Бири-бирибизден алыстап кетүү оңой. Садыр Жапаровдун ЕЭК жыйынындагы кеби
20:09 25.05.2023 (Жаңыртылды: 20:10 25.05.2023)
Жазылуу
Өлкө башчы миграция маселесин дагы козгоп, бул жаатта бир нече сунушун берди.
БИШКЕК, 25-май — Sputnik. Кыргызстандын президенти Садыр Жапаров Москвада өтүп жаткан Жогорку евразиялык экономикалык кеңешинин кеңейтилген курамдагы жыйынында сөз сүйлөдү.
Өлкө башчынын кебинин урунттуу учурларын беребиз:
Ушул жылдын январь-апрель айларында Кыргызстандын ички дүң продукциясынын көлөмү 4,4 пайызга, өнөр жай өндүрүшүнүн көлөмү 4,6 пайызга өстү. Өлкөнүн тышкы соодасы 2023-жылдын январь-март айларында 25,4 пайызга өстү;
Евразиялык экономикалык интеграциянын 2025-жылга чейинки стратегиялык багыттарын ишке ашыруу боюнча чоң аналитикалык жана прикладдык иштер аткарылды;
Бүгүнкү күндө биз өнөр жай кооперациясын өнүктүрүү жана импортту алмаштыруу үчүн бекем негиз түзүп жатабыз;
ЕАЭБдин деңизге чыга албаган өлкөлөрүнүн транспорттук коридорлорго жеткиликтүүлүгүн камсыздоого өзгөчө көңүл бурууну сунуштайм;
жүктөрдү жеткирүүнүн ылдамдыгын жогорулатуу үчүн бардык жүк ташуу документтерин санариптештирүү менен мультимодалдык ташуулардын экосистемасын түзүү маанилүү деп эсептейм;
Биримдикте навигациялык пломбаларды колдонуу жөнүндө макулдашууга кол коюлуп, күчүнө кирди. Ал ошондой эле товарларды мыйзамсыз алып өтүү тобокелдиктерин жок кылат жана ЕАЭБге мүчө мамлекеттердин транзиттик мүмкүнчүлүгүн жогорулатат;
Азыр өз ара колдоонун мезгили. "Дарылоодон көрө алдын алуу жакшы" дегендей, бири-бирибизден алыстап кетүү оңой, кийин кайра бири-бирибизге ачылышыбыз кыйын болуп калат;
Тажрыйба жана зарыл маалыматтарды алмашуу жолу менен биздин мамлекеттик органдардын өз ара кызматташуусун күчөтүү зарыл;
Биздин өлкөлөрдүн иштеген жарандары Биримдикке мүчө мамлекеттердин кайсы аймагында болбосун эмгек укуктарын ишке ашыруу үчүн жеңилдетилген шарттарга ээ болушу керек деп эсептейм;
Жарандарга башка өлкөдө ишке орношуу үчүн зарыл болгон иш-аракеттерди электрондук форматта, анын ичинде жарандыгы болгон өлкөдө туруп жасоо мүмкүнчүлүгүн берүү зарыл.
