Бишкекте май айында батирлердин баасы кандай өзгөрдү? Инфографика
Жазылуу
Бишкек шаарында 2023-жылдын май айында батирлердин баасы кандай өзгөрдү? Кыймылсыз мүлк рыногундагы абал тууралуу биздин инфографикадан маалымат алыңыз.
Sputnik Кыргызстан ачык булактардагы маалыматтарды талдап, борбор калаадагы батирлердин наркына баам салып турат. Окурмандардын ыңгайы үчүн түрдүү типтеги бир, эки жана үч бөлмөлүү батирлердин (104, 105, 106-серия, "элитка", индивидуалдык жана мейманкана тибиндеги) орточо наркын көрсөтүп беребиз. Ошондой эле ичин өзү оңдоп ала турган элиталык батирлердин баасы тууралуу статистиканы чогултабыз.
Бул сапар баа 2023-жылдын май айына карата кандай өзгөргөндүгүнө баам салдык. Материалды даярдоодо 1 186 жарнама каралган.
Кыймылсыз мүлк рыногундагы баа туруктуу эмес. Бир бөлмөлүү батирлер кымбаттаса, эки, үч бөлмөлүүлөр арзандаган.
Ачык маалыматтарга таянсак, май айында бир бөлмөлүү батирлердин баасы төмөнкүдөй болду:
104-серия — 44 000 доллар (38 000 - 50 500 доллардын арасы);
105-серия — 43 500 (37 000 - 50 500);
106-серия — 46 500 (39 500 - 63 000);
"хрущёвкалар" — 37 500 (29 000 - 43 300);
индивидуалдуу типтегилер (16дан 70 чарчы метрге чейин) — 41 000 ( 19 000 - 56 800);
"элитка" тибиндеги ичин өзү бүтүрүп ала турган батирлердин орточо баасы — 40 500 (19 000 - 84 500).
Эки бөлмөлүү батирлердин орточо баасы:
104-серия — 53 000 доллар (39 500 - 65 500);
105-серия — 57 000 (43 000 - 77 500);
106-серия — 64 000 (47 500 - 76 000);
"хрущевка" — 45 500 (39 000 - 62 000);
индивидуалдуу типтегилер (40 - 102 чарчы метр ) — 55 000 ( 26 500 - 123 000);
"элитка" тибиндеги ичин өзү бүтүрүп ала турган батирлердин орточо баасы — 56 500 (25 000 - 130 000).
Үч бөлмөлүү батирлердин орточо баасы:
104-серия — 62 500 доллар (45 000 - 77 000);
105-серия — 72 000 (48 500 - 87 500);
106-серия — 76 500 (57 500 - 96 000);
"хрущевка" — 61 500 (52 500 - 66 000);
индивидуалдуу типтегилер (49 - 148 чарчы метр) — 70 500 (33 500 - 160 000);
"элитка" тибиндеги ичин өзү бүтүрүп ала турган батирлердин орточо баасы — 85 800 (43 000 - 169 000).
Инфографикада биз үй ээлери сунуштаган орточо бааны көрсөтөбүз. Бул ашык-кеми жок, дал ушундай суммада сатылат дегенди түшүндүрбөйт. Мындан тышкары, орто бааны чыгарууда бир же бир нече батирдин баасы роль ойноп коёрун белгилейбиз.
