал жерге да канча байыр алары белгисиз. Жолуксак деле сүйлөшүп отуруп, сөздөн-сөз чыгып уулуна байланыштуу окуяларды эстейт да ыйлайт. “Ушинтип эле жүрсө болбойт беле, майып болуп калса деле бакмакмын” деп айта берет. Сооротуучу деле сөз таппай калдык. Чынында апам экөөбүздөн башкасы жолугуудан деле качып калды. Аларды да түшүнсө болот.
Сажира Абдыкаимова, психолог: Саламатсызбы! Ар бир адамга жараткан өзү көтөрө ала турган гана тагдыр берет. Демек, ал адам өз жазмышы менен жашоосу керек. Ал адамдын көтөрүп жүрө турган жүгү же болбосо күчтүү кылып өстүрө турган учуру ушул десек болот. Эжекеңизге сиз же сиз тандап берген психолог жардам бере албайт. Эжекеңиз туура жолду өзү көрүүсү гана сунушталат. Ал өзү гана “өзгөрөм” деп чечим чыгаруусу керек.
Бирөөнүн көйгөйү ушул деп ойлойсуң, жакын адамыңдын жакшы жашоосун каалайсың. Өз турмушун эптей албагандарга жардамдашуу да биздин коомдогу кадимки көрүнүш. Башына түшкөн кайгыны адам жалгыз жеңүүсү абзел. Башка бирөөлөр ага зыян гана алып келет. Жүрөк жараландыбы? Айыга турган дарты да бар. Бирок туура эмес адаттар менен эмес, сооп иштер менен айыгуусуна багыттоо керек.
Мүмкүнчүлүк болсо жүрөк эс ала турган кайрымдуулук иштерди баштап, ал адамдын жаркын элесине арналган фонд түзүү менен алаксыса көңүлү башка жакка бурулат.
