https://sputnik.kg/20230102/ozbekstan-dok-1-maks-baldar-kaza-boldu-shavkat-mirzieyov-1071708666.html
Өзбекстанда дарыдан 19 баланын каза болушу. Мирзиёев аткаминерди иштен алды
Өзбекстанда дарыдан 19 баланын каза болушу. Мирзиёев аткаминерди иштен алды
Sputnik Кыргызстан
Өзбекстанда КРВИге каршы "Док-1 Макс" дары каражатын колдонгондон кийин 19 бала каза болгондугу маалымдалган. Дары Индияда чыгарылган. 02.01.2023, Sputnik Кыргызстан
2023-01-02T13:50+0600
2023-01-02T13:50+0600
2023-01-02T13:50+0600
дүйнөдө
өзбекстан
дары
акча каражаты
балдар
өлүм
https://sputnik.kg/img/07e6/07/06/1065869678_0:80:1280:801_1920x0_80_0_0_00a756d21260da1ef6e8ebbd9d3de74d.jpg
БИШКЕК, 2-янв. — Sputnik. Өзбекстандын президенти Шавкат Мирзиёев КРВИге каршы дары каражатынан 19 баланын каза болгондугуна байланыштуу Фармацевтикалык тармакты өнүктүрүү боюнча агенттиктин жетекчиси Сардор Кариевди кызматынан бошотту. Бул тууралуу президенттин маалымат катчысы Шерзод Асадов Телеграмм-каналына жазып, Мирзиёев бул кырдаалды катуу сынга алганын белгиледи.Кариев агенттикти 2019-жылдан бери жетектеп келген. Ага чейин ал Jurabek Laboratories дары-дармек компаниясын 15 жыл башкарган.КРВИге каршы "Док-1 Макс" дары каражатынан 18 бала каза болгондон кийин Өзбекстан Республикасынын мамлекеттик коопсуздук кызматы кылмыш ишин козгогон болчу. Күнөөлүүлөр аныкталса 18 жылга чейин эркинен ажыратылышы мүмкүн.Бул окуя боюнча дары каражатын импорттогон тараптын өкүлдөрү жана "Дары каражаттарын стандартташтыруу илимий борбору" ЖЧКсынын кызматкерлери кармалган. Тергөө иштеринин алкагында өткөн изилдөөлөр балдарга чыгарылган бул каражатта уулуу этиленгликоль бар экендигин аныктаган. Бул зат микроскопиялык дозада гана колдонулат. Ал негизинен жардыруучу заттарды, автоунаанын кыймылдаткычтары үчүн антифриздерди, айнек жуучу каражаттарды, айрым желим буюмдарды даярдоого колдонулары белгилүү болгон.29-декабрда Кашкар-Дарыя облустук прокуратурасы "Док-1 Макс" каражатынан дагы бир бала каза болгондугун маалымдаган. Муну менен каза болгон балдардын саны 19га жеткен.Sputnik Өзбекстан агенттигинин маалыматына ылайык, Индия өкмөтү "Док-1 Макс" дарысын өндүргөн Marion Biotech ишканасы боюнча иликтөө иштерин баштаган. Иликтөө иштерин Уттар-Прадеш штатынын Баңгизаттардын үстүнөн көзөмөл жүргүзүү жана лицензиялаштыруу башкармалыгы жүргүзүп жатат. Мекеме Өзбекстан өкмөтүнөн каза болгон балдар тууралуу маалыматтарды сураган.
https://sputnik.kg/20221228/ozbekstan-baldar-olumu-kylmysh-ishi-1071538706.html
өзбекстан
Sputnik Кыргызстан
media@sputniknews.com
+74956456601
MIA „Rossiya Segodnya“
2023
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
дүйнөдө, өзбекстан, дары, акча каражаты, балдар, өлүм
дүйнөдө, өзбекстан, дары, акча каражаты, балдар, өлүм
Өзбекстанда дарыдан 19 баланын каза болушу. Мирзиёев аткаминерди иштен алды
Өзбекстанда КРВИге каршы "Док-1 Макс" дары каражатын колдонгондон кийин 19 бала каза болгондугу маалымдалган. Дары Индияда чыгарылган.
БИШКЕК, 2-янв. — Sputnik. Өзбекстандын президенти Шавкат Мирзиёев КРВИге каршы дары каражатынан 19 баланын каза болгондугуна байланыштуу Фармацевтикалык тармакты өнүктүрүү боюнча агенттиктин жетекчиси Сардор Кариевди кызматынан бошотту. Бул тууралуу президенттин маалымат катчысы Шерзод Асадов
Телеграмм-каналына жазып, Мирзиёев бул кырдаалды катуу сынга алганын белгиледи.
"Самарканд менен Кашкар-Дарыядагы балдардын өлүмү бул аймактарда көзөмөлдүн жоктугун көрсөттү. Мен фармацевтикалык агенттиктин башчысы Кариевди кызматтан алдым. Буга күнөөлүүлөрдүн баары мыйзам алдында жооп берет", — деген президент.
Кариев агенттикти 2019-жылдан бери жетектеп келген. Ага чейин ал Jurabek Laboratories дары-дармек компаниясын 15 жыл башкарган.
КРВИге каршы "Док-1 Макс" дары каражатынан 18 бала каза болгондон кийин Өзбекстан Республикасынын мамлекеттик коопсуздук кызматы кылмыш ишин козгогон болчу. Күнөөлүүлөр аныкталса 18 жылга чейин эркинен ажыратылышы мүмкүн.
Бул окуя боюнча дары каражатын импорттогон тараптын өкүлдөрү жана "Дары каражаттарын стандартташтыруу илимий борбору" ЖЧКсынын кызматкерлери кармалган. Тергөө иштеринин алкагында өткөн изилдөөлөр балдарга чыгарылган бул каражатта уулуу этиленгликоль бар экендигин аныктаган. Бул зат микроскопиялык дозада гана колдонулат. Ал негизинен жардыруучу заттарды, автоунаанын кыймылдаткычтары үчүн антифриздерди, айнек жуучу каражаттарды, айрым желим буюмдарды даярдоого колдонулары белгилүү болгон.
29-декабрда Кашкар-Дарыя облустук прокуратурасы "Док-1 Макс" каражатынан дагы бир бала каза болгондугун маалымдаган. Муну менен каза болгон балдардын саны 19га жеткен.
Sputnik Өзбекстан агенттигинин маалыматына ылайык, Индия өкмөтү "Док-1 Макс" дарысын өндүргөн Marion Biotech ишканасы боюнча иликтөө иштерин баштаган. Иликтөө иштерин Уттар-Прадеш штатынын Баңгизаттардын үстүнөн көзөмөл жүргүзүү жана лицензиялаштыруу башкармалыгы жүргүзүп жатат. Мекеме Өзбекстан өкмөтүнөн каза болгон балдар тууралуу маалыматтарды сураган.
28 Бештин айы 2022, 10:28
