Бишкекте сентябрда квартиралар кандай баада сатылды. Инфографика

Жазылуу
НовостиTelegram
2022-жылдын сентябрь айында Бишкекте кыймылсыз мүлктүн баасы мурдагы айларга карата кандай болуп өзгөргөндүгүн көрсөтүп беребиз.
Sputnik Кыргызстан ачык маалымат булактарында көрсөтүлгөн бааларды талдап, борбор калаадагы батирлердин канча турарына баам салып турат. Окурмандардын ыңгайы үчүн түрдүү типтеги бир, эки жана үч бөлмөлүү батирлердин (104, 105, 106-серия, "элитка", жеке тип жана мейманкана тибиндеги) орточо наркын көрсөтүп беребиз. Ошондой эле ичин ээси өзү оңдоп ала турган элиталык батирлердин баасы тууралуу статистиканы чогултабыз.
Бул ирет сентябрь айынын башынан аягына чейин баалар кандай өзгөргөнүн салыштырдык. Материалды даярдоо учурунда 1 097 жарнамага анализ жасалды.
Карай келгенде бардык батирлердин кымбаттаганы байкалды. Бир бөлмөлүүлөр орточо эсеп менен алганда 1000 долларга өссө, эки-үч бөлмөлүүлөргө 1000-1500 доллардан өйдө кошулган.
Ачык маалымат булактарында 2022-жылдын сентябрында бир бөлмөлүү батирлердин орточо баасы төмөнкүчө көрсөтүлдү:
104-серия — 35 900 доллар (28 500 - 51 800);
105-серия — 34 700 (26 500 - 43 500);
106-серия — 39 500 (29 500 - 50 000);
"хрущевкалар" — 30 900 (25 500 - 36 500).
Элиталык бир бөлмөлүү батирлердин орточо баасы:
индивидуалдык тип (18 - 52 чарчы метр) — 34 800 доллар (20 500 - 57 500);
ичин алган киши өзү оңдоп ала тургандары (32 - 65 чарчы метр) — 33 200 (20 900 - 52 800).
Эки бөлмөлүү батирлердин орточо баасы:
104-серия — 45 300 доллар (35 500 - 61 500);
105-серия — 48 100 (36 000 - 61 500);
106-серия — 54 500 (39 500 - 70 000);
"хрущевкалар" — 39 900 (33 500 - 46 500).
Элиталык эки бөлмөлүү батирлердин орточо баасы:
индивидуалдык типтегилер (41 - 99 чарчы метр) — 48 700 доллар (27 500 - 76 000);
ичин алган киши өзү оңдоп ала тургандары (49 - 94 чарчы метр) — 53 400 (25 500 -105 000).
Үч бөлмөлүү батирлердин орточо баасы:
104-серия — 53 200 доллар (34 000 - 65 500);
105-серия — 61 300 (38 500 - 91 500);
106-серия — 66 700 (50 500 - 89 000);
"хрущевкалар" — 47 800 (43 500 - 51 900).
Элиталык үч бөлмөлүү батирлердин орточо баасы:
индивидуалдык типтегилер (46 - 160 чарчы чакырым) — 63 100 доллар (36 500 - 135 000);
ичин алган киши өзү оңдоп ала тургандары (75 - 125 чарчы чакырым) — 82 400 (28 000 - 155 000).
Тема боюнча:
Кыргызстанда автоунаалардын баасы кандай болууда. Инфографика
Жаңылыктар түрмөгү
0