Ак-Суу районунда жоголгон үч кичинекей бала аман-эсен табылды

© Sputnik / Табылды КадырбековЖаш балдар. Архивдик сүрөт
Жаш балдар. Архивдик сүрөт - Sputnik Кыргызстан, 1920, 27.08.2022
Жазылуу
Балдар бир күндөн кийин өздөрү жашаган айылдагы көчөлөрдүн биринен табылган.
БИШКЕК, 27-авг. — Sputnik. Ысык-Көлдүн Ак-Суу районунда изделип жаткан кичинекей үч бала бүгүн табылды. Бул тууралуу ӨКМ билдирди.
"Үч бөбөк өздөрү жашаган айылдагы Ишеналы көчөсүндөгү үйлөрдүн короосунан аман-эсен табылды", — деп айтылат билдирүүдө.
Эске салсак, кечээтен бери Ак-Суу районуна караштуу Жаңы-Арык айылында жашаган 4, 5 жана 7 жаштагы бөбөктөр дайынсыз болуп жаткан. Алар ойногону чыгып кеткен боюнча кайтып келбей, издөө башталган. Кечээ түн кирип кеткендигине байланыштуу ал иштер токтотулуп, бүгүн уланып, Караколдон төрт куткаруучу келген.
Сууда сүзүп жаткан спортчу. Архив - Sputnik Кыргызстан, 1920, 06.08.2022
Ысык-Көлдө толкунга кабылып, дайынсыз болуп жаткан спортчу аман-эсен табылды
Жаңылыктар түрмөгү
0