Өкмөттө ички авиакаттамдарга билет баасын арзандатуу маселеси талкууланды

© Фото / пресс-служба аэропорта "Манас"Ош аэропортундагы учак. Архив
Ош аэропортундагы учак. Архив - Sputnik Кыргызстан, 1920, 08.10.2022
Жазылуу
НовостиTelegram
Монополияны жөнгө салуу кызматына бааны негизсиз жогорулаткан учурда жооптуу тараптарга мыйзам чегинде чара көрүү тапшырылган.
БИШКЕК, 8-окт. — Sputnik. Министрлер кабинетинин төрагасынын орун басары Бакыт Төрөбаев ички авиакаттамдарга билет баасын төмөндөтүү боюнча жумушчу кеңешме өткөрдү. Бул тууралуу өкмөттүн маалымат кызматы кабарлады.
Кеңешмеде Төрөбаев Жарандык авиация мамлекеттик агенттиги, Монополияны жөнгө салуу кызматы, авиакомпаниялар жана башка кызыкдар тараптар менен бирге авиабилеттердин кымбаттап кетишине жол бербөө маселесин талкуулаган.
"Керектөөчүлөрдүн укуктарын коргоо максатында Монополияны жөнгө салуу кызматына билет баасын көзөмөлдөп, аны негизсиз жогорулаткан учурда жооптуу тараптарга мыйзам чегинде чара көрүү тапшырылды", — деп айтылат маалыматта.
Жарандык авиация мамлекеттик агенттигине Баткен жана Раззаков шаарларына каттамдарды көбөйтүү мүмкүнчүлүгүн карап чыгуу сунушталса, "Манас" эл аралык аэропортуна Жалал-Абад шаарындагы аэропорттун кызматкерлеринин штаттык санын көбөйтүү тапшырмасы берилген.
TEZ JET авиакомпаниясы Бишкек — Ош авиакаттамы. Архив - Sputnik Кыргызстан, 1920, 07.09.2022
Бишкектен Ош шаарына авиакаттамдардын саны көбөйтүлдү
Жаңылыктар түрмөгү
0