Улан Примов Эл аралык иштер комитетинин төрагасы болуп шайланды

© Sputnik / Табылды КадырбековДепутат Улан Примов
Депутат Улан Примов  - Sputnik Кыргызстан, 1920, 20.10.2022
Жазылуу
Примов бир жылдай вице-спикер болуп иштеп, жакында кызматын тапшырган болчу.
БИШКЕК, 20-окт. — Sputnik. Улан Примов Жогорку Кеңештин Эл аралык иштер, коргоо, коопсуздук жана миграция комитетинин төрагасы болуп шайланды.
Аны комитеттин жетекчиси кызматына 70 депутат "макул", бирөө "каршы" деген добуш берди.
Примов Алай округунан шайланып келип, "Ата-Журт Кыргызстан" фракциясына кирген. Бир жылдай вице-спикер болуп иштеп, жакында кызматын тапшырган болчу.
Бүгүн түштөн кийин Айдарбековго ишеним көрсөтпөө менен комитет төрагалыгынан артка чакыртып алуу сунушу добушка коюлган. Анда 42 депутат "макул", 17си "каршы" добуш берген. Спикер Нурлан Шакиев ал төрагалык орундан чакыртылды деп жарыялаган.
Кийин депутат Гуля Кожокулов анын кызматтан алынышы мыйзамсыз экенин айтты. Себеби регламент боюнча кеминде 50 депутат "макул" добуш бериш керек эле.
Альянс фракциясынын депутаты Жанар Акаев - Sputnik Кыргызстан, 1920, 20.10.2022
Жанар Акаев: өзү билемдик, жеке басар бийликке эч качан жол бербейбиз
Жаңылыктар түрмөгү
0