Кыргызстандык студенттер 50 миң рубль грант ала алышат
© Фото / пресс-служба Русского дома в БишкекеКыргызстандык студенттер. Архивдик сүрөт
![Кыргызстандык студенттер. Архивдик сүрөт Кыргызстандык студенттер. Архивдик сүрөт - Sputnik Кыргызстан, 1920, 08.09.2023](https://sputnik.kg/img/07e6/09/1d/1068451587_0:0:3072:1728_1920x0_80_0_0_511086e1b9544e3df08e3f71374c0a1e.jpg)
© Фото / пресс-служба Русского дома в Бишкеке
Жазылуу
Конкурска катышуу үчүн ишти заманбап медиаформатта даярдоо сунушталат.
БИШКЕК, 8-сен. — Sputnik. Кыргызстандык студенттер 50 миң рублге чейин грант ала алышат. Бул тууралуу "Чет жердеги орус мурасы" фондунун жетекчиси Елена Чернышкова билдирди.
© Sputnik / Жоомарт Ураимов"Чет жердеги орус мурасы" фондунун жетекчиси Елена Чернышкова
![Руководитель Фонда наследия русского зарубежья Елена Чернышкова Руководитель Фонда наследия русского зарубежья Елена Чернышкова - Sputnik Кыргызстан, 1920, 08.09.2023](https://sputnik.kg/img/07e7/09/08/1078433631_0:0:3068:2048_1920x0_80_0_0_8077d77beab5f52c80e0ea6b8068bffe.jpg)
"Чет жердеги орус мурасы" фондунун жетекчиси Елена Чернышкова
Ал Sputnik Кыргызстан агенттигинин маалымат борборунда өткөн "Кыргызстан — Россия: жалпы маданий мурас" фестивалы жөнүндөгү брифингге катышты.
Урунттуу учурлар:
россиялык тарап үчүн орус тилинин биздин жалпы маданий жана илимий аянтчабыздан жоголуп кетпеши маанилүү. Россия ишке ашырган көптөгөн долбоорлор бар. Алардын бирин "Чет жердеги орус мурасы" фонду жакында ишке киргизет;
бул орус тилдүү эмгектердин конкурсу. Ага Борбор Азиянын жогорку окуу жайларында билим алган студенттер катыша алат. Кыргызстанда окугандардын темасы Кыргызстан менен Россиянын жалпы маданий мурасына арналышы керек;
уюштуруучулар илимий доклад же макала эмес, подкаст, видеосюжет, лонгрид сыяктуу заманбап эмгек болушун каалашат;
15 жеңүүчү 50 миң рублдик бир жолку грантка ээ болушат. Бир нече жеңүүчүгө Россияга сапар уюштурулушу мүмкүн.
Конкурс тууралуу толук маалымат жакынкы аралыкта "Чет жердеги орус мурасы" фондунун сайтына жарыяланат.