Афтандилова: сентябрь айынан тарта дагы 35 мектепте ысык тамак бериле баштайт
© Sputnik / Асель Сыдыкова
Жазылуу
Кыргызстандагы Дүйнөлүк азык-түлүк программасы иштеп чыккан "Мектептеги тамак-ашты оптималдаштыруу" программасынын адиси Аида Афтандилова өлкөдөгү 2 200 мектептин 70 пайызында ысык тамак берилерин айтты.
2013-жылдан бери Кыргызстандын850дөн ашык мектеби Бириккен Улуттар Уюмунун Дүйнөлүк азык-түлүк программасы тарабынан иштелип чыккан долбоордун алкагында ысык тамак менен камсыз болду. Программанын негизги донору – Россия мамлекети. Быйыл сентябрь айынан тарта дагы 35 мектепте ысык тамак бериле баштайт. Бул тууралуу Аида Афтандилова Sputnik Кыргызстан радиосунун эфиринде маек куруп жатып билдирди.
Афтандилова: сентябрь айынан тарта дагы 35 мектепте ысык тамак бериле баштайт
Анын айтымында, 1500дөн ашуун мектеп ашпозчулары тамак даярдоо, тамактануу стандарттары, санитардык нормалар, коопсуздукту көзөмөлдөө боюнча билим алышты.
"2013-жылдан бери Кыргызстандын 850дөн ашык мектеби Бириккен Улуттар Уюмунун Дүйнөлүк азык-түлүк программасы тарабынан иштелип чыккан долбоордун алкагында ысык тамак менен камсыз болду. Программанын негизги донору — Россия мамлекети. Жергиликтүү бийликтин, ата-энелердин жана демөөрчүлөрдүн жардамы менен мектеп ашканаларынын инфратүзүмү калыбына келтирилди. Анын ичинде муздак, ысык суу менен камсыздоо, канализация дагы бар. Мектептер заманбап ашкана жабдууларынын 30дан ашык түрү жана 4,5 миӊ тонна байытылган ун менен камсыз болду. Учурда өлкөдөгү 2 200 мектептин 70 пайызында ысык тамак берилет. БУУнун Дүйнөлүк азык-түлүк программасынын Тармактык тамактануу институту (СИФИ) менен биргеликте балдардын энергияга жана пайдалуу заттарга болгон муктаждыктарын, аймактардагы азык-түлүктүн жеткиликтүүлүгүн эске алуу менен мектеп тамактануусуна арналган 100дөн ашуун рецептти камтыган китебин жана "Үй-бүлө үчүн пайдалуу рецепттер" китебин иштеп чыкты. Мектептеги тамак-аштын энергиялык баалуулугу 335 килокалориядан 550гө көтөрүлдү. Жалпысынан 1500дөн ашуун мектеп ашпозчулары тамак даярдоо, тамактануу стандарттары, санитардык нормалар, коопсуздукту көзөмөлдөө боюнча билим алышты. Мектеп ашпозчуларын даярдоо үчүн былтыр Республикалык компетенциялык борбор (И.Раззаков атындагы КМТУда) түзүлдү. Ошондой эле "Мектеп менюсун түзүү үчүн калькулятор" программасы иштелип чыкты. Бул тамактануу стандарттарына ылайык мектеп менюсун тез жана натыйжалуу түзүүгө жардам берет. Андан тышкары, логистикалык борбор (анын ичинде мобилдик лаборатория, изотермикалык фургон жана кайра иштетүүчү жабдуулар) программанын муктаждыктары үчүн Баткен облусунун Кадамжай районунда мектептер менен жергиликтүү дыйкандардын ортосундагы байланышты бекемдөө үчүн түзүлдү. Борбордо жергиликтүү азык-түлүк өндүрүүчүлөрдөн келген өнүмдөрдүн сапатын сертификациялоону жеӊилдетүү функциясы каралган", — деди Афтандилова.
Ал БУУнун Дүйнөлүк азык-түлүк программасы Тармактык тамактануу институту менен бирге даярдаган маалымат материалдары жана коомчулуктун маалымдуулугун жогорулатуу максатында мектеп тамактануусу боюнча иштелип чыккан веб-портал аркылуу ата-энелер туура тамактануу боюнча билим алганын кошумчалады.
