Лукашенко: Батыштын саясаты үчүнчү дүйнөлүк согуш тобокелдигин күчөтүүдө

© Sputnik / POOL / Медиабанкка өтүүБеларусь президенти Александр Лукашенко
Беларусь президенти Александр Лукашенко - Sputnik Кыргызстан, 1920, 13.10.2022
Жазылуу
НовостиTelegram
Форумга 11 мамлекеттин лидерлери катышууда, дагы сегиз өлкө байкоочу макамына ээ.
БИШКЕК, 13-окт. — Sputnik. Батыштын башка мамлекеттерде төңкөрүш жасоо жана санкция киргизүү саясаты үчүнчү дүйнөлүк согуш тобокелдигин күчөтөт. Бул тууралуу Беларусь президенти Александр Лукашенко Астанада өтүп жаткан Азиядагы кызматташуу жана ишеним чаралары боюнча кеңешменин саммитинде билдирди.
"Башка мамлекеттерде төңкөрүш жасап, ага каршылык көрсөтүп туруштук берген мамлекеттерди санкция менен жазалоо практикасы кайсы эл аралык нормага туура келет? Бул суроону азыр керек болсо эч ким бербей калды. Биздин жооп катуу болушу керек: жол берүүгө болбойт, мындай аракет үчүнчү дүйнөлүк согуш тобокелдигин жаратат", — деди Лукашенко.
Беларусь президенти үчүнчү дүйнөлүк согушта жеңүүчү тарап болбой турганын, мындан улам буга баары баш оорутушу керектигин белгиледи. Анын айтымында, учурда коопсуздук жаатында абал Европада эле эмес, дүйнө жүзү боюнча начарлап бара жатат.
Астанада өтүп жаткан Азиядагы кызматташуу жана ишеним чаралары боюнча кеңешменин VI саммитине 11 өлкөнүн лидерлери катышууда.
Азиядагы кызматташуу жана ишеним чаралары боюнча кеңешме — Казакстандын демилгеси менен 1992-жылы түзүлгөн мамлекеттер аралык форум. Анын ишмердүүлүгү диалог үчүн, Азиядагы коопсуздукту камсыздоо боюнча чараларды кабыл алып, аны ишке ашыруу үчүн шарт түзүүгө багытталган. Форум 28 мамлекеттин башын бириктирет, бул — Азия аймагынын 90 пайызы. Дагы сегиз мамлекет менен беш эл аралык уюм (ичинде БУУ да бар) байкоочу макамына ээ.
Кеңешмеге Азербайжан, Афганистан, Бахрейн, Бангладеш, Вьетнам, Египет, Израиль, Индия, Иордания, Ирак, Иран, Казакстан, Катар, Камбоджа, Кытай, Корея, Кыргызстан, Кувейт, Монголия, БАЭ, Пакистан, Палестина, Россия, Тажикстан, Таиланд, Түркия, Өзбекстан, Шри-Ланка — мүчө. Ал эми Бангладеш, Беларусь, Индонезия, Ливан, Малайзия, АКШ, Украина, Филиппин жана Япония — байкоочу өлкөлөр. Форумдун ишине БУУ, ЕККУ, Араб мамлекеттеринин лигасы, Төрк тилдүү мамелкеттердин парламенттик ассамблеясы катышууда.
Президент Садыр Жапаров Астанадагы саммитинде  - Sputnik Кыргызстан, 1920, 13.10.2022
Садыр Жапаровдун Астанадагы сүйлөгөн сөзү. Урунттуу учурлар
Жаңылыктар түрмөгү
0