Акылбек Жапаров Сокулуктун акимин кызматтан алууну сунуштады

© Фото / пресс-служба кабинета министров КР / Эргеш ЖусубалиевМинистрлер кабинетинин төрагасы Акылбек Жапаров Чүй облусунун Сокулук районундагы мал базардын абалы менен таанышуу учурунда
Министрлер кабинетинин төрагасы Акылбек Жапаров Чүй облусунун Сокулук районундагы мал базардын абалы менен таанышуу учурунда - Sputnik Кыргызстан, 1920, 09.01.2023
Жазылуу
НовостиTelegram
Акылбек Жапаров облус башчыларына жанына резина өтүк алып дем алыш күндөрү мал базарларды кыдырып чыгууну тапшырды.
БИШКЕК, 9-янв. — Sputnik. Министрлер кабинетинин төрагасы Акылбек Жапаров Сокулук районунун акими Курбанбек Айтибаевди кызматтан алуу боюнча сунуш киргизди. Бул тууралуу өкмөттөн билдиришти.
Маалым болгондой, бүгүн Жапаров өлкөнүн аймактарындагы мал базарлардын абалы боюнча кеңешме өткөргөн.
“Бүгүн эртең менен Сокулук районундагы мал базарда болдум, анда сатуучуларга да, сатып алуучуларга да жөнөкөй да шарттар түзүлгөн эмес. Президентке Сокулук районунун акими Курбанбек Айтибаевди ээлеген кызматынан бошотуу, ошондой эле президенттин Чүй облусундагы ыйгарым укуктуу өкүлү Нурил Алымбаевге сөгүш жарыялоо тууралуу сунуш киргизем”, — деген Жапаров.
Ал ошондой эле бир жыл мурда эле бардык мал базарлар иретке келтирилүүгө тийиш болгонун кошумчалады.
Андан соң президенттин облустардагы ыйгарым укуктуу өкүлдөрү мал базарларды иретке келтирүүдө аткарылган иштер боюнча маалымат беришкен.
“Жаныңарга резина өтүк алып, дем алыш күндөрү мал базарларды кыдырып чыгыңыздар. Республиканын тургундарынын жарымынан көбү мал чарбачылыгы менен алектенет. Алар үчүн ыңгайлуу шарттарды түзүп бериңиздер. Тийиштүү чара көрүп, жыйынтыгын элге көрсөтүңүздөр, сиздердин кандай иштеп жаткандыгыңыздарды ар бир адам сезсин”, — деген Жапаров.
Андан соң министрлер кабинетинин башчысына Сокулук районунун мал базарын иретке келтирүү боюнча иштердин жүрүшү көрсөтүлгөн. Учурда соода жүргүзүлүүчү аянты тегизделүүдө жана шагыл-кум аралашмасы төшөлүп жатат.
“Бул иш өткөн жылы жасалууга тийиш эле. Болгону маселени көзөмөлгө алуу керек болчу. Мындай иш болбойт. Бул облустун ыйгарым укуктуу өкүлүнө акыркы эскертүү”, — деген Жапаров.
Министрлер кабинетинин төрагасы Акылбек Жапаров Чүй облусунун Сокулук районундагы мал базардын абалы менен таанышты - Sputnik Кыргызстан, 1920, 09.01.2023
Сокулукка жаңы мал базар салынат. Долбоорду Акылбек Жапаров көрдү
Жаңылыктар түрмөгү
0