Аз кыймылдоо он жылдан кийин дүйнөнү кандай коркунучтарга кептээри айтылды

© Фото / Pexels/ Ivan SamkovКомпьютерде иштеп жаткан кыз. Архив
Компьютерде иштеп жаткан кыз. Архив - Sputnik Кыргызстан, 1920, 21.10.2022
Жазылуу
НовостиTelegram
Дүйнөлүк саламаттык сактоо уюму мамлекеттерди жарандарына спорт менен машыгып, кыймылда болушуна шарт түзүп берүүгө чакырды.
БИШКЕК, 21-окт. — Sputnik. Адамдын аз кыймылдоосу — дүйнөлүк глобалдуу көйгөй. Бул тууралуу Бүткүл дүйнөлүк саламаттык сактоо уюмунун докладында жазылган.
Ага ылайык, 2020-жылдан 2030-жылга чейин аз кыймылдуулукка байланыштуу кеминде 500 миллион жугуштуу эмес оорулардын жаңы учуру катталышы мүмкүн. Анын 47 пайызы гипертониядан келип чыккан оорулар болсо, 43 пайызы депрессия козгогон оорулар болот.

"Эгерде жер жүзүндөгү адам күнүмдүк жашоосунда кыймыл-аракетти көбөйтпөсө жүрөк оорулары, ашыкча семирүү, диабет, депрессия жана башка илдеттердин эпидемиясы коркунучу бар. Жаралган көйгөй менен күрөшүүгө дүйнөлүк экономикадан 300 миллиард доллар коротулат. Эксперттер оорулардын каптоосунан көбүнчө киреше булагы төмөн жана орто өлкөлөр көп азап чегерин, кирешеси көп өлкөлөр жарандарын дарылатууга өлкө бюджетинен ири суммадагы каражат корото тургандыгын божомолдошууда", — деп жазылат ДСУнун маалыматында.

Мына ушундай оор кесепеттүү абалга кептелбөө үчүн ДСУ мамлекеттердин өкмөттөрүн парктарга чуркаганга ылайыктуу жолдорду, велосипед тепкендер үчүн тротуарларды салып, үйдүн короолоруна спорттук аянтчаларды куруп, айтор, ушул өңдүү аракеттер менен жарандарынын саламаттыгына кам көрүшүнө чакырат.
"Мындан тышкары, өзү каалаган убакытта спорт менен машыгууга убактысы, шарты жоктор — дарыгерлер, медайымдар, студенттер, кары-картаңдарды, ден соолугунун мүмкүнчүлүгү чектелгендерди карап отурган адамдар, колунда кичинекей баласы бар аялдар үчүн өзүнчө бир программа иштеп чыгуу маанилүү. Мисалы, Россияда пандемия учурунда спорттун ар кандай түрлөрү боюнча видеосабактар, онлайн-машыгуулар популярдуу болгон", — деген Дүйнөлүк саламаттык сактоо уюмунан.
ДСУ белгилегендей, пандемия активдүү кыймылдын маанилүүлүгүн көрсөткөн. Анда спорт менен машыккандар коронавирус менен аз ооруган жана машыккандардын ичинен өлүмгө учурагандар аз болгон. Ал эми ашыкча салмактагы адамдар арасында каза болгондор 10 эсеге көп кездешкен.
Тамеки чегип жаткан адам. Архив - Sputnik Кыргызстан, 1920, 27.05.2022
Дүйнөдө чылым чегүүнүн кесепетинен минутасына 10 адам каза болот
Жаңылыктар түрмөгү
0