https://sputnik.kg/20230512/biylik-zhetim-too-boyuncha-eldi-kozutkandarga-eskertuu-berdi-1075250218.html
Бийлик: Жетим-Тоо боюнча элди козуткандарга эскертүү беребиз
Бийлик: Жетим-Тоо боюнча элди козуткандарга эскертүү беребиз
Sputnik Кыргызстан
Былтыр президент Жапаров кенди толугу менен мамлекет өзү иштетерин айткан. 12.05.2023, Sputnik Кыргызстан
2023-05-12T10:55+0600
2023-05-12T10:55+0600
2023-05-12T11:43+0600
кыргызстан
жетим-тоо
садыр жапаров
дайырбек орунбеков
темир
кен
https://sputnik.kg/img/07e6/0a/07/1068747226_0:0:1599:899_1920x0_80_0_0_ea03ac0e3654c5152c8fca8078d595de.jpg
БИШКЕК, 12-май — Sputnik. "Бийлик Кытайга болгон карыздын ордуна Жетим-Тоо кенин соодалап, тагдырын чечип коюптур" деген маалымат жалган, элди козутуп, атайы чагымчылык жасоо аракеттерине мыйзам чегинде чара көрүлөрүн эскертебиз. Мындай постту президенттин администрациясынын маалымат кызматынын башчысы Дайырбек Орунбеков социалдык тармактагы баракчасына жазды.Эске салсак, президент Садыр Жапаров кенди толугу менен мамлекет өзү иштетип, бир дагы үлүшү башкага берилбей турганын белгилеген. Бирок аны казуу иштери жакын арада башталбастыгын айткан.Жетим-Тоо дүйнөдөгү темирдин ири запасы камтылган кендердин катарында турганы айтылып келет. 1950 жана 1980-жылдары изилдөө жүргүзүлгөн. Аны казуу маселеси бийлик алмашкан сайын козголчу болду.Кен Нарын районундагы Жетим-Тоо кыркасынын оң тарабында, Данги жана Күрмөнтү дарыяларынын ортосунда жайгашкан. Деңиз деңгээлинен 2730дан 3800 метрге чейинки бийиктикте. Нарын облусунун борборунан 70 чакырым, Балыкчы темир жол станциясынан 250 чакырым алыстыкта. Ары жагынан Кытайдын чек арасына жакын турат.
https://sputnik.kg/20220805/zhetim-too-kenin-ishtetuu-tuuraluu-1066557560.html
жетим-тоо
Sputnik Кыргызстан
media@sputniknews.com
+74956456601
MIA „Rossiya Segodnya“
2023
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
кыргызстан, жетим-тоо, садыр жапаров, дайырбек орунбеков, темир, кен
кыргызстан, жетим-тоо, садыр жапаров, дайырбек орунбеков, темир, кен
Бийлик: Жетим-Тоо боюнча элди козуткандарга эскертүү беребиз
10:55 12.05.2023 (Жаңыртылды: 11:43 12.05.2023) Былтыр президент Жапаров кенди толугу менен мамлекет өзү иштетерин айткан.
БИШКЕК, 12-май — Sputnik. "Бийлик Кытайга болгон карыздын ордуна Жетим-Тоо кенин соодалап, тагдырын чечип коюптур" деген маалымат жалган, элди козутуп, атайы чагымчылык жасоо аракеттерине мыйзам чегинде чара көрүлөрүн эскертебиз. Мындай постту президенттин администрациясынын маалымат кызматынын башчысы Дайырбек Орунбеков социалдык тармактагы баракчасына жазды.
"Социалдык тармактар аркылуу "Бийлик Кытайга болгон карыздын ордуна Жетим-Тоону соодалап, тагдырын чечип коюптур" деген чындыкка дал келбеген, элди козутууга максатталган чагымчыл чакырыктар жарыяланып жатат. Жетим-Тоону 100% өзүбүз иштетебиз. Бир пайызы дагы бирөөгө берилбейт. Кенди иштете турган каржы дагы аныкталган, мамлекет темир завод куруп, жумушчулардын курамы дагы жергиликтүү элден алынат. Бир дагы чет өлкөлүк компания кирбейт. Жетим-Тоо кени, Кумтөр дагы көп киреше алып келе турган долбоор. Учурда изилдөө иштери жүрүп жатат, бүтсө казуу иштери башталат. Андыктан жалган маалыматтар менен элди козутуп, атайы чагымчылык жасоо аракеттерине мыйзам чегинде чара көрүлөрүн эскертебиз", — деп жазган ал.
Эске салсак, президент
Садыр Жапаров кенди толугу менен мамлекет өзү иштетип, бир дагы үлүшү башкага берилбей турганын белгилеген. Бирок аны казуу иштери жакын арада башталбастыгын айткан.
Жетим-Тоо дүйнөдөгү темирдин ири запасы камтылган кендердин катарында турганы айтылып келет. 1950 жана 1980-жылдары изилдөө жүргүзүлгөн. Аны казуу маселеси бийлик алмашкан сайын козголчу болду.
Кен Нарын районундагы Жетим-Тоо кыркасынын оң тарабында, Данги жана Күрмөнтү дарыяларынын ортосунда жайгашкан. Деңиз деңгээлинен 2730дан 3800 метрге чейинки бийиктикте. Нарын облусунун борборунан 70 чакырым, Балыкчы темир жол станциясынан 250 чакырым алыстыкта. Ары жагынан Кытайдын чек арасына жакын турат.
