Машыгып жүргөн адамдар ооруга чыдамдуу болору айтылды

© Sputnik / Александр Полегенько / Медиабанкка өтүүМашыгып жаткан адам. Архив
Машыгып жаткан адам. Архив - Sputnik Кыргызстан, 1920, 28.05.2023
Жазылуу
Норвегиялык изилдөөчүлөр 10 миң адамдын кыймылынын деңгээли тууралуу маалыматтарды топтоп, аларды ооруга чыдамдуулугу боюнча сынап көрүшкөн.
БИШКЕК, 28-май — Sputnik. Спорт менен машыгып, көп кыймылдап, дене тарбиялык көнүгүүлөрдү жасап жүргөн адамдар ооруга чыдамдуу болуп, аны жеңилирээк көтөрөт. Бул тууралуу Plos One басылмасы изилдөөчүлөрдүн экспериментине таянып жазган.
Анда белгиленгендей, норвегиялык окумуштуулар 10 миң адамдын саламаттыгына анализ жасап көрүшкөн. Изилдөөгө катышкан адамдар кыймылынын деңгээли тууралуу маалыматтарды беришкен. Изилдөөчүлөр өздөрүнүн түрдүү тесттери, анын ичинде колду муздак сууга салып туруу сыяктуу сынактардан өткөрүп, ооруга чыдамдуулугунун деңгээлин такташкан.
Жыйынтыгында көп кыймылдаган, дене тарбиялык көнүгүүлөрдү жасаган адам кыймылы азга салыштырмалуу ооруга чыдамдуураак болору аныкталган. Ошол эле учурда канчалык кыймылы көп болсо анын ооруга чыдамдуулугу ошончолук жогору экендиги белгилүү болгон.
Бирок окумуштуулар спорт менен ооруга чыдамдуулуктун кандай байланышы бар экендигин азырынча айтууга мүмкүн эмес экенин билдиришкен.
Бакчада иштеп жаткан аял. Архив - Sputnik Кыргызстан, 1920, 04.05.2023
Жумуш жасоо саламаттыкка миңдин бири. Кыймылдын күнүмдүк нормасы айтылды
Жаңылыктар түрмөгү
0