Ыбырай Туманов, Эркесары Бекбасаров, Абдылас Малдыбаев. Таберик сүрөт
20:10 30.11.2022 (Жаңыртылды: 09:32 01.12.2022)
Жазылуу
Sputnik Кыргызстан маалымат агенттиги архивде сакталып жаткан сейрек сүрөттөрдү жарыялап, тарыхын баяндайт.
© Фото / Центральный государственный архив кинофотофонодокументов КР
Белгилүү комузчу Эркесары Бекбасаров, Кыргыз ССРинин композиторлор союзунун төрагасы Абдылас Малдыбаев жана комузчу Ыбырай Тумановдун сүрөтү 1961-жылы Фрунзе (азыркы Бишкек) шаарында тартылган.
Кыргыз композиторлорунун III съезди уюштурулуп, алардын башында композитор Абдылас Малдыбаев турган. Уулу Болот Малдыбаев сүрөттөгү инсандарды мындайча эскерет:
"Ыбырай Тумановду көрүп калдым. Атам көптөгөн комузчуларды композиторлор союзуна алган. Ал кезде элдик музыканттарды мүчө кылып кабыл алышчу эмес. Атам комузчулар кыргыздын накта музыканттары деп болбой киргизип алган эле. Арасында Карамолдо Орозов, Ыбырай Туманов, Муса Баетов бар. Жаш Акмат Аманбаев, Мукаш Абдраевди согуштан алып калган. Ошол маалда жазуучулардын көбү кан майданга кетип калып, айрымдары ал жактан кайтпай калган. Негизи кыргыздын композитор, комузчу, обончулары арасында ынтымак күчтүү эле. Алардын көбүнүн үйү бири-бирине жакын болгондуктан бат-баттан катташып турчу. Атам Осмонкул Бөлөбалаев, Алымкул Үсөнбаев, Атай Огонбаев, Муса Баетов, манасчы Саякбай Каралаев менен да жылуу мамиледе эле. Андан сырткары, Иса Ахунбаев, Зыфар Игембердиев, Аалы Токомбаев, Жусуп Турусбеков, Касымалы Жантөшев, Касымалы Баялинов, Кусеин Карасаев менен да катышкан", — деди Малдыбаев.
Ал жылы Эркесары Бекбасаров 77, Абдылас Малдыбаев 55, Ыбырай Туманов 73 жашта болгон.
Тема боюнча:
