https://sputnik.kg/20230620/kozhoshev-kyrgyzstandyn-transporttuk-tunguyuktan-chyguu-mumkunchulugun-aytty-1076397003.html
Кожошев: өлкөнүн транспорттук туңгуюктан этап менен чыгуу мүмкүнчүлүгү бар
Кожошев: өлкөнүн транспорттук туңгуюктан этап менен чыгуу мүмкүнчүлүгү бар
Sputnik Кыргызстан
Кожошев Кыргызстанда транспорттук коммуникацияларды өнүктүрүүнүн келечегине токтолгон. 20.06.2023, Sputnik Кыргызстан
2023-06-20T14:09+0600
2023-06-20T14:09+0600
2023-06-20T14:09+0600
кыргызстан
еэаб
темир жол
экономика
еэк
арзыбек кожошев
https://sputnik.kg/img/07e6/07/14/1066212097_0:0:1400:789_1920x0_80_0_0_e8738b68bec146730a5a58d08a6dc01d.jpg
БИШКЕК, 20-июн. — Sputnik. ЕАЭБге мүчө-мамлекеттердин өкмөт башчылары интеграциялык инфраструктуралык транспорттук долбоорлордун тизмесин бекитишти. Кыргызстандан тизмеге "Луговая – Балыкчы" темир жол участогун электрлештирүү долбоору киргизилди. Андан башка дагы эки долбоор каралууда. Бул маалыматтарды Евразия экономикалык комиссиясынын (ЕЭК) энергетика жана инфраструктура министри Арзыбек Кожошев айтты.Анын "Транспорт коридорлорун өнүктүрүү" ЕАЭБге мүчө-мамлекеттердин соода жана транзиттик потенциалын ишке ашыруунун стратегиялык багыты" аттуу тегерек столго катышканын Экономика жана коммерция министрлигинин маалымат кызматы кабарлады.Кожошев өлкөдө транспорттук коммуникацияларды өнүктүрүүнүн келечегине токтолгон жана дагы эки долбоор тууралуу айткан.Кожошев өнүккөн темир жол инфраструктурасынын жоктугунан азыркы шартта Кыргызстанда темир жол жана коммуникациялардын туңгуюк абалын эске алуу менен кытай демилгеси боюнча Кытай — Кыргызстан — Өзбекстан темир жолун куруу долбоору ишке ашырылып жатканына көңүл бурган.Кожошев темир жол курулушунун долбоорлорун алдыга жылдыруу Кыргызстан үчүн стратегиялык жактан текшерилген жана маанилүү кадам болуп саналарын белгилеген."Өлкөнү жарым-жартылай транспорттук изоляциядан чыгарууга багытталган инфраструктуралык долбоорлорду колдоо артыкчылыктуу болуп саналат жана учурдагы шарттарды эске алуу менен өлкөнүн аймактарын темир жол аркылуу бириктирүү маанилүү. Бул мамлекеттин экономикасын өнүктүрүүгө, ишкердик активдүүлүктү жана өлкөнүн ичиндеги сооданы жогорулатууга кошумча стимул болот", — деген Кожошев.
https://sputnik.kg/20221209/eaehbdin-transporttuk-potencialy-1070857113.html
Sputnik Кыргызстан
media@sputniknews.com
+74956456601
MIA „Rosiya Segodnya“
2023
Sputnik Кыргызстан
media@sputniknews.com
+74956456601
MIA „Rosiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rosiya Segodnya“
Sputnik Кыргызстан
media@sputniknews.com
+74956456601
MIA „Rosiya Segodnya“
кыргызстан, еэаб, темир жол, экономика, еэк, арзыбек кожошев
кыргызстан, еэаб, темир жол, экономика, еэк, арзыбек кожошев
Кожошев: өлкөнүн транспорттук туңгуюктан этап менен чыгуу мүмкүнчүлүгү бар
Кожошев Кыргызстанда транспорттук коммуникацияларды өнүктүрүүнүн келечегине токтолгон.
БИШКЕК, 20-июн. — Sputnik. ЕАЭБге мүчө-мамлекеттердин өкмөт башчылары интеграциялык инфраструктуралык транспорттук долбоорлордун тизмесин бекитишти. Кыргызстандан тизмеге "Луговая – Балыкчы" темир жол участогун электрлештирүү долбоору киргизилди. Андан башка дагы эки долбоор каралууда. Бул маалыматтарды Евразия экономикалык комиссиясынын (ЕЭК) энергетика жана инфраструктура министри Арзыбек Кожошев айтты.
Анын "Транспорт коридорлорун өнүктүрүү" ЕАЭБге мүчө-мамлекеттердин соода жана транзиттик потенциалын ишке ашыруунун стратегиялык багыты" аттуу тегерек столго катышканын Экономика жана коммерция министрлигинин маалымат кызматы кабарлады.
Кожошев өлкөдө транспорттук коммуникацияларды өнүктүрүүнүн келечегине токтолгон жана дагы эки долбоор тууралуу айткан.
"Мүчө-мамлекеттердин өкмөт башчылары интеграциялык инфраструктуралык транспорттук долбоорлордун тизмесин бекитишти. Кыргызстандан тизмеге кирген "Луговая – Балыкчы" темир жол участогун электрлештирүү долбоору, ошондой эле киргизүү процессинде дагы эки долбоор бар. Алардын бири — стратегиялык мааниге ээ. Кыргызстан үчүн бул — Балыкчы – Кочкор – Кара-Кече – Макмал – Жалал-Абад темир жолу", — деп белгилеген министр.
Кожошев өнүккөн темир жол инфраструктурасынын жоктугунан азыркы шартта Кыргызстанда темир жол жана коммуникациялардын туңгуюк абалын эске алуу менен кытай демилгеси боюнча Кытай — Кыргызстан — Өзбекстан темир жолун куруу долбоору ишке ашырылып жатканына көңүл бурган.
"Бир алкак — бир жол" ата мекендик экономиканы башка мамлекеттердин рынокторуна жаңы альтернативалуу жолдор менен камсыз кылат. Ошентип экономика жүк ташуу жолдорун диверсификациялоо менен транспорттук туңгуюктан чыгат", — деген ал.
Кожошев темир жол курулушунун долбоорлорун алдыга жылдыруу Кыргызстан үчүн стратегиялык жактан текшерилген жана маанилүү кадам болуп саналарын белгилеген.
"Өлкөнү жарым-жартылай транспорттук изоляциядан чыгарууга багытталган инфраструктуралык долбоорлорду колдоо артыкчылыктуу болуп саналат жана учурдагы шарттарды эске алуу менен өлкөнүн аймактарын темир жол аркылуу бириктирүү маанилүү. Бул мамлекеттин экономикасын өнүктүрүүгө, ишкердик активдүүлүктү жана өлкөнүн ичиндеги сооданы жогорулатууга кошумча стимул болот", — деген Кожошев.
