ЖККУ, КМШ менен алаканы арттырууну көздөп. ШКУнун коргоо министрлеринин жыйыны
© Фото / Министерство обороны РФ
/ Жазылуу
ШКУнун Коргоо министрлеринин кезектеги жыйыны 2024-жылы Казакстанда өтө турган болду.
БИШКЕК, 28-апр. — Sputnik. Индиянын Нью-Дели шаарында ШКУга мүчө өлкөлөрдүн коргоо министрлеринин жыйыны өттү. Анда Кыргызстандын, Индиянын, Казакстандын, Кытайдын, Пакистандын, Россиянын, Тажикстандын, Өзбекстандын Коргонуу министрлери учурдагы геосаясий кырдаалды эске алып, ШКУнун форматында коргонуу жаатында кызматташуу талкууланды.
© Фото / Министерство обороны РФ
/ Төмөндө жыйында айтылган урунттуу маселелерди тизмектейбиз:
РФтин коргоо министри Сергей Шойгу ШКУну модернизациялоо жана бекемдөө боюнча зарыл деген кадамдарды атап, бул бирикменин мейкиндигинде жаралып калышы мүмкүн деген көйгөйлөргө реакция кылуунун механизмдери туурасында да сөз кылган. Министр аталган уюмдун алкагында аскердик кызматташуу боюнча маалымат алмашуу, биргелешкен машыгууларды өткөрүүнү белгиледи;
Коопсуздук демекчи, Россия Кыргызстан менен Тажикстандагы базаларында аскердик даярдыкты күчөтө турганы айтылды. Шойгу буга АКШнын, союздаштарынын Борбор Азиядагы аскерий таасирин арттыруу аракеттери боюнча кадамдары себепкер экенин айтты;
Жыйында Борбор Азия аймагындагы абалдын мындан ары курчушуна өбөлгө түзүлгөнү, кооптуулук Афганстанда жайгашып алган радикалдуу, экстремисттик топтордон келип жатканы белгиленди. Алар коңшу мамлекеттерде өздөрүнүн идеяларын жайылтыш үчүн жанданууда;
РФ министри Шойгунун айтымында, "Ислам мамлекети"*, "Аль-Каида"*, "Өзбекстан Ислам кыймылы"* жана "Чыгыш Түркстан Ислам кыймылы"* сыяктуу уюмдардын кирип келүү кооптуулугу өсүп жатат;
Атайын операциянын жүрүшүндө Батыштын Россиянын өнөктөштөрүнө таасир этип, обочолонтуу аракети болуп жатканын, бирок бул өзүнүн жыйынтыгын бербегени тууралуу сөз болду;
Жыйында аймактык жана глобалдуу коопсуздук маселелерин чечүүдө Шанхай кызматташтык уюмунун алган багыты дүйнө үчүн өрнөк болору айтылды;
Жыйында Шанхай кызматташтык уюмунун аймактагы башка интеграциялык бирикмелер, ири алдыда Жамааттык коопсуздук келишими уюму, Көз карандысыз шериктештикке кирген өлкөлөр менен өнөктөштүктү активдештирүү зарылдыгы айтылды. Аларды жана достук мамиледеги өлкөлөрдүн өкүлдөрүн ШКУнун иш-чараларына чакыруу сунушу киргизилди;
ШКУ 2001-жылы негизделген. Ага Кытай, Кыргызстан, Россия, Казакстан, Тажикстан, Өзбекстан, Пакистан жана Индия мүчө. Байкоочу мамлекеттер — Афганстан, Беларусь, Иран менен Монголия. Өнөктөш мамлекеттер — Азербайжан, Армения, Камбоджа, Непал, Түркия, Шри-Ланка, Египет, Сауд Арабиясы, Катар.
2022-жылы сентябрда ШКУнун Самарканд шаарындагы саммитинде Бахрейн, Мальдив, Бириккен Араб Эмирлиги, Кувейт, Мьянмага өнөктөш макамын берүү кадамы башталган.
ШКУнун Коргоо министрлеринин кезектеги жыйыны 2024-жылы Казакстанда өтө турган болгонун Казакстандын Коргонуу министрлиги кабарлады.
* Ишмердүүлүгүнө Кыргызстанда жана Россияда тыюу салынган уюмдар.
