Кытайда Европанын эсине келип АКШга сес көрсөтө баштаган белгиси айтылды

© AP Photo / VIRGINIA MAYOАКШ жана ЕБ желектери. Архив
АКШ жана ЕБ желектери. Архив - Sputnik Кыргызстан, 1920, 18.10.2022
Жазылуу
Баяндамачы Европанын стратегиялык автономиясы Европа ичиндеги биримдикти эле эмес, АКШнын таасиринен четтөө үчүн дүйнө өлкөлөрүнүн басымдуу бөлүгү менен кызматташууну талап кыларын белгилеген.
БИШКЕК, 18-окт. — Sputnik. Европа лидерлери АКШга карата мамилесинин өзгөргөнүн кыйытып, соодада да, стратегиялык автономия жаатында да Вашингтондон оолактап барат. Мындай маанидеги макала Global Times басылмасына жарыяланды.
Автор Ай Жунанын айтымында, европалыктардын мамилесинин башка нукка бурулушуна Батыш мамлекеттеринин Россияга каршы киргизген санкциясынын кесепети жана Вашингтондун "гегемонисттик" саясатын жайылтуу далалаты себеп болуп жатат.
"Москвага карата киргизилген экономикалык чектөөлөр Европага кедергисин тийгизди, региондогу айрым саясатчылар эсине келип, ЕБдин чыныгы кызыкчылыгы эмнеде экенин ойлоно башташты. Европа глобалдашууга жана мультиполяризациялоого ыктаганы менен АКШ жеке үстөмдүгүнүн жана бир полярдуу дүйнөнүн сакталышына жан үрөп келет", — деп жазылат макалада.
Ай Жуна АКШ муну менен бирге Европаны стратегиялык автономия боюнча да ооздуктоого аракет кыларын айтып, Вашингтон ЕБ мындан ары "мээсин айлантууга" жол бербейт деп кооптонуп жатканын белгилеген.
"АКШ европалык интеграция менен евронун жүгүртүлүшүнө каршы. Алар Европанын толугу менен Вашингтондон көз каранды болушун каалайт", — деп айтылат материалда.
Буга карабастан, автор бул ирет баары Вашингтон каалагандай болбой калышы да мүмкүн экенине токтолгон.
"Евробиримдиктин ойгонуусу — АКШнын лидерликтен ооп баратканынын белгиси. Брюссель Вашингтон эч убакта Батыш менен эсептешпей турганын түшүндү, өзүнүн гана кызыкчылыгын көздөй турганына ынанды. Жакшы сабак болду", — деп жазылган макалада.
Баяндамачы Европанын стратегиялык автономиясы Европа ичиндеги эле биримдикти эмес, АКШнын таасиринен четтөө үчүн дүйнө өлкөлөрүнүн басымдуу бөлүгү менен кызматташууну да талап кыларын белгилеген.
Батыш мамлекеттери Москвага каршы санкция киргизип, россиялык отундан баш тарткандан кийин кымбатчылыкка тушуккан. Энергоресурска баанын асмандашы менен Европанын өнөр жай тармагы атаандаштык жараткан артыкчылыгынан кол жууп, мындай жагдай экономиканын башка тармактарына да катуу таасир этти. Мындан тышкары, АКШ менен Европа өлкөлөрүндө инфляция болуп көрбөгөндөй өстү.
Вашингтондогу Капитолий имаратынын алдында АКШнын Улуттук гвардиясынын жоокери - Sputnik Кыргызстан, 1920, 18.10.2022
Америкалык тарыхчы: АКШ Россия, Кытай жана Иранга бир учурда каршы тура албайт
Жаңылыктар түрмөгү
0