https://sputnik.kg/20221008/uluu-britaniya-rossiya-avariya-mina-gaz-1068775035.html
The Daily Mail: Британия Россия түтүктөрүбүздү жардырат деп чочулоодо
The Daily Mail: Британия Россия түтүктөрүбүздү жардырат деп чочулоодо
Sputnik Кыргызстан
Россия аралыктан миналарды койду деп шектенген Британия бийлиги деңиз аскердик күчтөрүнөн эң маанилүү делген түтүк, кабелдерди текшерип чыгууну буюрду. 08.10.2022, Sputnik Кыргызстан
2022-10-08T17:53+0600
2022-10-08T17:53+0600
2022-10-08T17:53+0600
дүйнөдө
кырсык
авария
түндүк агым - 2
улуу британия
газ түтүгү
https://sputnik.kg/img/07e6/0a/08/1068762003_0:70:1351:830_1920x0_80_0_0_73fb7f02eace0283dba205d81ea92843.png
БИШКЕК, 8-окт. — Sputnik. Улуу Британиянын бийлиги россиялык адистер суу алдындагы кабелдер менен өткөргүч түтүктөрдү миналашы мүмкүн деп чочулап, шашылыш түрдө ага текшерүү жүргүзүү буйругун берди. Мындай маалыматты The Daily Mail басылмасы жазды.26-сентябрда Россиянын Европага газ экспорттогон эки түтүгүндө — "Түндүк агым" жана "Түндүк агым-2де" бир учурда авария болгон. Германия, Дания жана Швеция муну атайын жасалган иш деп билдирген.Nord Stream AG "Түндүк агымынын" оператору газ түтүктөрүндөгү кырсык абдан катуу болгонун, аны калыбына келтирүүгө канча убакыт керектигин айтуу мүмкүн эмес деп билдирген. Россиянын Башкы прокуратурасы эл аралык террорчулук актысы боюнча иш козгогон. Россия кырсыкка эл аралык иликтөө жүргүзүлүшү керек деп талап кылууда. Президенттин маалымат катчысы Дмитрий Песков Европанын айрым өлкөлөрү жана Россия өзү андагы аварияны жасоого кызыкдар эмес деп айткан. Себеби газ алуунун альтернативдик маршрутунан, а балким көгүлтүр оттун өзүн алуудан кол жууп калышты.Гезиттин Британия өкмөтүндөгү маалымат булактарынын айтымында, "Түндүк агымга" болгон чабуул боюнча Даниянын иликтөөсүнө баары байкоо салып турат."Бул түздөн-түз чабуул болдубу? Же миналарды мурда коюп чыгышып, кийин аны аралыктан жардырыштыбы? Эгерде экинчи жооп туура болсо дагы кайсы жерлерге мина коюлган деген маселе жаралат", — деген ал киши гезитке берген маалыматында.Ошол эле учурда ал Лондон бир нече жылдардан бери өзүнүн суу алдындагы инфраструктурасында "россиялык суучулдардын шектүү активдүүлүгүн" байкап келе жатат деп билдирген.Буга чейин Улуу Британиянын коргоо министри Бен Уоллес Россиянын "Түндүк агымдагы" кырсыкты иликтөөгө катышуусуна каршылыгын айткан. Федерациянын Лондондогу элчиси Андрей Келин бул каршылыктарды жөнсүз деп атаган.Даниянын тышкы иштер министри Йеппе Кофод өкмөт Россия авариянын себептерин иликтөөгө катышып, күнөөлүүлөрдү аныктоосуна чечкиндүү түрдө бут тосуп жатканын белгилеген болчу. РФтин Тышкы иштер министрлигинин өкүлү Мария Захарова "Түндүк агымдагы" террактыны иликтөөгө Россия катышканда гана ал иликтөөнү объективдүү жана так деп эсептесе болот деген пикирин жарыялаган.
https://sputnik.kg/20221005/tunduk-agymdardagy-diversiyaga-kim-kyzykdar-1068643980.html
улуу британия
Sputnik Кыргызстан
media@sputniknews.com
+74956456601
MIA „Rossiya Segodnya“
2022
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
дүйнөдө, кырсык, авария, түндүк агым - 2, улуу британия, газ түтүгү
дүйнөдө, кырсык, авария, түндүк агым - 2, улуу британия, газ түтүгү
The Daily Mail: Британия Россия түтүктөрүбүздү жардырат деп чочулоодо
Россия аралыктан миналарды койду деп шектенген Британия бийлиги деңиз аскердик күчтөрүнөн эң маанилүү делген түтүк, кабелдерди текшерип чыгууну буюрду.
БИШКЕК, 8-окт. — Sputnik. Улуу Британиянын бийлиги россиялык адистер суу алдындагы кабелдер менен өткөргүч түтүктөрдү миналашы мүмкүн деп чочулап, шашылыш түрдө ага текшерүү жүргүзүү буйругун берди. Мындай маалыматты
The Daily Mail басылмасы жазды.
26-сентябрда Россиянын Европага газ экспорттогон эки түтүгүндө — "Түндүк агым" жана "Түндүк агым-2де" бир учурда авария болгон. Германия, Дания жана Швеция муну атайын жасалган иш деп билдирген.
Nord Stream AG "Түндүк агымынын" оператору газ түтүктөрүндөгү кырсык абдан катуу болгонун, аны калыбына келтирүүгө канча убакыт керектигин айтуу мүмкүн эмес деп билдирген. Россиянын Башкы прокуратурасы эл аралык террорчулук актысы боюнча иш козгогон. Россия кырсыкка эл аралык иликтөө жүргүзүлүшү керек деп талап кылууда. Президенттин маалымат катчысы Дмитрий Песков Европанын айрым өлкөлөрү жана Россия өзү андагы аварияны жасоого кызыкдар эмес деп айткан. Себеби газ алуунун альтернативдик маршрутунан, а балким көгүлтүр оттун өзүн алуудан кол жууп калышты.
"Россия аралыктан миналарды койду деп шектенген Британия бийлиги деңиз аскердик күчтөрдөн эң маанилүү делген түтүк, кабелдерди текшерип чыгууну өтүндү", — деп жазылат басылманын маалыматында.
Гезиттин Британия өкмөтүндөгү маалымат булактарынын айтымында, "Түндүк агымга" болгон чабуул боюнча Даниянын иликтөөсүнө баары байкоо салып турат.
"Бул түздөн-түз чабуул болдубу? Же миналарды мурда коюп чыгышып, кийин аны аралыктан жардырыштыбы? Эгерде экинчи жооп туура болсо дагы кайсы жерлерге мина коюлган деген маселе жаралат", — деген ал киши гезитке берген маалыматында.
Ошол эле учурда ал Лондон бир нече жылдардан бери өзүнүн суу алдындагы инфраструктурасында "россиялык суучулдардын шектүү активдүүлүгүн" байкап келе жатат деп билдирген.
Буга чейин Улуу Британиянын коргоо министри Бен Уоллес Россиянын "Түндүк агымдагы" кырсыкты иликтөөгө катышуусуна каршылыгын айткан. Федерациянын Лондондогу элчиси Андрей Келин бул каршылыктарды жөнсүз деп атаган.
Даниянын тышкы иштер министри Йеппе Кофод өкмөт Россия авариянын себептерин иликтөөгө катышып, күнөөлүүлөрдү аныктоосуна чечкиндүү түрдө бут тосуп жатканын белгилеген болчу. РФтин Тышкы иштер министрлигинин өкүлү Мария Захарова "Түндүк агымдагы" террактыны иликтөөгө Россия катышканда гана ал иликтөөнү объективдүү жана так деп эсептесе болот деген пикирин жарыялаган.
5 Тогуздун айы 2022, 11:11
