БИШКЕК, 23-сен. — Sputnik. Кыргыз-казак чек арасында тоскоолдуксуз транзитти камсыздап, чек арада жүйөсүз текшерүүлөргө жол бербөө зарыл. Бул тууралуу министрлер кабинетинин төрагасы Акылбек Жапаров Таразда өткөн өкмөттөр аралык кеңештин жыйында билдирди.Мындан тышкары, суу-энергетикалык кызматташтыктын актуалдуу жана көйгөйлүү маселелери боюнча алгылыктуу чечимдерди табууга биргеликте шарт түзүлүп жатканына токтолгон.“Акыркы жылдары байкалып жаткан суунун тартыштыгына байланыштуу жана суу-энергетика чөйрөсүндөгү биздин өлкөлөрдүн өз ара байланышта болушун эске алуу менен, энергия жеткирүү маселелери өзгөчө мааниге ээ болууда. Албетте, маселелер бар жана аларды эки тарапка тең пайда алып келе тургандай кылып чечүү керек. Ошол эле учурда Кыргызстан кызматташууга дайым даяр экенин жана суу тармагындагы өзүнүн милдеттенмелерин так аткарып жатканын баса белгилегим келет”, — деген Жапаров.Мындан сырткары, ал соода тармагында товар жүгүртүүнүн темпи өскөнүн билдирген.2022-жылдын жыйынтыгы боюнча эки өлкөнүн ортосундагы соода жүгүртүүнүн көлөмү 1,2 млрд. долларды түзүп, 2021-жылга салыштырмалуу 13,1 пайызга жогорулаган. Ал эми 2023-жылдын жети айынын көлөмүн алганда 759 млн. долларды түзүп, өткөн жылдын мезгилине салыштырмалуу 13,1 пайызга өскөн.
Жапаров биргелешкен транспорт коридорлорун пайдалануу эки өлкөгө тең пайда алып келерин айтты.
БИШКЕК, 23-сен. — Sputnik. Кыргыз-казак чек арасында тоскоолдуксуз транзитти камсыздап, чек арада жүйөсүз текшерүүлөргө жол бербөө зарыл. Бул тууралуу министрлер кабинетинин төрагасы Акылбек Жапаров Таразда өткөн өкмөттөр аралык кеңештин жыйында билдирди.
“Карасу” жана “Ак-Тилек” көзөмөл-өткөрүү жайларынын районундагы Индустриалдык соода-логистикалык комплексин куруу маселесин ишке ашыруу ортодогу дараметти жогорку натыйжалуулук менен пайдаланууга мүмкүндүк берет. Кыргызстан менен Казакстан тарабынан биргелешкен транспорт коридорлорун пайдалануу эки өлкөгө тең пайда алып келет. Бул контекстте тоскоолдуксуз транзитти камсыздоо, чек арада жүйөсүз кармоолорго жана текшерүүлөргө жол бербөө зарыл”, — деди Жапаров.
Мындан тышкары, суу-энергетикалык кызматташтыктын актуалдуу жана көйгөйлүү маселелери боюнча алгылыктуу чечимдерди табууга биргеликте шарт түзүлүп жатканына токтолгон.
“Акыркы жылдары байкалып жаткан суунун тартыштыгына байланыштуу жана суу-энергетика чөйрөсүндөгү биздин өлкөлөрдүн өз ара байланышта болушун эске алуу менен, энергия жеткирүү маселелери өзгөчө мааниге ээ болууда. Албетте, маселелер бар жана аларды эки тарапка тең пайда алып келе тургандай кылып чечүү керек. Ошол эле учурда Кыргызстан кызматташууга дайым даяр экенин жана суу тармагындагы өзүнүн милдеттенмелерин так аткарып жатканын баса белгилегим келет”, — деген Жапаров.
Мындан сырткары, ал соода тармагында товар жүгүртүүнүн темпи өскөнүн билдирген.
2022-жылдын жыйынтыгы боюнча эки өлкөнүн ортосундагы соода жүгүртүүнүн көлөмү 1,2 млрд. долларды түзүп, 2021-жылга салыштырмалуу 13,1 пайызга жогорулаган. Ал эми 2023-жылдын жети айынын көлөмүн алганда 759 млн. долларды түзүп, өткөн жылдын мезгилине салыштырмалуу 13,1 пайызга өскөн.
