Караколдун төрөт үйүндө жыл башынан бери 6 ымыркай чарчап калды. Иликтөө башталды

© Sputnik / Павел Львов / Медиабанкка өтүүТөрөт үйүндөгү ымыркай. Архив
Төрөт үйүндөгү ымыркай. Архив - Sputnik Кыргызстан, 1920, 17.01.2023
Жазылуу
НовостиTelegram
Комиссия мүчөлөрү тарабынан перинаталдык өлүмдүн бардык учурлары талданууда. Азыр оорукана дезинфекциялык иш-чаралар үчүн жабылды.
БИШКЕК, 17-янв. — Sputnik. Караколдо жайгашкан облустук бириккен оорукананын төрөт бөлүмүндө жыл башынан бери алты ымыркай чарчап калган. Бул тууралуу Саламаттык сактоо министрлиги кабарлады.
Маалыматта Саламаттык сактоо министрлиги тез арада перинатология боюнча алдыңкы адистердин курамынан турган комиссия түзүп, Ысык-Көл облустук бириккен ооруканасынын төрөт бөлүмүнө жөнөткөнү айтылат. Акыркы учур 15-январда катталып, оорукананын директору Мирбек Сагынбаев ээлеген кызматынан убактылуу бошотулган.
"Комиссия мүчөлөрү тарабынан перинаталдык өлүмдүн бардык учурлары талданууда. Жакынкы арада бул иштер ымыркайлардын өлүмүн азайтуу боюнча Ыкчам штабда жеринен каралып, тиешелүү чаралар көрүлөт", — деп айтылат маалыматта.
Учурда Ысык-Көл облустук бириккен ооруканасынын төрөт үйү дезинфекциялык иш-чаралар үчүн жабылды. Бардык кош бойлуулар жана төрөт учурундагы аялдар Ак-Суу райондук жалпы дарыгерлик практика борборунун төрөт бөлүмүнө жөнөтүлүүдө. Керектүү дары-дармектер жана медициналык буюмдар жетиштүү.
Жагдай Саламаттык сактоо министрлигинин өзгөчө көзөмөлүндө экени айтылды.
Дарыгерлер. Архив - Sputnik Кыргызстан, 1920, 05.01.2023
Баланын өлүмү боюнча кармалган беш дарыгер үй камагына чыгарылды
Жаңылыктар түрмөгү
0