Радиостудия Sputnik Кыргызстан в Бишкеке - Sputnik Кыргызстан, 1920
Радио

"Бишкек суу канал": сууну үнөмдөө керек, ал дайыма эле боло бербейт

© Sputnik / Асел Акмат"Бишкек суу канал" башкармалыгынын башкы инженери Кадырбек Оторов
Бишкек суу канал башкармалыгынын башкы инженери Кадырбек Оторов - Sputnik Кыргызстан, 1920, 07.06.2023
Жазылуу
"Бишкек суу канал" башкармалыгынын башкы инженери Кадырбек Оторов Бишкек шаары боюнча суу колдонууга буга чейин да чектөөлөр болгонун айтты.
Бишкек шаарындагы суу түтүктөрүнүн көбү 1960-1970-жылдары орнотулган. Бул тууралуу Кадырбек Оторов Sputnik Кыргызстан радиосунун эфиринде маек куруп жатып билдирди.
"Бишкек суу канал": сууну үнөмдөө керек, ал дайыма эле боло бербейт
Анын айтымында, шаардагы суу түтүктөрдүн эң жаңысы 1980-жылы коюлган.
"Бишкек шаары боюнча сууну колдонууга киргизилген чектөөлөр буга чейин да болуп келген. Анткени суу түтүктөрү орнотулуп жаткан кезде шаар жашоочуларынын саны өсөрү эске алынган эмес. Алардын эң эле акыркысы 1980-жылдары курулган. Ал эми басымдуу бөлүгү 1960-1970-жылдары орнотулгандар. Шаардагы суу түтүктөрү өзүнүн жарактуу мөөнөтүн эки жолу аткарып койду. Ошондой эле сууну үнөмдөөгө ар бир жаран салым кошуш керек. Ал дайыма эле боло бербейт. Жер үйдө жашагандардан бак-дарактарды сугарууну токтотуп турууну суранат элем. Барган сайын жер астындагы суулар тартылып, азайып жатат. Жыйынтыгында жашоочуларды суу менен камсыз кылууда көйгөйлөр жаралууда", — деди Оторов.
Ал суу тартыштыгын аны өлчөй турган эсептегичтер аркылуу чечсе болорун кошумчалады.
Жаңылыктар түрмөгү
0