Банктык сырды ачуу, бирдиктүү режим. Салык мыйзамдарын өзгөртүү сунушталууда
© Sputnik / Владимир Баранов
/ Жазылуу
Долбоор ак ниет атаандаштык үчүн шарт түзүүгө жана көмүскө экономиканы кыскартууга багытталганы белгиленди.
БИШКЕК, 20-дек. — Sputnik. "Салык салуу чөйрөсүндөгү КРдин айрым мыйзам актыларына өзгөртүүлөрдү киргизүү жөнүндө" мыйзам долбоору боюнча парламенттик угуу өтүп жатат.
Жыйында баяндама жасаган экономика министри Данияр Амангелдиев демилге ишкердик субъектилерге жагымдуу климат түзүүгө багытталган чараларды карап, ак ниет атаандаштык үчүн шарт түзүүгө жана көмүскө экономиканы кыскартууга багытталганын билдирди.
Төмөнкү негизги ченемдер сунушталат:
салыктык башкарууну жакшыртуу максатында банктар тарабынан салык төлөөчүнүн, башкача айтканда, жөнөкөй жарандардын эсептеринде чагылдырылган операциялар боюнча Салык кызматына маалыматтарды берүү;
ККМди колдонууда товарларды, жумуштарды, кызмат көрсөтүүлөрдү сатуудан түшкөн акчанын жылдык көлөмү 8 миллион сомго чейин жеткен жеке ишкерлерди салык төлөөдөн бошотуу;
түшкөн акчанын көлөмүн чектебестен бирдиктүү салыктын негизинде режимди кеңейтүү, ошондой эле патенттин ордуна чакан жана орто бизнес үчүн бирдиктүү салыктын ставкасын 30 миллион сомго чейин азайтуу — 0,5 пайыз, 30 миллиондон 50 миллион сомго чейин — 1 пайыз;
патенттик системаны оптималдаштыруу максатында соода үчүн патенттерди 2024-жылдын 1-январынан кийин жарактан чыгаруу;
ККМди колдонууда айып пулдардын өлчөмүн азайтуу, эгер 15 күндүн ичинде төлөсө, айыптардын өлчөмү 70 пайызга кыскартылат. Биринчи мыйзам бузуу үчүн эскертүү, экинчисинде жеке жактарга 500, юридикалык жактарга 5000 сом, үчүнчүсүндө 3000 жана 13 000 сом айып пул салынат;
бирдиктүү салык субъектилери үчүн камсыздандыруу төгүмдөрүнүн өлчөмүн 1900дөн 800 сомго чейин, башкача айтканда, патенттегидей азайтуу;
коомдук тамактануу чөйрөсүндө, IT тармагында, креативдүү индустрияда, туристтик тармакта салык төлөөчүлөр үчүн бирдиктүү салык боюнча ставканы төмөндөтүү;
накталай эмес эсептешүүлөрдө сатуудан алынчу салыктын 0 пайыздык ставкасынын мөөнөтү узартылат. Салык кодекси боюнча, 2023-жылдын 1-январынан тарта сатуудан салык алына баштамак.
2022-жылдын 1-январына чейин айыл чарба өндүрүүчүлөрүн эсептик каттоону жүргүзүү жана үлүштүк курулуш келишимдери түзүлгөн учурда накталай эмес эсептешүүлөрдө 0 пайыздык ставканын мөөнөтү 2024-жылга чейин узартылат;
министрлер кабинети тарабынан аныкталган тизме боюнча ата мекендик өндүрүштү салыктардан бошотуу.
29 Жетинин айы 2022, 18:18
