Радиостудия Sputnik Кыргызстан в Бишкеке - Sputnik Кыргызстан, 1920
Радио

Кожошев: ЕАЭБ алкагында эки транспорттук коридор боюнча иш жүрүп жатат

© Sputnik / Жоомарт УраимовЕвразия экономикалык комиссиясынын энергетика жана инфраструктура боюнча министри Арзыбек Кожошев
Евразия экономикалык комиссиясынын энергетика жана инфраструктура боюнча министри Арзыбек Кожошев  - Sputnik Кыргызстан, 1920, 09.12.2022
Жазылуу
Евразия экономикалык комиссиясынын энергетика жана инфраструктура боюнча министри Арзыбек Кожошев ЕАЭБдин транспорттук инфраструктурасын жакшыртуу үчүн жасалып жаткан иштер тууралуу айтып берди.
ЕАЭБдин экономикалык потенциалын жогорулатуу үчүн эки транспорттук маршрут боюнча иштер жүрүп жатат. Бул тууралуу Арзыбек Кожошев Sputnik Кыргызстан радиосуна маек куруп жатып билдирди.
Кожошев: ЕАЭБ алкагында эки транспорттук коридор боюнча иш жүрүп жатат
Анын айтымында, аны ишке ашыруу үчүн Чолпон-Атада өкмөт башчыларынын деңгээлинде өткөн жыйында жети инфраструктуралык долбоор бекиген.
"Эки транспорттук коридордун биринчиси Кытай менен Европаны байланыштырган жол. Натыйжада Европадан Кытайга товарлардын көпчүлүгү ЕАЭБ аркылуу өтөт. Экинчиси Россиянын Санкт-Петербург шаарынан Азербайжан, Иран аркылуу Индияга чыга турган темир жана автомобилдик жолдон турган мультимодалдык маршрут. Анын узундугу 7 200 чакырым. Быйыл Чолпон-Атада өкмөт башчыларынын деңгээлинде өткөн жыйында жети инфраструктуралык долбоор бекиди. Анын ичинен Россия, Беларуста экиден, Казакстан, Армения, Кыргызстанда бирден долбоор бар. Алар жогоруда айтылган маршруттар боюнча ЕАЭБдин товар жүгүртүү мүмкүнчүлүгүн жогорулатат. Бул үчүн 1 210 чакырым темир жолу электрге кошулат. Мындан тышкары, 110 чакырым темир жол, 1 000 чакырым эл аралык автомобилдик жол салынып, 3 000 чакырым жолдор капиталдык оңдоп-түзөөдөн өткөрүлөт. Мына ушул долбоорлор ЕАЭБдин экономикасына чоң салым кошот. Транспорт инфраструктурасы Кыргызстандын экономикасынын драйвери. Ошондуктан бул тармакка көңүл буруу зарыл. Быйыл 30 жылдан бери сөз кылып келе жаткан Кытай — Кыргызстан — Өзбекстан темир жолу боюнча иш жыла баштады. Учурда техникалык экономикалык негиздемеси даярдалууда. Эми каражат маселеси чечилип, 3-4 жылда ишке берилсе экономикага чоң салым болот. Мындан тышкары, КР өкмөтү Өзбекстан, Түркмөнстан аркылуу Ирандын Бендер-Аббас портуна чыгуу боюнча иштеп жатат", — деди Кожошев.
Ошондой эле ал курулуп баштаган Балыкчы — Кара-Кече темир жолунун мүмкүнчүлүгү кеңири экенин кошумчалады.
Жаңылыктар түрмөгү
0