Ульяновскиде каза тапкан мекендештердин үй-бүлөсүнө 300 миң сомдон берилет

CC0 / Pixabay / Myriam ZillesШам. Архивдик сүрөт
Шам. Архивдик сүрөт - Sputnik Кыргызстан, 1920, 23.08.2022
Жазылуу
НовостиTelegram
Бүгүн жол кырсыктан каза тапкан 14 кыргызстандыктын сөөгү атайын учак менен алып келинген.
БИШКЕК, 23-авг. — Sputnik. Ульяновск облусунда набыт болгон кыргызстандыктардын үй-бүлөсүнө 300 миң сомдон берилет. Бул туурасында президенттин администрациясынан билдирди.
Материалдык жардам мамлекет башчы Садыр Жапаровдун атынан көрсөтүлөрү белгиленди.
Белгилей кетсек, бүгүн жол кырсыктан каза тапкан 14 кыргызстандыктын сөөгү атайын учак менен Ош шаарына алып келинди. Маркумдар аба майдандан ары ӨКМдин автоунаалары менен туулган айылдарына жеткирилет.
Тийиштүү уюштуруу иштерин жана башка маселелерди чечүү үчүн министрлер кабинетинин төрагасынын орун басары Бакыт Төрөбаев Ош шаарына барганын билдирди. Аны менен катар президенттин жана министрлер кабинетинин чечимдерин даярдоо боюнча башкармалыктын жетекчиси Айбек Жунушалиев, президенттин иш башкаруучусу Каныбек Туманбаев, ошондой эле тийиштүү мамлекеттик органдардын жана жергиликтүү бийлик органдарынын жетекчилиги жеринде иш алып барууда.
Ульяновск облусундагы жол кырсыктык кесепети - Sputnik Кыргызстан, 1920, 23.08.2022
Ульяновскиде көз жумган 14 кыргызстандык боюнча такталган тизме
Жаңылыктар түрмөгү
0