Болжурова: жасалма интеллект мугалим, мектеп керекпи деген суроо жаратууда
© Sputnik / Асель Сыдыкова
Жазылуу
Коомдук жана мамлекеттик ишмер, мурдагы билим берүү министри Ишенгүл Болжурова билим берүү системасы калктын басымдуу бөлүгүнө тийиштүү тармак экенин эске салды.
Билим берүү тармагындагы реформаларды чебердеп жасоо зарыл. Бул тууралуу Ишенгүл Болжурова Sputnik Кыргызстан радиосуна маек куруп жатып билдирди.
Болжурова: жасалма интеллект мугалим, мектеп керекпи деген суроо жаратууда
Анын айтымында, билим системасындагы реформалардын натыйжасы 10 жылдан кийин билинет.
"Билим берүү системасы окуучу, мугалим, ата-эне жана башка катыштыгы барларды кошкондо калктын дээрлик көпчүлүгүнө тиешелүү тармак. Бул багытта жасалган реформанын натыйжасы 10 жылдан кийин, тактап айтканда, мектепке кирген балдар аны аяктаганда гана билинет. Андыктан реформаны чебердеп жасоо зарыл. Учурда "санарип балдар" мурдагылардан кескин айырмаланат. Азыр айрым окуучулар интернет аркылуу изденип, мугалимден көп билип алышууда. Салыштыруу үчүн мурдагы жай сюжет кубалап кете бере турган мультфильмдерди карап көрөлү. Ошону көрүп, кабыл алчубуз. Азыркылар мүнөттүн ичинде бир нече сюжет алмашкан мультфильмди көрүп, түшүнүп кабыл алышууда. Аны улуу муундагылар түшүнбөй калышы ыктымал. Маалыматты абдан ыкчам кабыл алган муун калыптанып жатат. Аларга кандай мамиле жасалып, кандай билим берилиши керек? Учурдагы балдар жасалма интеллект аркылуу билим алышууда. Мындай жагдайда мугалим, мектеп керекпи деген суроо жаралат. Башкача айтканда, билим системасында коом аябай көптөгөн суроолорго жооп таба албай турат. Пандемиядан улам киргизилген аралыктан окуу дагы билим берүү системасын кыйла өзгөртүүгө даярдык катары болуп калышы ыктымал. Ошондуктан дүйнөлүк коомчулук классикалык билим берүү калабы деген суроонун айланасында ойлонуусу абзел", — деди Болжурова.
Ошондой эле ал учурда билим берүүдө чек ара жоюлганын кошумчалады.
