https://sputnik.kg/20221006/germaniya-ukraina-kachkyn-municipalitet-1068687425.html
Германия украиналык качкындардын айынан "кооптуу чекке" жетти
Германия украиналык качкындардын айынан "кооптуу чекке" жетти
Sputnik Кыргызстан
23 муниципалитеттин жетекчилери Германиянын ички иштер министринен каржылык жардам көрсөтүүнү сураган. 06.10.2022, Sputnik Кыргызстан
2022-10-06T12:09+0600
2022-10-06T12:09+0600
2022-10-06T12:12+0600
дүйнөдө
украина
германия
качкын
акча
муниципалитет
https://sputnik.kg/img/07e6/0a/06/1068687261_0:317:3077:2048_1920x0_80_0_0_a402d1295919bb924860fa34671595b2.jpg
БИШКЕК, 6-окт. — Sputnik. Баден-Вюртембергдин 23 муниципалитетинин жетекчилери Германиянын ички иштер министри Нэнси Фрезерден украиналык качкындарды камсыздоо үчүн каржылык жардам сурашты. Бул тууралуу РИА Новости агенттиги жазды.Анда белгиленгендей, жардам өтүнүчү боюнча жазылган кат министрге сентябрь айынын аягында жөнөтүлгөн. Катта жергиликтүү администрация башчылары качкындарга жардам берүү үчүн бардык мүмкүнчүлүктөрүн жумшашканын, азыр кооптуу абалда турушканын жазышкан.Украиналык качкындардын көбү муниципалитетте жана алардын иммиграциялык кызматтарында жатышат, жашай турган жайлар жетишсиз. Ошентсе да келген качкындардын саны күн сайын өсүүдө. "Жарга такалып калдык, биз коркунучтуу чекке жеттик", — деп билдиришкен жергиликтүү бийлик жетекчилери.Мындай абал Германиянын башка шаарларында дагы байкалууда, көптөгөн муниципалитеттер болгон аракетинин баарын көрүшкөн. Германия өкмөтү алдыда качкындардын саны дагы көбөйөт деп болжолдоп жатат."Украинадагы жаңжалдан качып келгендердин ар бири биздин жардамга муктаж. Бирок баш паанек издегендерди жайгаштыруу ишине келгенде федералдык өкмөт менен федералдык жерлердин өкмөттөрү арасында тыгыз координация керек ", — деди Немец шаарлары ассоциациясынын төрагасы жана Мюнстер шаарынын мэри Маркус Леве. Ал муниципалитеттерге азыр баарынан да акча керек болуп жатканын белгилеген.БУУнун Качкындар иши боюнча жогорку комиссар башкармалыгынын маалыматы боюнча, 24-февралдан 30-августка чейин Европа өлкөлөрүнө Украинадан 7 миллиондон ашык качкын келген.
https://sputnik.kg/20220825/germaniya-deputat-ukrainalyk-kachkydar-tazhady-1067174043.html
украина
германия
Sputnik Кыргызстан
media@sputniknews.com
+74956456601
MIA „Rossiya Segodnya“
2022
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
дүйнөдө, украина, германия, качкын, акча, муниципалитет
дүйнөдө, украина, германия, качкын, акча, муниципалитет
Германия украиналык качкындардын айынан "кооптуу чекке" жетти
12:09 06.10.2022 (Жаңыртылды: 12:12 06.10.2022) 23 муниципалитеттин жетекчилери Германиянын ички иштер министринен каржылык жардам көрсөтүүнү сураган.
БИШКЕК, 6-окт. — Sputnik. Баден-Вюртембергдин 23 муниципалитетинин жетекчилери Германиянын ички иштер министри Нэнси Фрезерден украиналык качкындарды камсыздоо үчүн каржылык жардам сурашты. Бул тууралуу
РИА Новости агенттиги жазды.
Анда белгиленгендей, жардам өтүнүчү боюнча жазылган кат министрге сентябрь айынын аягында жөнөтүлгөн. Катта жергиликтүү администрация башчылары качкындарга жардам берүү үчүн бардык мүмкүнчүлүктөрүн жумшашканын, азыр кооптуу абалда турушканын жазышкан.
Украиналык качкындардын көбү муниципалитетте жана алардын иммиграциялык кызматтарында жатышат, жашай турган жайлар жетишсиз. Ошентсе да келген качкындардын саны күн сайын өсүүдө. "Жарга такалып калдык, биз коркунучтуу чекке жеттик", — деп билдиришкен жергиликтүү бийлик жетекчилери.
"Муниципалитеттерди ширеси сыгылган лимонго окшоштурса болот. Биз бул жолу "жөн эле арызданып жатышат, аягында өздөрү кандайдыр бир жол таап, абалдан чыгышат" дегенге караманча каршыбыз", — дешкен Баден-Вюртембергдин бургомистрлери.
Мындай абал Германиянын башка шаарларында дагы байкалууда, көптөгөн муниципалитеттер болгон аракетинин баарын көрүшкөн. Германия өкмөтү алдыда качкындардын саны дагы көбөйөт деп болжолдоп жатат.
"Украинадагы жаңжалдан качып келгендердин ар бири биздин жардамга муктаж. Бирок баш паанек издегендерди жайгаштыруу ишине келгенде федералдык өкмөт менен федералдык жерлердин өкмөттөрү арасында тыгыз координация керек ", — деди Немец шаарлары ассоциациясынын төрагасы жана Мюнстер шаарынын мэри Маркус Леве. Ал муниципалитеттерге азыр баарынан да акча керек болуп жатканын белгилеген.
БУУнун Качкындар иши боюнча жогорку комиссар башкармалыгынын маалыматы боюнча, 24-февралдан 30-августка чейин Европа өлкөлөрүнө Украинадан 7 миллиондон ашык качкын келген.
