Радиостудия Sputnik Кыргызстан в Бишкеке - Sputnik Кыргызстан, 1920
Радио

Шабданбаев: Көчмөндөр оюндарына даярданууга 40 млн. сом сарпталды

© Sputnik / Табылды КадырбековДене тарбия жана спорт департаментинин директору Канат Шабданбаев
Дене тарбия жана спорт департаментинин директору Канат Шабданбаев  - Sputnik Кыргызстан, 1920, 06.10.2022
Жазылуу
Дене тарбия жана спорт департаментинин директору Канат Шабданбаев Түркиянын Изник шаарында өткөн IV Көчмөндөр оюндарында Кыргызстандын курама командасы жалпы медалдык эсепте экинчи орунду алгандыгын болжоп жаткандыгын айтты.
Республикалык бюджеттен Көчмөндөрдүн дүйнөлүк IV оюндарына даярданууга 50 миллион сом бөлүнгөн. Азыркы экономикалык жагдайды эске алып, ири мелдешке камылга көрүүгө жалпысынан 40 миллиондун тегерегиндеги акча сарпталды. Бул тууралуу Канат Шабданбаев Sputnik Кыргызстан радиосуна маек куруп жатып билдирди.
Шабданбаев: Көчмөндөр оюндарына даярданууга 40 млн. сом сарпталды
Анын айтымында, Көчмөндөр оюндарына барган спортчулар окуу-машыгуу жыйындарынан толук кандуу өтүп, жогорку даярдык менен барышты.

"Түркиянын Изник шаарында өткөн IV Көчмөндөр оюндары жыйынтыкталып, Кыргызстандын курама командасы 13 спорттун түрүнөн 58 медаль алды. Оюндарга кызуу даярданып, окуу-машыгуу жыйындарын толук өткөрдүк. Уюштуруу тобу алгач расмий сайтына спорттун жалпы 40 түрүн бекиткен. Биз анын 26сына катышууга камылга көрүп баштаганбыз. Кийин дагы өзгөрүүлөр болуп, 13 түрү калды. Оюндарда Кыргызстандын курама командасы жалпы медалдык эсепте Туркиядан кийинки эле экинчи орунду алгандыгын болжоп жатабыз. Алар расмий жыйынтыкты бере элек. Республикалык бюджеттен Көчмөндөрдүн дүйнөлүк IV оюндарына даярданууга 50 миллион сом бөлүнгөн. Азыркы экономикалык жагдайды эске алып, ири мелдешке камылга көрүүгө жалпысынан 40 миллиондун тегерегинде акча сарпталды", — деди Шабданбаев.

Ошондой эле адис IV Дүйнөлүк көчмөндөр оюндарында мелдештерди уюштурууда кемчиликтер көп болгондугун кошумчалады.
Жаңылыктар түрмөгү
0