Путин террордук чабуулдарга Батыштын тиешеси бар экенин айтты
© Sputnik / Сергей Гунеев
/ Жазылуу
Путин белгилегендей, Россиянын жаңы аймактарында кырдаал курч бойдон калууда.
БИШКЕК, 5-апр. — Sputnik. Киев режими Россиянын жаңы аймактарында жашаган жарандарга каршы оор кылмыштарын улантууда. Бул тууралуу РФ президенти Владимир Путин Коопсуздук кеңешинин жыйынында билдирди.
"Бул аймактарда кырдаал курч бойдон калууда. Киев режими ал жакта жашаган карапайым элге каршы оор кылмыштарды жасоону улантууда. Алар эч кимди аяшпайт, шаарларды ракеталык, артиллерия, минометтук чабуулдарга дуушар кылышууда", — деди ал.
Путиндин айтымында, Киев режими мамлекеттик кызматкерлерге жана укук коргоо органдарына, журналисттерге, коомдук ишмерлерге, мектеп жана университеттин мугалимдерине каршы дайыма теракт уюштуруп турат.
"Мындан тышкары, неонацисттер жана алардын шериктери Федерациянын жаңы субъектилеринин аймагында гана эмес, башка аймактарда да кылмыштарды жасашат. Ал эми буга үчүнчү өлкөлөрдүн потенциалы, Батыштын чалгын кызматтары тартылган деп ырастоого толук негиз бар", — деп белгиледи Россиянын президенти.
Путин дагы эмне деди:
неонацисттердин жана алардын колдоочуларынын пропагандасын басуу, ошондой эле калп айткандарды ашкерелөө зарыл;
1-июнга чейин Россия Федерациясынын жаңы аймактарында укук коргоо органдарын жана атайын кызматтарды түзүүнү аяктоо зарыл, жергиликтүү тургундарды укук коргоо органдарына активдүү тартуу керек;
Россиянын бирдиктүү укуктук мейкиндигине жаңы аймактарды мүмкүн болушунча тезирээк интеграциялоо керек;
министрлер кабинети жана ведомстволордун жетекчилери жаңы аймактарда укук коргоо түзүмдөрүн финансылык жактан камсыз кылууну көзөмөлгө алсын.
