Кийинки жумада суук түшөт. Төрөбаев энергетиктерге тапшырма берди

© Sputnik / Абзал Калиев / Медиабанкка өтүүКар бороонунда кыз көчөдө бара жатат. Архив
Кар бороонунда кыз көчөдө бара жатат. Архив - Sputnik Кыргызстан, 1920, 06.01.2023
Жазылуу
Аткаминер жылытуу мезгилинде электр кубатын үзгүлтүксүз берүү зарылчылыгын айткан.
БИШКЕК, 6-янв. — Sputnik. Келерки аптадан тартып аба ырайы кескин өзгөрүп, суук болушу күтүлүүдө. Бул тууралуу министрлер кабинетинин төрагасынын орун басары Бакыт Төрөбаев энергетиктер менен болгон кеңешмеде билдирди.
Өкмөттүн маалымат кызматы билдиргендей, Төрөбаев энергетика министри Таалайбек Ибраевге жылытуу мезгилинде электр энергиясын үзгүлтүксүз берүү тапшырмасын берген.
Ошондой эле өлкөнүн жети облусундагы бардык электр тармактары ишканалары алдыда күтүлүп жаткан суукка даяр туруу керектигин белгилеген.
© Фото / пресс-служба кабинета министров КР / Эргеш ЖусубалиевЗаместитель председателя кабинета министров Бакыт Торобаев
Заместитель председателя кабинета министров Бакыт Торобаев - Sputnik Кыргызстан, 1920, 06.01.2023
"Келерки аптадан тартып аба ырайы кескин өзгөрүшү күтүлүүдө. Андыктан бүгүндөн тартып Кыргызстандын бардык электр тармактары ишканалары ар түрдүү чыңалуудагы көмөк чордондордун жана электр чубалгыларынын ишенимдүү иштөөсүн дыкат көзөмөлгө алыңыздар", — деди Төрөбаев.
Мындан тышкары, ал акылдуу электр эсептегичтерди көбөйтүү зарылдыгын билдирип, муну менен электр кубатынын жоготууларынын алдын алууга жана азайтууга болорун айткан.
Бишкектин четиндеги тоолордо кишилер баллондор менен жүрүшөт - Sputnik Кыргызстан, 1920, 05.01.2023
Мынчалык кар жаай элек эле! Сейилдеген, муз тепкен, эс алган кыргызстандыктар
Жаңылыктар түрмөгү
0