https://sputnik.kg/20230921/kulak-murdu-kesilgen-ayal-kuyoosu-zorduktagany-boyuncha-buga-cheyin-aryz-zhazgan-1078792017.html
Кулак-мурду кесилген аял мурдагы күйөөсү зордуктаганы боюнча эки жолу арыз жазган
Кулак-мурду кесилген аял мурдагы күйөөсү зордуктаганы боюнча эки жолу арыз жазган
Sputnik Кыргызстан
Маалымат булактары ажырашкан күйөөсү келиндин бетин тилип, кулагы менен мурдун кесип салганын билдирди. 21.09.2023, Sputnik Кыргызстан
2023-09-21T13:14+0600
2023-09-21T13:14+0600
2023-09-21T13:14+0600
кыргызстан
чүй облусу
келин
күйөө
кулак
кесүү
милиция
оорукана
операция
сиңди
https://sputnik.kg/img/103488/12/1034881284_0:297:6016:3681_1920x0_80_0_0_db2a7196216c86a13c8680675445c9cc.jpg
БИШКЕК, 21-сен. — Sputnik. Кечээ бычакталып ооруканга түшкөн келин буга чейин зордукталганын айтып, күйөөсүнүн үстүнөн бир нече ирет арыз жазган. Бул туурасында Чүй облустук милициясынан айтып беришти.Маалымат булактары ажырашкан күйөөсү келиндин бетин тилип, кулагы менен мурдун кесип салганын билдирди.Бычакталган аял эки баласы менен Бишкектин чет жакасындагы Селекция айылында көп батирлүү үйдө жашаган. Кулак-мурдун кести деген шектүү менен мурда ажырашкан. Кечээ, 20-сентябрда, сегиз саат операция жасалган келин учурда Бишкектеги ооруканалардын биринде.Милициядан былтыр сентябрь айында 39 жаштагы шектүү Э. А. мурдагы аялын токмоктоп, зордуктаганы үчүн кармалганын айтышты. Аялдын тосмо арызынан кийин эркиндикке чыккан.Жылдын башында, тагыраагы, январда зордуктоо боюнча кайрадан арыз түшкөн. Сокулук райондук соту келиндин мурдагы күйөөсүн пробацияга өкүм кылган. Бирок ал арыздангандыктан иш облустук сотто каралып жатат (жаңы чечим алигече чыга элек).Жабырлануучунун зордукталышы боюнча мурдагы окуяларды анын сиңдиси айтып берди.Айтымында, эркек киши милицияга дагы кол көтөргөн, бирок жазадан кутулуп кеткен.
https://sputnik.kg/20230921/kulak-murdu-kesilgen-kelindin-abaly-orto-oordukta-1078782507.html
чүй облусу
Sputnik Кыргызстан
media@sputniknews.com
+74956456601
MIA „Rossiya Segodnya“
2023
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
кыргызстан, чүй облусу, келин, күйөө, кулак, кесүү, милиция, оорукана, операция, сиңди
кыргызстан, чүй облусу, келин, күйөө, кулак, кесүү, милиция, оорукана, операция, сиңди
Кулак-мурду кесилген аял мурдагы күйөөсү зордуктаганы боюнча эки жолу арыз жазган
Маалымат булактары ажырашкан күйөөсү келиндин бетин тилип, кулагы менен мурдун кесип салганын билдирди.
БИШКЕК, 21-сен. — Sputnik. Кечээ бычакталып ооруканга түшкөн келин буга чейин зордукталганын айтып, күйөөсүнүн үстүнөн бир нече ирет арыз жазган. Бул туурасында Чүй облустук милициясынан айтып беришти.
Маалымат булактары ажырашкан күйөөсү келиндин бетин тилип, кулагы менен мурдун кесип салганын билдирди.
Бычакталган аял эки баласы менен Бишкектин чет жакасындагы Селекция айылында көп батирлүү үйдө жашаган. Кулак-мурдун кести деген шектүү менен мурда ажырашкан. Кечээ, 20-сентябрда, сегиз саат операция жасалган келин учурда Бишкектеги ооруканалардын биринде.
Милициядан былтыр сентябрь айында 39 жаштагы шектүү Э. А. мурдагы аялын токмоктоп, зордуктаганы үчүн кармалганын айтышты. Аялдын тосмо арызынан кийин эркиндикке чыккан.
Жылдын башында, тагыраагы, январда зордуктоо боюнча кайрадан арыз түшкөн. Сокулук райондук соту келиндин мурдагы күйөөсүн пробацияга өкүм кылган. Бирок ал арыздангандыктан иш облустук сотто каралып жатат (жаңы чечим алигече чыга элек).
Жабырлануучунун зордукталышы боюнча мурдагы окуяларды анын сиңдиси айтып берди.
"Эжемдин эки уулу бар, күйөөсүнүн ырайымсыз мамилесинен улам ажырашып кеткен. Ажырашкандан кийин бир эмес эки жолу ур-токмокко алып, кыйнап, зордуктап, үйгө келип сабап, өлтүрүүгө аракеттер болгон. Биз милицияга кайра-кайра кайрылганбыз, миллион жолу соттук-медициналык эксперттен өттүк, токмоктоп жаткан учурду видеого тартып алдык, бирок баары текке кетти. Милиция өлтүрмөйүнчө иш козгой албастыгын, аны түрмөгө отургуза албастыгын айткан", — деди жабырлануучунун сиңдиси.
Айтымында, эркек киши милицияга дагы кол көтөргөн, бирок жазадан кутулуп кеткен.
