Армения — Азербайжан чыры. Путин абалды жөнгө салууда РФтин кадамдарын айтты

© Фото / POOL / Медиабанкка өтүүРоссия президенти Владимир Путин
Россия президенти Владимир Путин - Sputnik Кыргызстан, 1920, 14.09.2022
Жазылуу
НовостиTelegram
Чек арадагы чыр боюнча эки өлкө бири-бирин чагымчылыкка айыптап жатышат.
БИШКЕК, 14-сен. — Sputnik. Россия президенти Владимир Путин ЖККУнун Жамааттык коопсуздук кеңешине Армения менен Азербайжандын чек арасындагы абалды жөнгө салуу боюнча Россиянын кадамдары тууралуу маалымат бергенин РИА Новости уюмдун катчылыгына таянып кабарлады.
"Владимир Путин Жамааттык коопсуздук кеңешинин мүчөлөрүнө Россия тараптын чыр-чатакты басаңдатууга багытталган кошумча практикалык кадамдары тууралуу маалымат берди", — деген катчылык.
Чек арадагы чыр боюнча эки өлкө бири-бирин чагымчылыкка айыптап жатышат. Ереван Баку шейшембиге караган түнү оор артиллерия, учкучсуз аппараттарды жана миномётторду колдонуп Армения аймагын аткылаганын кабарлаган. Ошондой эле армян тарапта каза болгондор жана жарадарлар бар экени айтылган. Өз кезегинде Азербайжандын Коргоо министрлиги Армениянын диверсиялык күчтөрү алар жүргөн аймакка мина койгонун жана тиешелүү жооп кайтарылганын билдирип, алар тараптан дагы жоготуулар болгонун кошумчалаган.
Учурда тараптар ок атууну токтотуу боюнча макулдашты. Россиянын тышкы иштер министринин орун басары, статс-катчы Григорий Карасин РИА Новостиге билдиргендей, Россиянын аракетинен улам Армения менен Азербайжан жарашуу тууралуу сүйлөшкөн. Сенатор Ереван ЖККУга кайрылгандыктан, алдыда чоң иштер турганын белгилеген.
Курал-жарак. Архив - Sputnik Кыргызстан, 1920, 14.09.2022
Армения — Азербайжан чыры боюнча ЖККУ онлайн-саммит өткөрдү. Жыйынтыгы
Жаңылыктар түрмөгү
0