Окумуштуулар топтошуп ырдоо инсульттан арылууга жардам берерин аныкташты

© Sputnik / Алексей Мальгавко / Медиабанкка өтүүКараокеде ырдоо. Архивдик сүрөт
Караокеде ырдоо. Архивдик сүрөт - Sputnik Кыргызстан, 1920, 02.01.2023
Жазылуу
Окумуштуулар топ болуп ырдоо терапиясын реабилитация программасына киргизүү керектигин айтышкан.
БИШКЕК, 2-янв. — Sputnik. Топ болуп ырдоо инсульт менен ооругандардын сүйлөө жөндөмүн калыбына келтирүүгө жардам берерин Science Daily басылмасы жазды.
Инсульт менен ооруган адамдардын 40 пайызга жакыны афазиядан жабыркайт. Бул — оозеки же жазуу тилин түшүнүү же сүйлөө кыйынчылыгы жана мээдеги кан айлануунун бузулушу. Афазия инсульттан кийин адамдардын жашоо сапатына кеңири таасир этет жана оңой эле социалдык обочолонууга алып келет.
Окумуштуулар бул ыкма инсульттун өнөкөт фазасында да коммуникация көндүмдөрүн жана сүйлөө жөндөмүн жакшыртарын, ошондой эле бейтаптарды карагандардын психологиялык абалын жеңилдетерин аныкташкан.
Изилдөөдө хор, мелодиялык интонация терапиясы жана планшеттин жардамы менен ырдоону үйрөтүү сыяктуу ырдоо элементтери кеңири колдонулган.
Реабилитациялык сеанстарды даярдалган музыкалык терапевт жана хор дирижеру өткөрүшкөн. Окумуштуулар бардык ыкмалардын майнаптуулугун белгилеп, реабилитациялык программага топтук ырдоо терапиясын киргизүү керектигин айтышкан.
Бейтаптын жанында отурган дарыгер. Архив - Sputnik Кыргызстан, 1920, 21.12.2022
Боорун май баскан адам кенебей жүрө берип инфаркт, инсультка кабылат. Маек
Жаңылыктар түрмөгү
0