https://sputnik.kg/20230420/aloe-liliya-den-sooluk-zyyan-bolmo-guldor-turu-1074581895.html
Алоэ, лилия... Ден соолукка зыян делген бөлмө гүлдөрүнүн түрү
Алоэ, лилия... Ден соолукка зыян делген бөлмө гүлдөрүнүн түрү
Sputnik Кыргызстан
Уулуу өсүмдүктүн ширеси териге тийип калган учурда денени муздак суу менен жууп салуу керек. 20.04.2023, Sputnik Кыргызстан
2023-04-20T08:51+0600
2023-04-20T08:51+0600
2023-04-20T08:51+0600
бөлмө
гүл
ден соолук
өсүмдүктөр
медицина
https://sputnik.kg/img/07e7/04/13/1074582259_0:160:3072:1888_1920x0_80_0_0_4917e3a5465ed85cfdbd9ea9d7328f82.jpg
БИШКЕК, 20-апр. — Sputnik. Кээ бир бөлмө гүлдөрү үйдү кооздоп, кислород менен камсыздагандан сырткары адамга терс таасирин да тийгизиши мүмкүн. Бул тууралуу медицина илимдеринин кандидаты Екатерина Кашух Доктор Питер басылмасындагы маегинде билдирди.Адис көпчүлүк жакшы көргөн, бирок үйдө өстүрүүгө сунушталбаган өсүмдүктөрдү санап өттү.АлоэЭл арасында бул өсүмдүктүн дарылык касиети жогору бааланат. Ал күйүк алганда, жара чыкканда же курт-кумурска чаккан учурда колдонулат. Бирок бүгүнкү күндө дарыгерлер бул өсүмдүктү этияттык менен колдонуу керектигин эскертет."2011-жылы New Scientist журналына илимий макала жарыяланган. Анда илимпоздор эки жыл бою лабораторияда келемиштерди алоэ менен багып, өсүмдүктүн 1,5 пайыздык экстрактысы бар суу менен азыктандырышкан. Эксперименттин аягында эркек келемиштердин 74 пайызында, ал эми ургаачыларынын 39 пайызында шишик табылган. Андыктан алоэ ширесин рак менен ооругандар ичүүгө болбойт. Мындан тышкары, ал кош бойлуу аялдарга да сунушталбайт", — деп билдирген Екатерина Кашух.ЛилияКөз жоосун алган гүлдүн бул түрү негизинен уктоочу жана балдар бөлмөлөрүндө өстүрүлөт. Бирок өсүмдүк бөлүп чыгарган жыт баш оору, баш айлануу, кээде эс-учун жоготууга алып келет.Спатифиллум же "Аял бактысы" гүлүБул өсүмдүк абаны чаңдан жана зыяндуу заттардан тазалап турат. Бирок үйдө бул гүлгө этияттык менен мамиле жасоо керек."Спатифиллумдун курамында кальций оксалаты бар, ал адам үчүн уулуу зат. Кокус бул өсүмдүктүн жалбырагын жеп алсаңыз, ооздун былжыр чели жана кызыл өңгөч сезгениши мүмкүн. Андан кийин ич ооруп, жүрөк айлануу, кусуу, диарея да пайда болот", — деп түшүндүрдү Кашух.ФикусЖыл бою үйдү кооздоп турган өсүмдүктүн бул түрү ден соолукка зыян экенин көпчүлүк билбесе керек. Анын ширеси өтө уулуу жана дерматитке (теринин сезгениши) алып келиши мүмкүн. Ал эми анын жалбырагын жеп алган учурда ашказан-ичеги оорусу, кусуу жана диарея пайда болушу мүмкүн.Адис ден соолукка зыян келтирип албаш үчүн гүл өстүрүүнүн алдында ал тууралуу толук маалымат алууну сунуштайт. Ошондой эле жаш балдар жете албаган бийик жерге коюш керек. Эгерде уулуу өсүмдүктүн ширеси териге тийип калса, муздак суу менен жууп, андан соң терини спирт менен сүртүп коюу сунушталат.
https://sputnik.kg/20220312/bolmodo-abany-tazalagan-guldor-1062793920.html
Sputnik Кыргызстан
media@sputniknews.com
+74956456601
MIA „Rosiya Segodnya“
2023
Sputnik Кыргызстан
media@sputniknews.com
+74956456601
MIA „Rosiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rosiya Segodnya“
Sputnik Кыргызстан
media@sputniknews.com
+74956456601
MIA „Rosiya Segodnya“
бөлмө, гүл, ден соолук, өсүмдүктөр, медицина
бөлмө, гүл, ден соолук, өсүмдүктөр, медицина
Алоэ, лилия... Ден соолукка зыян делген бөлмө гүлдөрүнүн түрү
Уулуу өсүмдүктүн ширеси териге тийип калган учурда денени муздак суу менен жууп салуу керек.
БИШКЕК, 20-апр. — Sputnik. Кээ бир бөлмө гүлдөрү үйдү кооздоп, кислород менен камсыздагандан сырткары адамга терс таасирин да тийгизиши мүмкүн. Бул тууралуу медицина илимдеринин кандидаты Екатерина Кашух
Доктор Питер басылмасындагы маегинде билдирди.
Адис көпчүлүк жакшы көргөн, бирок үйдө өстүрүүгө сунушталбаган өсүмдүктөрдү санап өттү.
Эл арасында бул өсүмдүктүн дарылык касиети жогору бааланат. Ал күйүк алганда, жара чыкканда же курт-кумурска чаккан учурда колдонулат. Бирок бүгүнкү күндө дарыгерлер бул өсүмдүктү этияттык менен колдонуу керектигин эскертет.
"2011-жылы New Scientist журналына илимий макала жарыяланган. Анда илимпоздор эки жыл бою лабораторияда келемиштерди алоэ менен багып, өсүмдүктүн 1,5 пайыздык экстрактысы бар суу менен азыктандырышкан. Эксперименттин аягында эркек келемиштердин 74 пайызында, ал эми ургаачыларынын 39 пайызында шишик табылган. Андыктан алоэ ширесин рак менен ооругандар ичүүгө болбойт. Мындан тышкары, ал кош бойлуу аялдарга да сунушталбайт", — деп билдирген Екатерина Кашух.
Көз жоосун алган гүлдүн бул түрү негизинен уктоочу жана балдар бөлмөлөрүндө өстүрүлөт. Бирок өсүмдүк бөлүп чыгарган жыт баш оору, баш айлануу, кээде эс-учун жоготууга алып келет.
Спатифиллум же "Аял бактысы" гүлү
Бул өсүмдүк абаны чаңдан жана зыяндуу заттардан тазалап турат. Бирок үйдө бул гүлгө этияттык менен мамиле жасоо керек.
"Спатифиллумдун курамында кальций оксалаты бар, ал адам үчүн уулуу зат. Кокус бул өсүмдүктүн жалбырагын жеп алсаңыз, ооздун былжыр чели жана кызыл өңгөч сезгениши мүмкүн. Андан кийин ич ооруп, жүрөк айлануу, кусуу, диарея да пайда болот", — деп түшүндүрдү Кашух.
Жыл бою үйдү кооздоп турган өсүмдүктүн бул түрү ден соолукка зыян экенин көпчүлүк билбесе керек. Анын ширеси өтө уулуу жана дерматитке (теринин сезгениши) алып келиши мүмкүн. Ал эми анын жалбырагын жеп алган учурда ашказан-ичеги оорусу, кусуу жана диарея пайда болушу мүмкүн.
Адис ден соолукка зыян келтирип албаш үчүн гүл өстүрүүнүн алдында ал тууралуу толук маалымат алууну сунуштайт. Ошондой эле жаш балдар жете албаган бийик жерге коюш керек. Эгерде уулуу өсүмдүктүн ширеси териге тийип калса, муздак суу менен жууп, андан соң терини спирт менен сүртүп коюу сунушталат.
12 Жалган Куран 2022, 19:40
