Кеңседе жылуу бут кийим кийбеңиз! Дарыгер кесепетин айтты

© Фото / Pexels / Ron LachКеңседеги жумушчулар. Иллюстративдик сүрөт
Кеңседеги жумушчулар. Иллюстративдик сүрөт - Sputnik Кыргызстан, 1920, 06.11.2022
Жазылуу
Кышкы жана күзгү бут кийимдер суукта жүрүүгө ылайыкташкан. Ошондуктан аны суукка, эшикке чыкканда гана кийиш керек.
БИШКЕК, 6-ноя. — Sputnik. Эгер кеңседе, жылуу имараттын ичинде иштесеңиз, бир күн бою кышкы бут кийим менен жүрүү зыян. Бул тууралуу жалпы практика дарыгери Елена Горина айтып, алмаштырып турганга башка да бут кийим салып алууну сунуштаганын "Известия" басылмасы жазды.
Дарыгер белгилегендей, кышкы жана күзгү бут кийимдер суукта жүрүүгө ылайыкташкан. Ошондуктан аны суукка, эшикке чыкканда кийиш керек. Аны бир күн кечке имараттын ичинде кийип жүрүү ыңгайсыз, ден соолукка да зыян.
"Жылуу бут кийим менен имараттын ичинде бут тердеп кетет. Бул ар кандай патогендик микроорганизмдердин өрчүүсүнө шарт түзүп, грибок ооруларынын пайда болушун шарттайт", — деген Горина.
Анын айтымында, имараттын ичинде жылуу бут кийим менен жүргөн учурда бут тердеп, суукта сыртка чыкканда кайра муздап, жыйынтыгында адам тумоолоп калышы ыктымал.
Дарыгер суукта имараттын ичине "дем ала тургандай", тердебегендей бут кийимге басым жасоо маанилүү экендигин эскерткен.
Медицина илимдеринин кандидаты, КММАнын тери-венерология кафедрасынын ассистенти Наби Ахмедов - Sputnik Кыргызстан, 1920, 03.11.2022
Радио
Ахмедов: вирустук инфекциялар дагы тери ооруларын пайда кылат
Жаңылыктар түрмөгү
0