Түркияда зилзаладан көз жумгандардын саны 16 миңден ашты

© AFP / BULENT KILICТүркиядагы жер титирөөдөн кийин аман калган аял куткаруучулардын фонунда
Түркиядагы жер титирөөдөн кийин аман калган аял куткаруучулардын фонунда  - Sputnik Кыргызстан, 1920, 09.02.2023
Жазылуу
Жер титирөөдөн жабыркаган провинцияларга өзгөчө абал режими киргизилген.
БИШКЕК, 9-фев. — Sputnik. Түркияда улам кайталанган жер титирөөнүн кесепетинен көз жумгандардын саны 16 546га жетти. Бул тууралуу өлкөнүн президенти Режеп Тайип Эрдоган билдиргенин РИА Новости жазды.
Буга чейин 12 миңдей адам каза таап, 66 миңден ашуун адам жаракат алганы айтылган.
6-февраль күнү эртең менен Түркиянын түштүк-чыгышында магнитудасы 7,7ге жеткен жер титирөө болгон. Эрдогандын айтымында, бул 1939-жылдан берки эң катуу зилзала болду.
Өлкөдө жети күндүк улуттук аза күтүү жарыяланган. Жабыркаган ондогон провинцияга үч айга өзгөчө абал режими киргизилген.
Түркиядагы зилзаланын эпкини Сирияга да тийди. Соңку маалыматтар боюнча, 3 миңден ашуун киши каза таап, 2 миңден көп адам жаракат алды.
Көчмө оорукананы орнотуу. Архив - Sputnik Кыргызстан, 1920, 09.02.2023
Кыргызстан Түркияга 100 боз үй жана медициналык буюмдарды жөнөтөт
Жаңылыктар түрмөгү
0