УКМК: Кеминде мугалимдердин эсеби аркылуу 10 млн. сом уурдалган

© Sputnik / РИА НовостиБанктагы аял. Архив
Банктагы аял. Архив - Sputnik Кыргызстан, 1920, 17.01.2023
Жазылуу
Финансы министрлигинин адистери кылмышка шектүүлөр 10 миллион сом зыян келтиргенин аныктаган.
БИШКЕК, 17-янв. — Sputnik. Улуттук коопсуздук мамлекеттик комитети Кемин райондук билим берүү бөлүмүндө бюджеттик акчаны чыгарып алуу жана уурдоо боюнча туруктуу схема аныкталгандыгын билдирди.
Атайын кызматтын маалыматы боюнча, бул схема 2016-жылдан бери иштеп келген.
"Кызмат адамдары алыскы орто мектептердин мугалимдерине билдирбестен банктык эсептерди ачышкан. Алар көрсөтүлгөн кызматтары үчүн төлөм деген шылтоо менен бул эсептер аркылуу акча которуп, накталай акчаны башкы бухгалтер Д.М. менен эсепчи К.Э. банкоматтардан чыгарып турган", — деп айтылат маалыматта.
Финансы министрлигинин адистери текшерүү жүргүзүп, 10 миллион сомдук зыян келтирилгенин аныктаган.
Аталган факты боюнча Кылмыш-жаза кодексинин "Кызматтык абалынан кыянаттык менен пайдалануу" беренеси менен иш козголуп, тергөө-ыкчам иш-чаралары жүргүзүлүүдө.
Башкы прокурордун биринчи орун басары Абай Молдокматов. Архив - Sputnik Кыргызстан, 1920, 17.01.2023
Башкы прокурордун биринчи орун басары алмашты
Жаңылыктар түрмөгү
0