Мөңгү суулары 2040-жылдан соң кескин азая башташы болжолдонууда
"Климаттык проекцияда биз алгач бир чарчы метр жерге канча күндүн нуру же болбосо радиация келип түшөрүн аныктадык. Илимий божомолдор боюнча, 2050-60-жылдары абанын температурасы +1 градуска жогорулайт. Ал эми 2100-жылдары 1,5 градуска чейин көтөрүлөт. Бул — эгер "жумшак сценарий" менен жашоо жүрүп бир чарчы метр жерге 2,6-2,8 ватт чарчы радиация түшсө күтүлө турган кадамдар. Ал эми биз көмүр жагууну токтотпой, бөлүнүп чыккан парник газын жана табиятка терс таасирин тийгизген башка факторлорду азайтпай жүрүп отурсак, анда бир чарчы метр жерге 8,5 ваттка чейин радиация туура келип, жыйынтыгында абанын температурасы нормадан + 5... +5,5 градуска жогорулап кетиши мүмкүн. Мындан улам суу ресурсу болгон мөңгүлөр эрип, аянты кескин кыскарат, 2040-жылдарга чейин мөңгү көп эригендиктен суу тартыштыгы жаралбайт, бирок андан кийин кургакчылык көйгөйү пайда болот", — деди Сатылканов.
