https://sputnik.kg/20230330/rajonduk-keneshterdin-keregi-zhok-1074021977.html
Алтыбаева: райондук кеңештерди түзүүнүн кажети жок
Алтыбаева: райондук кеңештерди түзүүнүн кажети жок
Sputnik Кыргызстан
Жогорку Кеңештин V, VI чакырылышынын депутаты, республикалык Аялдар кеңешинин төрайымы Айнуру Алтыбаева райондук кеңештерди түзүүнүн зарылчылыгы жок деп... 30.03.2023, Sputnik Кыргызстан
2023-03-30T15:52+0600
2023-03-30T15:52+0600
2023-03-30T15:52+0600
радио
мыйзам
райондук кеңеш
айнуру алтыбаева
кыргызстан
https://sputnik.kg/img/07e5/08/05/1053447950_0:0:3072:1728_1920x0_80_0_0_6f1bc705ea560ea815a3ff8d4f2be3cf.jpg
Алтыбаева: райондук кеңештерди түзүүнүн кажети жок
Sputnik Кыргызстан
Алтыбаева: райондук кеңештерди түзүүнүн кажети жок
Айылдык кеңештерден делегат болуп келип райондук кеңеш түзүүнүн зарылчылыгы жок. Жалпы республикалык деңгээлде алып карасак, азыркы жүрүп жаткан административдик аймактык реформанын алкагында бул маселе чечилет. Мындай пикирин Айнуру Алтыбаева Sputnik Кыргызстан радиосуна маек куруп жатып билдирди.Анын айтымында, административдик аймактык реформа өз нугунда жүрүүдө.Ал административдик аймактык реформа мезгил талабы болуп жаткандыгын айтып, анын алешемдиктерсиз ишке ашуусуна жапа тырмак киришүү зарылдыгын кошумчалады.Белгилей кетсек, 2021-жылдын декабрында майда маселелерди жеринде чечүү үчүн райондук бюджетти калыбына келтирип, аны бөлүштүрүүчү жана көзөмөлдөөчү орган катары райондук кеңеш түзүү мыйзамы кабыл алынган. Ал үстүбүздөгү жылдын 1-январында күчүнө кирген. Бирок иш жүзүндө аткарылган жок. Райондук кеңештин депутаттарын шайлоо тартиби жана ыйгарым укуктары тууралуу мыйзам жок болгондуктан былтыр 2-сентябрда президент Садыр Жапаров жарлык чыгарып, убактылуу жобону бекиткен. Ага ылайык, 40 райондо 1 297 депутат шайланмак. Бир кеңеште райондогу калктын санына жараша 20дан 60ка чейин депутат отурмак.Учурда Жогорку Кеңештин депутаты Максат Сарыбагышев түзүлө элек райондук кеңештерди кайрадан жоюуну сунуштап, мыйзам долбоорун коомдук талкууга койду.
Sputnik Кыргызстан
media@sputniknews.com
+74956456601
MIA „Rosiya Segodnya“
2023
Sputnik Кыргызстан
media@sputniknews.com
+74956456601
MIA „Rosiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rosiya Segodnya“
Sputnik Кыргызстан
media@sputniknews.com
+74956456601
MIA „Rosiya Segodnya“
мыйзам, райондук кеңеш, айнуру алтыбаева, кыргызстан, аудио
мыйзам, райондук кеңеш, айнуру алтыбаева, кыргызстан, аудио
Алтыбаева: райондук кеңештерди түзүүнүн кажети жок
Жогорку Кеңештин V, VI чакырылышынын депутаты, республикалык Аялдар кеңешинин төрайымы Айнуру Алтыбаева райондук кеңештерди түзүүнүн зарылчылыгы жок деп эсептейт.
Айылдык кеңештерден делегат болуп келип райондук кеңеш түзүүнүн зарылчылыгы жок. Жалпы республикалык деңгээлде алып карасак, азыркы жүрүп жаткан административдик аймактык реформанын алкагында бул маселе чечилет. Мындай пикирин Айнуру Алтыбаева
Sputnik Кыргызстан радиосуна маек куруп жатып билдирди.
Анын айтымында, административдик аймактык реформа өз нугунда жүрүүдө.
"Райондук кеңештерди түзүүнүн зарылчылыгы жок. Анткени учурда өлкөдө административдик аймактык реформа жүрүп жатат. Ал бир нече этап менен келе жатат. Анын алкагында аткарылган иш катары төрт баскычтуу бюджеттен эки баскычтуу бюджетке өткөнүбүздү айтсак болот. Алдыда аймактарды, айыл өкмөттөрдү ирилештирүү каралууда. Андыктан биз учурда кандайдыр бир кадамдарды жасоодо жүрүп жаткан административдик аймактык реформанын алкагында ой жүгүртүүбүз керек. Азыр райондук кеңештерди түзүп алып, бир нече убакыттан кийин баш тартып отурбай, учурда парламентарий сунуштап жаткан мыйзам долбоорун колдоп, райондук кеңештер түзүлө элек кезинде эле ал боюнча мыйзамды жокко чыгарган дурус", — деди Алтыбаева.
Ал административдик аймактык реформа мезгил талабы болуп жаткандыгын айтып, анын алешемдиктерсиз ишке ашуусуна жапа тырмак киришүү зарылдыгын кошумчалады.
Белгилей кетсек, 2021-жылдын декабрында майда маселелерди жеринде чечүү үчүн райондук бюджетти калыбына келтирип, аны бөлүштүрүүчү жана көзөмөлдөөчү орган катары райондук кеңеш түзүү мыйзамы кабыл алынган. Ал үстүбүздөгү жылдын 1-январында күчүнө кирген. Бирок иш жүзүндө аткарылган жок. Райондук кеңештин депутаттарын шайлоо тартиби жана ыйгарым укуктары тууралуу мыйзам жок болгондуктан былтыр 2-сентябрда президент Садыр Жапаров жарлык чыгарып, убактылуу жобону бекиткен. Ага ылайык, 40 райондо 1 297 депутат шайланмак. Бир кеңеште райондогу калктын санына жараша 20дан 60ка чейин депутат отурмак.
Учурда Жогорку Кеңештин депутаты Максат Сарыбагышев түзүлө элек райондук кеңештерди кайрадан жоюуну сунуштап, мыйзам долбоорун коомдук талкууга койду.
