Шойгу Россия армиясын реформалоону сунуштады
21:21 21.12.2022 (Жаңыртылды: 22:03 21.12.2022)
© POOL
/ Жазылуу
Путин Шойгунун Россиянын Куралдуу күчтөрүндө мындан аркы структуралык өзгөртүүлөр боюнча сунуштарына макул болду.
БИШКЕК, 21-дек. — Sputnik. Россиянын коргоо министри Сергей Шойгу орус армиясын реформалоо боюнча бир катар чараларды сунуштады.
Алар:
аскерге чакыруу курагын 18 жаштан 21 жашка чейин акырындык менен жогорулатуу жана чекти 30 жашка чейин көтөрүү;
жарандардын арызы боюнча кызматка кирген биринчи күндөн тартып контракт боюнча аскердик кызматка кирүү мүмкүнчүлүгүн камсыз кылуу;
куралдуу күчтөрдүн санын 1,5 миллион аскер кызматчысына, анын ичинде 695 миң контракттык аскер кызматчысына чейин көбөйтүү;
НАТОнун чек арага жакын жерде согуштук потенциалды түзүүгө умтулуусун эске алуу менен Россиянын түндүк-батышына аскерлердин группасын түзүү боюнча чараларды көрүү;
Куралдуу күчтөрдүн кызматтарынын составын жана структурасын өркүндөтүүнү улантуу, кошуундарды даярдоо жана пайдалануу үчүн башкы командалардын жоопкерчилигин жогорулатуу;
2023-жылы орус армиясынын ыкчам жана күжүрмөн даярдыгы боюнча иш-чараларда НАТОнун Чыгышка кеңейүүсүнө байланыштуу коркунучтарга басым жасалат.
Путин Шойгунун Россиянын Куралдуу күчтөрүндөгү мындан аркы структуралык өзгөрүүлөргө байланыштуу сунуштарына макул экенин билдирди.
“Куралдуу күчтөрдө мындан аркы түзүмдүк өзгөртүүлөр боюнча сунуштарыңызга кошулам, коллегияда талкуулангандан кийин отчет бериңиз, бул тууралуу да кеңири сүйлөшөбүз”, - деди президент.
