Радиостудия Sputnik Кыргызстан в Бишкеке - Sputnik Кыргызстан, 1920
Радио

Бакытбек кызы: өлкө боюнча этноборборлорду түзүү пландалууда

© Sputnik / Асел АкматМаданият, маалымат, спорт жана жаштар саясаты министрлигинин өкүлү Кызжибек Бакытбек кызы
Маданият, маалымат, спорт жана жаштар саясаты министрлигинин өкүлү Кызжибек Бакытбек кызы - Sputnik Кыргызстан, 1920, 11.01.2023
Жазылуу
Маданият, маалымат, спорт жана жаштар саясаты министрлигинин өкүлү Кызжибек Бакытбек кызы аймактардагы кол өнөрчүлөргө өзгөчө көңүл буруу керектигин айтты.
Республика боюнча этноборборлорду түзүү Маданият, маалымат, спорт жана жаштар саясаты министрлигинин 2023-жылдагы иш планына киргизилди. Бул тууралуу Кызжибек Бакытбек кызы Sputnik Кыргызстан радиосунун эфиринде маек куруп жатып билдирди.
Бакытбек кызы: өлкө боюнча этноборборлорду түзүү пландалууда
Анын айтымында, этноборборлор кол өнөрчүлүктүн муундан-муунга өтүшүнө зор салым кошмокчу.
"Өлкө боюнча этноборборлорду түзүү биздин министрликтин бул жылдагы иш планына киргизилди. Бул максат ишке ашып калса кол өнөрчүлөр үчүн мыкты болмок. Анткени алардын башын бириктирген жайлар жокко эсе. Өзгөчө региондогу таланттуу чеберлер буга абдан муктаж. Азыркы кезде этноборборлорду маданий үйлөрдүн ичинде уюштурууну туура көрдүк. Ошондой эле аймактардан кол өнөрчүлүк боюнча сабактарды жана ийримдерди көп сурашат. Мурун мектептерде чеберчилик боюнча жумасына эки жолу сабак өткөрүлүп келген болсо, учурда бир эле жолу өтүлөт. Бул боюнча Билим берүү жана илим министрлиги менен сүйлөшүүнү көздөп жатабыз. Эгер жумасына эки жолу өтүлүп, андан сырткары, ийримдерди да уюштурсак көптөгөн кыз-келиндердин талантын ачууга салым кошмокпуз. Буюрса, быйыл жылдын аягына чейин этноборборлор боюнча планыбыз ишке ашат", — деди Бакытбек кызы.
Ал алдыда кол өнөрчүлөрдү колдоо максатында мамлекеттик жана дүйнөлүк иш-чараларды уюштуруу пландалып жатканын да кошумчалады.
Жаңылыктар түрмөгү
0